32

XXXV. 1478. Verabredung zu Frankfurt mit den pommerſchen Raͤthen.

Zettel durch hern Hinrichen Bork bracht gein Franckenfurt.

Item dith is de meninghe de her Hinrick Borke myneme gnedighenn herenn Marggraffenn Als brechte, vann mynes gnedighenn Herenn Hertogh Buggeßlaffes wegenn, vorgheholdenn heft, dar dorch de Heren an beyden Partenn ſcholdenn vorrichtet werden to eneme gruntlikenn ende.

Item de ßoͤs Hovethßlote In denn landenn Stettin, Pomerenn, Barth, unnd Wolgaſt Nemeligh utermunde Butow Rugenwolde Belgarde Lotze unnd Wolgaſt, up de Sulftenn Slote Schal myn gnedighe Here Hertogh Buggeßlaff edder Sine Manlike erffenn, nene Amptlude ßettenn, Sunder ße Scho­lenn denn Marggrave to Brandenborgh fo hoch lavenn Sweren unnd Slothloven vann en nemenn likerwis alße myneme gnedighen herenn Hertogh Buggeßlaffen unnd ift myn gnedighe Here Hertogh Buggheßlaff dodeß halven affginge ßunder manlicke Ervenn So ſcholenn de Sulftenn Amptlude de vorbeſtemedenn Slote nemende In Antwerden denn we Marggrave to Brandenborgh is.

Item Min gnedighe Here Marggrave Schal beholdenn Erfflick de Verrade und lokenitze, mydt erenn tobehoringhenn, unnde weme min gnedighe Here Marggrave vor Amplude up de Slote Setteth, de Scho­lenn mineme gnedighenn herenn hertogh Buggeßlaffe ock Slothloffenn laben und Sweren unde dath de lanth nicht darvann beſchedigheth werdenn edder to uprore kamenn.

Item alle erbare manſchop de mynem gn. herenn Marggravenn gehuldigeth hebben In dem lande to Stettin Se ßinth beßloteth Iſte unbeSloteth, de Scholenn mynem gnedighenn Herenn Hertogh Buggeßlaffe ock Swerenn lavenn unnd ere lenn entfanghenn, unnd Eyneme deile ßo hogh vorplichtet fin alze deme Anderenn.

Item den Bernſtenn Schal myn gnedighe Here Marggrave eneme Indonn unnd de Sulfte Schal beidenn Herenn unnd erenn Ervenn gelike hoch vorgewanth fin unnd denn Slothloffenn vann beidenn Herenn entfangenn. ̃

Item denn Satzick Schal myn gnedige Here Marggrave myneme gnedighe Herenn Hertogh Bugs geß laffe ume Siner vruntlikenn Bede und dennſte willenn weddergevenn, unde weme hee denn gift der Schall In aler mathe myth lofedenn Beydenn Herenn donn Alße de tho Bernſtenn.

Item alle Herenn unnde Manßchop In beidenn landenn Stettin unnd Pomerenn Scholenn mydt Sampth erem Herenn vorßegelenn unnd vorbrevenn, Szo dee Herenn dodeßhalvenn affgingenn unnd nene Man­like lenß ervenn hinder ßick lathenn, dath ße denne ane middel an de Marke to Branden borgh ffallenn unnde Scholenn ock alle vorſcrevenn Stucke wome des ens werdt holdenn dar up Schal myn gnedighe Herenn Marggrave denn Sulſtenn In beydenn lannden by erenn oldenn rechtigheidenn Privilegien unnde Herlichei= denn lathenn.

Item dathme de vorrichtinghe unnd eyninghe up dath hardeſte make mitd eedenn unnd Brevenn, dath ſe geholdenn werdt, Schal Stann to Myneme ghnedigenn Herenn Marggravenn wo ſine gnade de maken wil.

Ilem dar up Scholenn Alle gefangenn von beyden tzidenn loß Sin.

Item Stratzeborgh unnd nigenwedell Schal by der Marke blivenn.

Item Gartze unnd Penckun Schal myn gnedighe Her Hertogh Bugeßlaff beholbenn mydt Allenn ornn tobehoringhenn.

Item ift de Stettinßſchenn Herenn dodeßhalvenn affgingenn under Manlike erven wo vorſteitd unnd nene erven Hinder Sick lethenn Sunder de ffrowkenn, de Schalme uthrichtenn unnd beradenn like eynes Marg­gravenn dochter to Brandenborgh.

Begriff doruff zu franckfurt gemacht:

Item alles das wir hewr gewonen haben Soll uns bleiben dan allein Satzk ſollen wir geben unſerm

Swager Hertzog Bugßlaff gegen feiner gerechtigkeit Beßkaw und Storkaw.