68

Item zo ſein brieff der obgenanten furſten die die zeit geweſt fein als nemelich hertzog Hinrich des oldern mittlern und Jungern wie ſie ſich Jegen einander vorſchreben haben, daz ſie nummehr hechten der dinge wollen vornehmen daz bruderlich unnd gemeinen lehn ſchaffen unnd machen wort und ab wes zo vorgenomen wirt, zo wollen fie daz zu ebigen tzelten unkrefftich fein ſal und haben daruff boſtetinge unnd vulbort bekomen dan koningk Wentzlao beymſchen unnd romeſchen konigke, der iſt gegeben zu pragow Im 1379ſten Jar.

Item zo hatt konigk Jurge die Zeit do her von der kerchen zu gelaſen wart und vor einen konigk zu beymen gehalden unnß alle unnſe brive privilegia unnd gerechticheit gelichſam fie van worte zu worthe außge⸗ druckt weren beſtetiget.|

tem zo hatt unns unnſern bruder der hochgebaren furſte Herre Wentzel Hertzog In Sleſfien unnd Saghan ꝛc. uffgegeben alle und yede gerechticheit, zo an en dez furſtendoms edder andern anfal halp komen muͤchte zu obigen zeiten.

Item es fein ander der gelich brive, die van koningk zu koningk außgegangen fein bis an deſſe zeit dar- Innen den ſelbigen unnſern anherrn und vorfarn ſullich furſtenthum gelegen boſtetiget unnd alſe conformiret iſt die unnß die hertzogynne entweret hatt und fie auß unnſerm furſtenthum furen laſen.

Item es hatt der durchluchtigeſte großmechtigeſte konigk Mathlas unnſern vettern dem hochgebaren furſten und Gern Hern Hinrich Hertzog Im Sleſien zu groſen glagow ffrienſtadt zc. Der an Jungeſten vor⸗ ſcheiden iſt, ſullich alle unnd yede upgenanten brieff unnd vorſchreibinge boſtetiget unnd conformiret gelichßam ſie aller von worthe zu worthe In ſiner gnaden ſchriefft außgedruckt weren die gegeben ſeint zu Breßlow Am tage Viti Anno Im 1469ſten Jar.

Item nach ſullichem obegheſchreben vorfallen als ſich die landt irlebigeten nach tode unnſers lieben vet, tern ſeliger, mitt dem wir tzweiger bruder kint geweſt ſein daz offenbar unnd nicht hemelich iſt, wir ouch wie zum rechte gebort mitt genuckſamen orekunt boweiſet haben, habe wir unnß zu ſullichem lande als ein rechter erbe nach aben geſchreben vorbehaltniſſe ouch nach ordenung der recht gehalden.

Item dar Inne hatt unß widder godt glich und recht unnßers upgenanten lieben vettern ſeliger nachge= laſen wittewe irrunge gethan mitt eynen irdochten unbeſtendigen leibgedinge unnd hatt unnß dar Inne vremde hoptlewte geſattzt unnd ſullich unnſer erblandt entwenden.

lem es iſt wol offenbare unnd nicht hemelich daz fie ſulliche leibgebinge als fie ſich an tzeit, ab ſie daz ouch zo zu nennen iſt von dem oberherrn keine beſtetinge gehatt hatt, als daz ouch offentlich tzeigen unnſers herrn des koninges brieff der lanthſchafft tzu geſchick hir noch volgen worden.

Item zo denne kein leibgedinge vormechteniſſe vorſchreibunge ebder vorpfendige In lehngutern krefftich is an boſtetunge unnd vorwillunge Ires aberherrn, als daz wol klerlich geiſtlich keiſerlich unnd lehnrecht mellen, mag mennichlich merken daz ſich die genante unnſers vettern ſeliger wittewe mit unrechte zu den landen und unn­ſerm furſtenthum gehalden hatt unnd die geweltichlich, gedoch unß als einen rechten und naturlichen erben mit unbillicheit zu entweren.

Item fie hatt ſich an ſullicher gewalt unnß irtzeigen nicht begnugen laſen Sunder gebocht ouch unnd; aberfinck ſich der obericheit an eynem andern koninghe, denne Ir gemhal irkant unnd bevalen hatte ſich an koningk mathias zu halten, der des genanten koningk mathias die zeit vient geweſt iſt

Item ſullichs alles hatt angeſehen unnſer gnebiger herr der koningk upgenant daz wir naturlich ankunfit gerechticheit vorbehaltniſſe unnd bobingeniſſe unnſern ohroldern unnd vorfaren haben Dich daz unnſers vettern zeli­ger gelaſen wittewe unß alz einen rechten erben gedocht wider glich unnd recht ober alle rechts geboth zu enter ben und den oberhern ouch ſines rechten entweren unnd hatt fo zu gheſchickt feiner Majeſtat machboten unnd rethe mit genugßamen unnd vorſchreiben mit koniglicher Maieſtat Anhangenden Ingeſigel boſigelt gewelten dem wirdigen achtbaren ffabianen hangk geiſtliger rechte doctor unnd thumherrn zu breßlow unnd