265
thoren, auch das die greben und welle von den Stettiniſchen weder bey tag oder nacht nicht mugen beſichtigett werdenn ein gudt uffſehn zu habenn, geſcribenn werdenn.
LV. 1522. Beſtallung des Hofmalers.
Wir Joachim vonn gots gnadenn Marggraff zu Brandemburg 20. Bekennen u. ſ. w. Als wir unnſerm Hoffmaler unnd Liebenn getrewenn Meiſter Hanns Haſenfleyſch viertzig guldem jerlichs Jarſoldes ſein lebenn lang verſchriebenn Lawt unnſers brives daruber auſgangenn, das wir Im dieſelbenn viertzig guldenn Jerlichs ſoldes auff unnſerm Birgeltt Inn unnſer Stadt Straußberg verwiſenn habenn Jerlich alle quatertemper zehenn guldenn, itzt auff die quatemper auff Trinitatis ſchirſt anzufahenn unnd fo furder die Zeitt ſeins lebens bei dem Rath daſelbßs zu nehmen unnd zu emphaenn unnd wir verweyſenn Im dieſelbenn wie obſtett Inn krafft unnd macht dits brives, Bevelhenn darauff unnſernn liebenn getrewenn Burgermeiſter unnd Rathmannen unnſer Stadt Straußberg guttlich Begernnde, Ir wollett gnanttem meiſter Hanf Haſenn— fleiſch unnſerm maler ſolch viertzig guldenn ſoldes auß unnſerm Birgelt zu iglicher Zeitt bey euch gefallennde, Nemlich alle Quatemper zehenn guldenn unnd itzt auff die Quatemper auff Trinitatis anzuhebenn unnd alſo furder die Zeitt ſeins lebens nach vermoge unnſer verſchreibung weyl er vermoglichs vleyß unnd zu unnſer arbeitt geſchickt Iſt, wo er aber Alters halb unß nicht meher malen unnd arbeitten konntt, Alſdann gleichwol die Zeitt ſeins Lebenns Ime alle quatemper Jerlich Funff guldenn on alle verhinderung unnd vertzogerung Auff ſeine quitantzenn entrichtenn unnd betzallenn unnd ſolchs Inn ewr rechnung bringenn, ſoll euch widerumb abgeenn unnd abgerechenndt werdenn, darann geſchicht unnſer gantze meynung. Datum zu Coln an der Sprew am mith
woch nach Invocavitt Anno 22.
LVI. 1529. Beſtallung Dr. Kettwigs als Kanzler.
Wir Joachim vonn gots gnaden Marggraf zu Brandemburgk unnd Churfur ſt 2. Bekennen 1. ſ. w. das wir den hochgelarttenn unſern Rath und lieben getrewen Ern Wolffgang ketwig der Rechte Docto rn zu unſerm Cantzler aufgenommen, unnd Ime unſer Cantzley und daſſelb Cantzler ampt, die Zeit ſeins lebens, auß beſonderm gnedigen geneigten gutten willen, gnediglich zugeſtelt und vorſchriebenn habenn, zuſtellenw unnd vorſchreibenn Ime die, hiemit gegenwertiglich Inn krafft dits brives unnd alſo, das er die Zeit ſeins lebens unſer Cantzler fein, der Cantzley unnd deſſelben Cantzler ampts getrewlichen und mit fleis aufs warten, unſern und unſer herſchafft nutz und frommen werben und befurdern, Schaden warnen unnd vorhueten nach ſeinem hochſtenn vormugen unnd waß ſonſt uns und unſer herſchafft betriefft, In getrewem bevelch haben unnd fleiſiger furſichtigkeit ausrichten, Auch unſer und unſer herſchafft geheim und was Ime vonn uns vortrawet wirdt bej Ime bis Inn ſein gruben enthalten unnd pleiben laſſenn unnd alles das, das ſeinem Ampt unnd Einem Reblichen frommen mann zuſtet und geburt thun ſol und will, wie Im auch ſein pflicht und aide, So er uns deſhalbenn ſonderlich gethan uflegen und er uns des fein Reversbrief geben hat, Dagegen ſoll er alle und agliche einkommen, nutzung unnd gerechtigkeit der Cantzley unnd wie die einen Cantzler hievor und In Zeit unſers Regiments geeigent und gefolgt, von dato an haben und genieſſen, daneben wollenn wir Im allwege ubers ander Jar Ein Seiden Ehrkleid, unnd ſonſt uf zwey pferdt unnd drey Per ſon, die er geruſt halten fol, futter mall und kleidung, wenn und wie wir gewonlich uber hoff kleiden werden geben, auch fur zimlichen II. Bd.[34]