zu ſeyner hauſß unnd koſthaltung unſers ſchloß zu Soltwedell auff volgende perſon, Nemlich auff ſeyn pers fon ſelb vird, Ein perſon der amptſchreiber, vier perſon In beyden Mullen, Ein perſon thorwerder auffm Schloß, Eyn perſon koch ader koͤchin, Eyn perſon lantreiter zu Soltwedell, Ein perſon die vehe­mutter, Ein perſon der Schlutter, dartzu Peter lantreiter vonn der arntſee, wenn er kemet, hundert unnd dreyſſig gulden Reyniſch an Muntz zu geben zugeſaget, vonn welcher obgnanten Sumen er auch die Sie­ben Torwerter Inn der Stat, fo die zeychen unntter den thorn zu ſich nemen, des Jars Newen Mall—­zeiten, Auch den pawern fo fie pacht bringen, holtz fhjuren und zu hof dyenen, Ir gewonlich koſt wie von alters geſcheen geben ſoll, wollen auch auff ſeyn perſon viertzig gulden, dem amptſchreiber sehen gulden, den vier Mul—­lenknechten dreytzehen gulden viertzehen ſchilling, dem Torwerter ein und zwentzig ſchilling, dem koch oder koͤchin vier gulden funffthalben ſchilling unnd den Sieben Torwerttern vier gulden achtzehen ſchilling Jerlich geben, das alles der Amptſchreiber Innwendig des Jars, alſo mit der Zeyt außgeben unnd betzallen, Aber davon abziehen ſoll Sechtzehen gulden vor acht Wiſpell Roggen weniger ein ſcheffell unnd zwen unnd dreyſſig gulden vor acht Winſpell gerſten weniger ein ſcheffell, ſo wir dem amptman Jerlich zu der haußhaltung aus demſelben ampt zuſampt ſechs ſchock huner, ſechtzigſthalb ſchock eyern, zehen hemeln und Sybennzehen ſcheffell ſaltz zur kuchen, zu hulff geben unnd volgen laſſen wollenn, dartzu wollen wir Im aus dem ampt auff ſeyn vier pferd die er halten ſoll, zwey Mullen pferd unnd der lantreiter pferd, wenn ſie do ſeyn zur futtrung Sechs und zwentzig winſpell habern, hew, Stro und hufſchlag Jerlich geben, So wollen wir Im auch auff vier pferd, gleich andern unnſern amptleuten hofeleidung geben unnd fur pferde ſchaden ſtehen, Als nemlich auff fein leyppferd Sechtzig gulden, auff des Jungen pferdt funfftzig gulden unnd auff Ides knechts pferde funff und dreyſſig gule den, wenn er der amptman auch auff unnſer erfordern oder des ampts notturfft unnd geſchefft hieher oder anderſwo ziehet unnd auſſen Iſt, das er das ampt uber nacht nicht erreichen kondt, was er alſdan vertzert ſoll Im der amptſchreiber aus dem ampt widergeben unnd betzallen, was aber uber das Inn unnſerm ampt Solts wedell an gerichts Buſſen unnd fellen, an Zinſen Rentten unnd allen zubehorungen, nutzungen und gerechtigkeiten zu Iglicher Zeyt gefallen und vorhanden Iſt unnd fein wirt nichts auſgeſloſſen, Soll unnſer amptſchreyber auch eynehmen unns verrechnen unnd Inn unnſern nutzen bringen, dar Inn unſer amptman obgnant getreulich auffſehen haben verhelffen und beferdernn ſoll, wir haben Im auch auß ſunderm gnedigem willen unnd gemutte, domit er ſich deſtbas Im ampt enthalten mogen, zu anderm unnd obbeſtimpten ſeynem einkomen, ein Jerlichen zuſchlag unnd Erſatzung doſelbſt gethan, unnd thun Im den Inn obberurter Craft und macht dits brives, das er nun hifurn dartzu alle Jar unnd ſo lang Im unnſer ampt obgnant verſchreiben aus demſelben ampt, fur ſein Reiſigen Jungen zehen gulden vor ſeyn koſt unnd fur den ſchlutter ſo Im brawt unnd backt des Jars vier gulden, unnd drey gulden vor die vehemohmen zu Jarlon, dartzu er drey wiſpell habern auff den klepper den der amptſchreiber zu zeitten Inn des ampts notturfften gebraucht, haben unnd auff boren, unnd Im gedachter unnſer amptſchreiber, der des vonn uns bevelh hat, Jerlich vonn unnſern gefellen vorantwortten unnd ferrner zu Idertzeyt berechen ſoll, unnd uber das haben wir Im die gunſt unnd zuſtattung getan, ſo er an dem kuchen und kebbelholtz uber das er zu ſeyner notturfft hat, etwas erubringen kan, ſollichen uberlaufft ſoll er zu ſeynem beſten zu gebrauchen haben, dartzu die beſtimpt nachmaſt Im khien unnd die ſtraff Im holtz alles getrewlich unnd ungeverlich zu urkunt 2c. Datum 2c. am tag Exaltationis Crucis Anno ꝛc. 22. Commißio propria principis Electoris.

LXI. i522. Mathias von Jagow wird Reichskammergerichtsaſſeſſor.

Wyr Joachim von gots gnaden ꝛc. kurfur ſt ꝛc. Bekennen u. ſ. w. das wir den hochgelartten unſern Rath und lieben getrewen, Ern Mathias von Jagow doctor zu beyſitzer In keyſer lich Maieſtat