40 zu Belitz, 50 zu trewenbritzen, 20 zu Trebbin, 20 zu Sarmundt, 10 poſtam, 10 kop­

penick, Summa 1000 Drabanten.

Item den vorbeſtimbten reiſigen tzewg mit ſambt den Hofgeſinde mag die Herſchafft nit ertzewgen ein Jar mit funfftzig tauſent gulden, on die drabanten die die Stet haben ſollen und was es ſußt die landt wirt koſten, Wurd es ee gericht So geet ſovil ab.

Item geet dan der krieg mit dem konig wider an, So muſſen wir dorauſſen, uff und under dem ge­

birg uff das mynſt auch als vil haben.

Item wirt aber ein krieg gericht und der ander nicht fo geet ſovilẽ ab als an den andern ort gelegt iſt. Darumb iſt not zu berichten was man hat oder haben mag und die richtigung dagegen erwegen, was es nutz oder ſchaben uff Im trag, do iſt alleyn Innen gerechent und uberſ lagen was es die Herſchafft koſt, Mag man auch uberſ lagen was die drabanten die landt koſten.

Item das iſt die richtigung mit dem konig(legatur). Die ſtet wol, wo ſie voltzogen wirt So wer man des kriegs hynnen und doauſſen an dem end vertragen So hat man Hilff wider die Stetiniſchen All von Sachſen, Magdeburg durch die Hern von Sachſen und unnſer vermogen hynnen und doauſſen Wolt man Im dann recht thun So mußt man haben einen Hertzuge mit 12,000, 3000 reiſiger pferd, 1000 wagen.

Das iſt 1000 wagenknecht und 8000 drabanten darunder 2009 geßt, 2000 prelaten Heren und ritterſchaft,

mit ſpeiß, tzewg, wagen und allem, und die Stete 4000 drabanten, So mocht man ſich ſlahen fur Gartz und

mit 6600 wagen bleiben darunder 1500 pferd und mocht ſußt tziehen auß dem Here auch mit 6000, darunder

1500 mit 400 wagen So konten fie nicht zu hauffen komen und möcht fie warm halten In der Tolenß, umb Stetin Im land zu pomern. Wer man zu pomern, ließ man 500 pferd gegen der Tolenß oder wo es not wer, leg man anderswo dann zu pomern, ließ man 500 pferde In der mark Jenſeit der Oder, damit wer hoffentlich bald ein gruntliche nutzliche richtigung zu haben.

Item das dritt Here hett der konig von Tennemarck uff fein eigen koſt und zerung.

Item Stieß es ſich mit dem konig So muß man die richtigung mit den Stetiniſchen deſterleidenlicher furhalten. Die wege pro et contra Sol man auch horen laſſen.

Item zu handeln von der ungehorſamen Wie das zu furkomen ſey, Auch die dinſt ſtatlicher zu thun dann bißhere und bie leidenlich und gleich machen, einen als dem andern, wo man nicht ſpat ſchaden und nach­rede zuſambt dem verderben der Herrſchafft und der lannd empfahen wil.

Item das man mit ſpeiß und tzewg wagen, anders anſehe dann es hewr gehandelt iſt worden.

Item von der rawberey wegen, dann es tawg alſo nicht, wir verluren all unſer frund durch die rau­berey die uns ſußt hulffen und ſunderlich muß man darein ſehen So es frid wurdt.

Item horen zu laſſen die richtigung mit dem konig und all brief die zwiſchen unnſer und Hern Jor­gen vom Stein ergangen ſind der richtigung halben Auch all brief zwiſchen den Hern von Sachſen, dem Bi­

ſchof von Magdeburg und unnſerm Sone Marggrave Johannſen.

Was man uff dem Herntag Exaudi hanndeln fol Anno?9:

Iiem den receßs laſſen zu horen, der hie uff dem nechſten Herntag gemacht iſt.

Item laſſen zu horen den friden Im velde und den abſchid zu konig ſperg.

Item horen zu laſſen ſchrifft und widerſchrifft, die wir und Hertzog Buxlaf aneinander getan haben.

Item horn zu laſſen den abſchid zu krem men.

Item den abſchid zu franckfort mit dem konig.

Item herrn Jorgen vom Steins fridbrief bis uff viti.

Ttem uff das alles zu fordern rat und antwort nach laut des abſchides hie uff dem tag. Item bas ſie mitſchicken mit vollem gewalt uff denſelben tag gein premptzlaw und dy alſo ferti­gen, das kein gebruch an uns ſey ob uns tzimlich Richtigung widerfarn mochte.