267
behalten wir uns auch vor. Es ſollen aber unſer Caſtner und ſchreyber keyn puß noch felle one gnants unſers Heuptmans willen unnd wiſſen nicht vertragen und was mercklich were an uns gelangen laſſen, er ſoll auch von feinem gelt hundert und drey und Siebenzigk gulden Jerlich den Rentnern fo Zinß Im Ampt haben entrichtenn und betzallen, Er ſoll auch alles geßinde, lantreytter, Torwartter, Wechter und amptknecht becoſtigen unnd belonen, und fo offt es die nottdurfft ereyſcht, das er die Manſchafft forderen oder verſchreyben, ſol er Inen nach altter gewonheit von dem feinen außrichttung thun, ferner ſoll er unſer Sloſſer, Mollen und vorwerk In weſentlichem gepew und mit gantzen dechern haltten, was aber von newen gebewtten In den Amptten mit unſerm wiſſen und bevelich geſcheenn, die ſollen wir von unſerm darlegen außrichten, Er ſoll ſich auch In ſolchen Ambtten mit funff geruſten pfferden haltten, und In Botſchafften auf unſer oder unſer erben erfordernn, uberall und allenthalben hyn nach unſerm gefallen geprauchen laſſen, werden wyr aber Inn weytter oder auſſerhalben Ampts gebrauchen, fol auff unſere koſten und zeherung geſcheen, und wan wir Ine zu uns zu kommen verſchreyben, ſoll er von Cotbuß biß gein Berlin und widrumb auff ſeyn zeherung Reytten, aber alhie und bey uns ſolUl man Im futter und mael geben, was dan des Ampts geſchefft erfordert umme lanck Inn Ambtten ſollicher uncoſten ſoll auff fein darlegen zw yder Zeit berurt Jar uber geſcheen, weytter Iſt beredt, was Ern Hanßen von dhonen In beyden Ampten Cotbus und peytz nach laut eins Inventariums uberantwortten wirt, das ſollen er oder ſein erben dermaſſen und In ſolicher wird auch wider ubereichen, deßgleichen ßoll er die Mollen mit ſeynen und ander Zutaeth, wie er die Itzundt fyndt, In ſollicher geſtalt wider antwortten, Er oder ſein erben ſollen uns oder unſern erben beſtumbt Zeit uber alle Jar Jerlichen von gedachtten beyden Amptten achthundert guldenn an gutten Merckiſchenn groſchen, alleweg auff Exaltationis Crucis one ſewmen und wegerunge geben und zu unſern oder unſers Renthmeyſters handen, reichen laſſen, ob nw ſchad mit brandt In dorffern geſcheeg, ſoll uns oder unſern erben, was an Zinßen davon gefallen mocht und dadurch nachbleyben, die helfft ſollicher Zinß an den Achthundert gulden, auff glaublich antzeygung Jerlich abgeenn, ſo lang bis die guttere wider Ire Zinß geben mogen, wir wollen Im auch In den acht Jaren fur pfferd ſcheden ſteen, als nemlich fur feinen leyphengſt Sechtzick gulden, fur des Jungen funfftzick gulden, fur ydes knechtes pferd funff und dreyſſig gulden Inn unſern geſchefften uber land auff dem Stall und uberall und zu yder Zeit, wan wir uber hoff kleyden auff funff perſon gleich andern unſern heuptlewtten, hoffkleydung geben, dogegen hat ſich Er Hans verpflicht und zugeſagtt, wie er uns auch des Ein Reverßbriff gegeben, uns oder unſern erben, die acht Jar lang, als unſer Rath und Heuptman zu Cotbus und peytz verwant, gehorſam und gewertigk zu ſein, getrewlich und vleiſſigk zw dienen, unſer beſtes zu wiſſen und ſchaden In allewege zw warnen, Auch Sloß und Stet des Ampts In gutter verwarung zu haben, alles getrewlich und ungeverlich. Zu urkunt mit unſerm anhangenden Ingeſiegell beſiegelt und geben zw Eoln an der Sprew Am Sunnabent nach Aſſumptionis Marie Anno ꝛc. 21.
LVIII. 1521. Buſſo von Bartensleben wird Hauptmann der Altmark.
Wyr Joachim 20. kurfurſt ꝛc. Bekennen u. ſ. w. das wir uns mit unſerm Rath und lieben getrewen Boſſen von Berteſleven zur wolffsburg, geeynigt und vortragen, In maſſen wie hernachfolgt und alſo, das wir gnantten Boſſen zw unſerm Hawbtman der Altenmark Sechs Jar nach data volgend auffgenommen und Im daſſelb unſer Lannd der Altenmarck von unſerntwegen, wie nachſtett zu vorweſen und zu vorwalten bevolhen haben, wir nehmen In alſo auff zw unſerm Hawptmann berurt Zceit uber, unnd bevelhen Im unſer Lannd der Altenmarck wie oblaut, In crafft und macht dits brives, Hirauff ſoll er In ſolcher ſeiner
Hawbtmanſchafft und bevelhnus an ſtat und von unſern wegen, die Sechs Jar uber unſer lannd und lewtt [34*]