268

der Altenmarck getrewlich vorweſen, auch fie zu gleich und recht nach feinem hochſten und beſten fleyß und vors mogen ſchutzen, ſchyrmen, handhaben und dieſelben vorteydingen, fryden und die ſtraſſen Reynn halten, Rew­berei und plackerei mit ernnſt wehren, unnd die nahmen und zugryff ob einiche geſcheen, auch die thetter helffen widder erobern unnd rechts an Inen bekommen, die Teich unnd Themme zw yder Zceit, nach aller notturfft und wie ſich geburt beſchawen unnd In paw und bewarung bringen und befeſten laſſen, wie herkommen und gewonheit unnd ſunſt alles das thun ſoll, das einem getrewen hawbtman Inn den fellen zu thun und zu hat deln zuſteet, und er unns des auch enden und pflicht darzu gethan hatt, So ſollen Im auch unſer lanndſchaff­ten und underſaſſen der Altenmarck In allen und iglichen unſern geſchefften und obliggen, wann er ſie von unſer und des lannds beſten wegen furdern und eyſchen wirtt, gefolgig und gehorſam ſein, bey vormeydung unſer ſtraff und ungnad. Er ſoll auch von denſelben unſern underthanen, kein geſchanck noch gabe nemen, die der Herſchafft oder den Iren zu ſchaden keme, Sundern was zw nutz und frommen davon kommen mag, unns und unſer Herſchafft das zuwenden, Auch ſoll der gnantt Boß von Berteſleven, In allen dem das unns unſer Herſchafft einzunehmen zuſteet, nichts einehmen noch darvon außgeben, Sunder das unſern Caſtner zw Tangermunde einnehmen laſſen, was er auch vonn Bruchen und fellenn In feiner Hawbtmanſchafft erferet, daraus unns und unſer Herſchafft nutz entſtan mag, des er dann guten fleyß thun und haben ſoll, daſſelbig alles ſoll er mit und In beyweſen unſers Caſtners beteydingen und handeln, unns und unſer Herſchafft zum beſten unnd was darvon gefellet ſoll unſer Caſtner einnehmen und berechen der Herſchafft zw gutt, Er ſoll auch ben Caſtner getrewlich hanthaben und Im beholffen und beraten ſein, domit ſolichs und was der Herſchafft zuſteet und dem Caſtner geburt, einzunehmen zw einer Iglichen Zeit, damit ſolchs furderlich eingebracht werde, unnd er ſoll acht rey ſige pferde dieweile er unſer hawptman iſt halten, und mit knechten und Harniſch geruſt ſein, So wollen wir Im auff die acht pferde unſer Hoffkleydung geben wie gewonlich, wann wir uber Hoff kleyden, und Im dermaſſen fur ſchaden ſteen wie volgt, Nemlich fur ein pferd zu ſeinem leib ſur Sechtzig gulden, fur des Jungen pferd funfftzig gulden, unnd fur die andern knechts pferd fur ydes funff und dreyſſig gulden reyniſch an mung und landßwerung, darzew und von ſolcher hawptmanſchafft und aller ander obgeſchriebener fach wegen, Sollen und wollen wir Im eins Iglichen Jars, die Sechs Jar uber dritthalb hun­dert gulden reiniſch an mung fur yden gulden zwen und dreyſſig groſchen zu ſold geben, aus unſern gefellen bes Byrgelts beyder unſer Stette Soltwedell, wie gewonlich, Ob auch geſchee, das der gnant Boſſe von Berteſleven auſſerhalb des Ampts, gegen den feynden oder ſunſt von unſern wegen ſchaden empfinge, ſollichen ſchaden ſollen und wollen wir Im außrichten, wo wir aber dor Inn mit einander Irrig wurden, ſoll das geſcheen nach erkentnus unſerer Rethe und zweyer feiner freundt. So wir Inn auch In unnſern dinſt fordern oder ſchicken, ſollen und wollen wir Im außrichtung thun, und wie obſtet fur ſchaden ſteen unnd gnanntter Boſß von Berteſleven ſoll ſich Inn dieſen Jaren nichts deſtmynder geprauchen laſſen, Inn unnſern und der Herſchafft dinſten, Rethen, geſchefften und ſchickungen, wie ander Rethe, aber auſſer landes wollen wir Inn verſchonen mit der Ruſtigung, Es were dann das wir Im ein Hawbtmanſchafft aufflegten, oder das er mit unns ſelbs reytten ſolt ungeverlich, unnd wann man mit einer macht dyennt, ſoll Im von feinem geſlecht, denn Ber— teſleyen, vier pferd zu gutt an den acht pferden, die er zu halten vorpflicht zukommen, Alles getrewlich und ungeverlich. Datum koln ꝛc. am heyligen pfingſtabent Anno 2c. 21.

LIX. 1522. Berthold Flanß wird Amtmann zu Neu⸗Angermuͤnde.

Wyr Joachim 1c. kurfurſt 2. Bekennen u. ſ. w. das wir unſerm lieben getrewen Bartold Flan­fen, unnſer Sloß und Stadt Newen Angermunde, wiberumb Inn Ampt mans wey ſe eingethan und

a e e 6

an ga A ae a an Un