270
willen wiſſen und vulbort, Sonder das ſoll unſer und unſer erben offen Sloß und Stad ſein, zu allen unſern und unſer Land notten, kriegen und geſchefften ungeverlich, und da gott vor ſey ob es in ſolchen unſern kriegen und vehden vorloren und Inen abgewunnen wurd, von unſern veynden oder widerwertigen, das er doch nach notturfft getrewlich und mit fleys verwachten und verweſen ſoll, das ſoll im und feinen erben an ſolchem Irem gelt der zcweytauſent gulden obgeſchrieben gantz unſchedlichen ſein, Auch wurden wir oder unnſer erben mit ymants offen vehde haben, darzu ſonderliche beſtallung des Sloß und der Stadt Newenangermunde notturfft ſein wurde, Alſo ſollen wir oder unſer erben ſolch Sloß und Stadt auff unſer koſt und zeerung mit weitter Beſetzung beſtellen, Aber der gnant Bartold Flanß oder ſein erben ſollen alßdann und nichts deſtmynder wie vor außgetruckt das Sloß nach notturfft wie gewonlich vorwachten und beſtellen, und das auch er oder ſeine erben dannechſt gut achtunge auff die Stadt mit habe one geverde, unnd wen wir ein gemeyne Landbede oder Schoß In unſern Landen nehmen, Alßdann ſollen und mugen wir unſer erben und nachkommen darſelbſt In der ſtat und In den dorffern darzu gehorig, das auch nehmen, unnd wir unſer erben oder nachkommen ſollen und wollen auch alle lehen ſelbſt thun und leyhen, geyſtliche und werntliche, unnd behalten uns auch den dinſt und die volge von der Stad vor, auch die ſtraff. uber den Adell Im Ambt doſelbſt, von dem gemelten Bartold Flanſen und ſeinen erben ungehindert, wehr es auch das der gnant Bartold Flanß unſern feynden nachJagte, welche Redlichen oder gewonlichen ſchaden er von den veynden nehme, den ſollen und wollen wir Im oder ſeinen erben benehmen und bezcalen wie andern Amptlewtten, Er Bartold flanß oder ſein erben ſollen uns und unſer herſchafft auch In ſunderheit von ſolchem Ampt Newen Angermunde mit zeweyen geruſten pferden, In den beſtimpten zeehen Iharen fo wir Inen des oder fie ſelbſt nicht ehr abloſen, auff unſer erfordern koſt und zcerung gewertig ſein, und uns wie vor Amptspflicht thun, daruff wollen wir Im unſer gewonlich hoffeleydung zu yder Zceit geben, und Ine auch wie andern unſern hoffgeſinde und diehnern fur pferdſchaden ſtehen, Alles getrewlich 20. zu urkunt. Actum Coln 2c. am tag Walpurgis Anno 2c. 22 der myndern Zeall.
LX. 1522. Hanns von Schlaberndorf wird Amtmann zu Salzwedel,
Wir Joachim ꝛc. Chur furſt ꝛc. Bekennen bas wir unnſerm Rath unnd lieben getrewen Hannſen von ſchlaberndorff Erbſeſſen zu Buthen zu unnſerm Amptman zu Soltwedbell auffgenomen und Im daſſelb unnſer ampt Inn amptmans weyſe zehen Jar lang Eingetan haben, und vortragen unns deß— halben mit Im Inn Crafft und macht dies Brives volgender meynung unnd alſo, das er daſelb unnſer ampt zehen Jar lang Innen haben, unnd des vonn unns an redlich urſachen nicht entſatzt werden ſoll, doch das er ſich getreulich und fleyſſig ſeynen pflichten nach dabey hallt, daſſelb ampt mit den underthanen dartzu gehorende zuſampt der nutzung, grenitz unnd gerechtigkeit, von unnſern wegen fleyſſig vorweſen Im getrew ein bevelh haben, Sie bey gleich und recht zu ſchutzen und zu hanthaben, die ſtraſſen fridſam ſchyrmen und vortedingen, auch gleichen ſchutz halten dem armen als dem Reichen, geſchenck noch gaben unns und den unſern zu ſchaden nicht nehmen, keyn veyhde auß oder ein unnſer ampt Soltwedell an unnſern willen und wiſſen nicht anfahen noch nymands geſtatten, auch nicht hauſung hegung noch vorſchube unnſer unnd unnſerer nachtparn feyndt unnd beſchediger thun noch vorgunnen, beſunder unnſern fromen befurdern und Schaden verhutten unnd ſich Inn allweg als eynem fromen getrewen amptman zuſtehet ertzeigen und fynden laſſen, wie er unns des pflicht gethan und ſchuldig Iſt widerumb ſollen unſer Burger unnd pawern des amptes vorwantten, Im als unnſerm amptman vonn unnſern wegen Inn allen und Iglichen zymlichen und billichen ſachen unnd unſern geſchefften, wann er ſie ermanen unnd erfordern wirtt, gehorſam gewertig unnd gefolgig ſein, unnd haben Im
,,, e, e m, ,, 6 n, r 6 2
———WN——„—
———