269
darzu daſſelbig unſer Sloß und Stadt Newenangermunde, mit ſampt feiner zugehorung, wie er auch andere das hievor von unns In Amptmans und widerkauffs weyſe Inne gehabt und gepraucht, auff einen rechten widerkauff zcehen Jar lang, die negſten nach data volgend eingegeben und vorſchrieben haben, Eingeben und vorſchreyben dem gnantten Bartold Flanſen und feinen erben, daſſelbig unnſer Ampt, Sloß und Stadt Newen—angermunde mit feiner Zugehorung, berurte Zeit uber, fur zwey tauſent gulden reiniſch an Muntz und Landß— werung, die er unns woll zu danck vorgnugt und bezcalt hatt, der wir In und fein erben hiemit auch quid, ledig und loß ſagen fur uns und unſer erben, Inn und mit crafft dits brives, In maſſen hirnach geſchriben ſtett und alſo, das er und fein erben ſolch unſer Sloß und Stadt Newenangermunde die zcehen Ihar lang mit allen Zeynſen, Rentten, Waſſern, Ackerwercken, mit dem gerichte und der Orbette doſelbſt, Jerlich gefallende und darzcu mit den dorffern kerckow und welſſow, und mit der dorffſtede Marggravendorff, mit allen Zcyn— ßen und gerechtigkeitten die wir dar Innen haben, und auch mit dem kuchenholtz zufhuren von des klo— ſters guttern, und ſunſt mit allen andern zugehorungen und gerechtigkeitten, fo wir und unſer Herſchafft darzcu und an haben, auſgeſcheiden die wiltpann, doch ſoll er wievor macht haben zu Jagen nach Rehenn und ſweynen, des wir Im antzeigung der ortter und ſtette wo das ſein und geſcheen ſoll hievor gethan, aber nicht hohewild, das wir ſunderlich hiemit außnehmen, und er oder die feinen keinswegs Ihagen noch fhaen ſollen, ferner Innen haben, beſitzen, geprauchen, nutzen und genieſſen ſoll und mag, die obbeſtimpten zeehen Ihar aus. Wir haben auch Bartold Flanſen oder ſeinen erben, fur unns oder unnſer erben die gnad gunſt und zuſage gethan, und thun Inn die gegenwertigclich Inn crafft und macht dits brives, das wir ſolch unſer Ampt, Sloß und Stadt Newenangermunde mittler Zceit nymands widerkauffsweyſe zuſtellen, noch In oder ſein erben darvon zu loſen verſtatten oder vorhengen ſollen, wir wolten dann das fur unns und unſer herſchafft ſelbſt freyen und Einnehmen, darvor der gnantte Bartold Flanß und fein erbenn, das gemelte unnſer Sloß Newen Angermunde vorwachten und vorweſen, wie vor von Im geſcheen, auch mit dachung und weſentlichem gepew wie Im das eingeantwortt erhalden ſoll, unnd auch unſer Burger und pawern unnd unſer ſtraſſen, die unns zu verteidigen gepuren, getrewlichen hanthaben, ſchutzen und ſchirmen nach Irem peſten vormugen, unnd als ander unſer Amptlewtt unnd vogte pflegen zu thun, und auch ſunſt mit ungewonlicher ſchatzung nymants beſchweren, Sonnder einen iglichen bey alten herkommen, freyheitten und gerechtigkeitten pleiben laſſen, unnd wen wir oder unſer erben ſolch unſer Sloß und Stadt Newen Angermunde Innerhalb der zcehen Ihar oder nach auſgeender Zeeit ſelbs wider loſen und abkewffen, das wir unns zu thun vorbehalten haben wollen, das ſollen und wollen wir dem gnanten Bartold Flannß oder feinen erben, von Walpurgis an ein Jar zuvorn auffſagen und zu wiſſen thun, unnd Inen alßdann auff walpurgis uber das Jar darnach negſt volgend ſolich zeweytauſent gulden reyniſch an Muntz und Landßwerung an einer Summa alhier oder zw Nerven Angermunde gutlich außrichten und bezcalen, wann wir Inen dann ſolche bezcalung gethan haben, alßdann ſoll er und ſein erben unns und unſern erben ſolich unnſer Schlos und Stadt Newenangermunde mit allen obgeſchrieben zugehorungen abtretten und wider ein antwortten, unnd was Im hievor zu ſolchem Sloß uberantwortt worden, von Bruckwehren, Buxſſen, Armbroſten, an geſeeten acker oder anderm, ſolchs alles itzt auffs new In ein IZcettel verzceichent und Inventirt ſoll werden, der wir eine und ſie die andern behalten ſollen, das alles und ſovil ſoll Bartold flanß und fein erben unns oder unſern erben wider antworten und bey ſolchem unſerm Sloß pleyben laſſen, unnd wir ſollen und wollen In oder ſein erben wie obſteet von ſolchem Schloß unnd Ampt nicht ent, ſetzen, wir haben Im oder feinen erben dann ſolch zcweytauſent gulden zuvorn außgericht, gegeben und bezcalt one geverde, unnd alßdan ſollen Bartold Flans oder feine erben die zeweytauſent gulden davon an Manlehen und guttere widerumb lehnlich anleggen, die alßdann von unns und der herſchafft zu lehen wie gewonlich tragen, empfahen und vordiehnen, der obgedacht Bartold Flanß oder ſein erben ſollen auch mit ſolchem unſerm Schloß und Stadt, unſern Landt fride unnd unfride leyden und halden, und von und aus ſolchem unſerm Sloß und Stadt keinen kriegk anheben oder machen, es geſchee dann mit unſerm, unnſer erben und nachkommen