Als auch hyvor durch unns der Muntz halben, ſo In unnſern Landen genge unnd gebe unnd auch welche verbotten ſein ſoll, ordennung gemacht unnd außgeſchriben worden, Iſt unnſer ernſtlicher bevel0h das ſoliche ordenung unvorbrochentlich doch mit volgender veranderung gehalten werden ſoll, Nemlich das Ir euch der Manſfeldiſchen pfenningk zu nehmen gantz enthaldet und auch die Manffeldiſchen groſchen nicht annders dann zw Syben pfennigen nemet, bei voriger pene In dem außſchreiben außgedruckt unnd ſoll ſolichs angeen uff nechſten Sannt Michels tag unnd alſo fur unnd fur gehalten werden.

Zum andern der dinſtbotten halben wollen wir In ernſtlicher meynung, das Im landt zw Lubus auff den hoen unnd nydern Barnym eynem groſſen ackerknecht ein Jahr nicht mehr dann Sechßzehen ſchilling unnd kein landt, Eynem Mittelknecht oder wagenknecht nicht uber virzehen ſchilling und einem Jungen nicht uber vierzehen ſchilling zw loen ſollen gegebenn werdenn.

Im Uckerlandt ſoll es bei alter gewonheit bleiben, Aber uff dem Teltaw fol man einem Acker— knecht uber drei ſchock Eynem Mittelknecht uber zwe ſchock Eynem Jungen uber ein ſchock, Eyner groſſen veh— magt uber Funff mandell, Einer Mittelmagt uber ein ſchock unnd einer kleinen magt uber ein halb ſchock, ein Jar lang nicht zw loen geben. Im Havelandt und Glin Iſt es unnſern Beſonndern Freunde den Biſchove von Brandemburg unnd unſerm Rath, dem Abt von Lehnyn mit etlichen von Adell, nach gelegenheit unnd Billigkeit doch uff unnſer gefallen deßhalben ordenung zu machen bevolhen. | Deßgleichen In der Altenmarck unnd Prignitz Iſt unnſern Heuptlewten mit etlichen vom Adell, auch alſo ordennung zu machen bevolhen. Aber In unnſer newenmarck Iſt beſloſſen einen groſſen knecht uber vier und zwentzig marck doch kein lanndt, Eynem mittelknecht uber drey gulden unnd eynem Jungen dar­nach er iſt doch uber ein ſchock unnd Sechs groſchen ein Jar lang nicht zw loen geben, wo die dinſtbotten das nicht annemen Szonnder auſtreten werden, Sol man ſie zw recht beſtettigen ſo lanng ſie gehorßam halten.

Es ſol kein dinſtbotte von knechten oder meyden ſich vormyten unnd zw dinſt ergeben, ſie haben ſich dann den Ihennen darunter fie geſeſſen unnd geboren fein zu vorn zw dinſt angebotten unnd wan ſie ſich alſo angebotten haben, ſol Inen nach zweien oder dreien tagen frey fein, ſich an ander ortter zw dinſt zu ergebenn.

Auch ſoll keiner den andern ſein geſinde dieweil ſie In ſeinem dinſt ſein nicht abmyten noch abzyhen. 136 Zum dritten Iſt geordent unnd beſloſſen, das ein Iglicher Schepffel In Iglichem ortt Landes dem andern gleich ſein ſoll. Als nemlich durch die gantze mittel marck ſoll der Berliniſche ſcheffel, an allerley korn durch auß geen unnd kein ander Scheffel unnd ſollen die andern alten ſcheffel zwiſchen hir unnd Bartholomei abgethan unnd die Scheffel nach der Berliniſchen maß angenommen unnd mit dem Berliniſchen zeichen gebrant werden, bei verluſt des korns unnd der maß, In der Newen Marck ſoll der Soldiniſch Scheffel durch außgeen, außgenomen Arnſwald, Schivelbein, Dramburg und Landeſpberg die fol len Irn gewonlichen Scheffel In gleicher maß behalten. Der Prentzlows Scheffell ſol geen uber das gantze Uckerlandt. In der Altenmarck ſoll der Stendaliſch Scheffell durch aus geen, außgenomen Solt­wedel unnd Gardele ge ſollen bei Irem gewonlichen Scheffel In gleicher maß bleiben. In der Prignitz der Perlebergiſch ſcheffell. Im Landt zw Sternberg der Franckfordiſch ſcheffel unnd In Sle­ſien und Lawſitz fol der Alt gewonlich ſcheffell In gleicher maß bleiben, alles bei der pene wie obſtett.

Zum vierden Iſt beſloſſen unnd geordent das eine gleiche elle durch all unnſer Landt unnd Furſten­thumb gebraucht unnd gehalten ſoll werden, als Nemlich die Berliniſche elle bei verluſt des gewandt Snits oder der wahr die damit gemeſſen wirt.

Zum Funfften Iſt geordent das auch ein gleichmeſſig gewicht durch all unnſer landt gehalten unnd gebraucht ſoll werden, als Nemlich mit der kleinen wahr ſpecerey wachs unnd anders ſoll das erfordiſch gewicht gebraucht werden, was aber Fleiſch, kupfer, bley, zynn unnd dergleichen grobe wahr Iſt, ſoll nach dem Berliniſchen gewicht das Hundert unnd zehen pfundt einen Zentner machen gewagen werden, bei ver, luft der wahr fo damit gewagen wirt.

II. Bd.[29]