224 bem Rath dofelbft In allen billichen zeimlichen ſachen, gehorſam fein frid halten, ſich an nymanbt vergreif— fen, noch gewalt uben Sunder an recht begnugen laſſen, vor Rath Richter und Schepffen nach gelegenheit der ſachen, Auch nicht verſamelung oder Sprech widder den Rath machen, Sunder was ſie gebrechen haben, durch Ire oldeſten an den Rathe tragen laſſen, die fie auch gedultiglich horenn und nach billigkeitth guthen beſcheidt geben ſollenn.
XVI. 1518. Landtagsſchluͤſſe wegen der Münze, Dienſtlohn, Wegziehn der Bauern, S
Buͤchſenſchießen u. ſ. w.
Ordenung unnd auſſatzung der Muntz, taglones, dinſtgeldes, Scheffell, Ellen, gewicht und anders halbenn.
Wr Joachim von gotts gnaden Marggraff zw Brandenbnrg kurfurſt 20. Entbitten allen unnd Iglichen unnſern Prelaten, Graffen herrn Ritterſchafft Burgermeyſtern unnd Rathmannen unnſer Stett In allen unſer Lannden unſer Freuntſchafft gunſt unnd grus zuvorn, Erwirdigen In gott, wolgebornen, Edlen Wirdigen, Geſtrengen, Erbar unnd Erßamen, beſunder Freunde und lieben getrewen, Als wir uff dem nechſten gehalten kanttag Sonntag Exaudi mit ewrm Rath unnſer Lande und underthan nottorfft unnd anliggen betrachtet unnd denſelben unnd gemeinen nutz zum beſten etlich artickell berathſlagt unnd entlich beſloſſen haben, wie volgender dewtlich angezaigt wirt, Szynnen unnd Begern wir gutlicher unnd ernſtlicher meynung It wollet ſoliche artickell wie die beſloſſen unnd hir unten verzeichent ſeind, vor euch ſelbs fo vil euch die betreffen ſteet veſt unnd unvorbrochen halten, Auch bey den ewrn ernſtlich verſchaffen das dieſelben alſo unverbrochen gehalten werden, bey vermeydung der ſtraff nach gelegenheit der ubertretung Wo Ir aber euch daran verſeumlich
erzeigen wordt, werden wir verurſacht vor uns ſelbs als ber Landeſſurſt dem geburet unnſer Lande und underthan gemeinen nutz zu befordern, Alſo darein zu ſehen damit ſolich artickell ſtettiglich gehalten unnd die ubertret, ter geſtrafft werden, euch nach unnſer meynung allenthalben zu richten wiſſen, In gnadenn zu erkennen Datum mit unſer auffgedruckten Secret verſigelt Coln an der Sprew Sonntag nach Viſitationis Marie Anno 1518.
Hirnach volgen die beſloſſen artickell:
Erſtlich Nachdem etlich umbliggende Furſten unnd ander Stende unſer kurfurſtliche Muntz om redlichen grundt und guten ſchein verbotten auch eins teils geſatzt haben, darauß gemeinen unnſer Lannd unnd Sunderlich den hendeleren mercklicher nachteil und verderb zukunfftiglichen entſtenn mocht, Sind wir bedacht unnd Iſt beſloſſen gemeinen nutz unnd den Landen zu guth, die Hemer und unnſer Muntzen ein Zeit lang ruhen zw laſſen, dadurch ſolicher nachteyl mag verhuth werden.
Forder Iſt auch deßhalben bedacht worden, damit auch gold unnd an ber Muntz In unſer Lannd gebracht werde, das von den außlendiſchen kaufflewten oder andern Frombden Sunderlich der ortter dha unnſer Muntzen verbotten oder geſatzt ſynd worden, kein anders dann guth gold oder Irer Herren Muntz was ſie In unnſern Lannden keuffen unnd außgeben, In Zollen glaiten Zerungen und andern ßol genemmen werden Unnd was dieſelben außlendiſche kauff lewt unnd ander Frembden, Sunderlich der ortter dho unnſer Muntz verbotten oder gefaßt Iſt, In unnſern Lannden verkauffen, ſollen mit keiner andern Mantz bann mit merckiſcher
Tuntz bezalt werden, wie fie In unnſern landen genge und gebe Iſt unnd deßhalbenn keinen auffſlag machen alles bey vermeydung unnſer ernſten ſtraff und ungnad unnd bey verluſt der wahr ſo gekaufft oder verkauft wirt unnd Sunderlich ſoll man ſich mit derſelbenn ſtraff alſo gein denſelben halten, wie ſich Ir herſchafft gein den, ſo unnſer Muntz uber Ir verbott nemen, erzaigen.