273

bomit Wolffgang Burck uns unnd unſer herſchafft fein leben lang nicht vorgeblich oder umb ſunſt diene, So ſollen und wollen wir oder unſer erben, Ine mit tauſent gulden zu angefel auff den Ritter lehnen In unſer Newenmarcke unnd welche die an uns verledigen unnd zuvor unverſchrieben ſein, gnediglich vorſehen und volgen laſſen. Ob auch vil bomelte unſer Oheimen die Hertzogen von Pommern Wolffgang Borcken, als ſein lehensfurſten In aigner perſon zu dienſt erfordern, doch das ſolchs wider uns, die herſchafft zu Brandemburg unſere landt und leut, auch die Ihenigen furſten mit denen wir in buntnus und ainung hafften und ſitzen nicht were oder ſein wurde, Alßdan ſollen und wollen wir Ime In aigner perſon zu bomelten Hertzogen zu reiten und In ſolchen kriegh und andern geſchefften zu dienen nit abſchlagen noch wegern, doch das er mitler Zceit ſeins abweſens In unſern dinſt und ampt Schivelbein dermaß genuglich verſorgen und beſtellen ſoll, domit allenthalben unſer ſchaden und nachteil verhuth bleib unnd ſich nach endung ſolichs kriegs und geſchefft von ſtund wider In unſerm dienſt und ampt zum forderlichſten bogebe. Ob wir- aber mit unſern Oheimen von Pomern adir andern furſten fur uns ſelbſt zu thun gewonnen und In krieg oder unfreuntlich willen wachſſen wurden, Alsdan ſol ſich Wolff Burgk bey nymandts anders dan uns und unſer herſchafft zu Brandemburg mit ſeinem aigen leib finden und mit rath und that ſeins beſten verſtands und vormugens treulich geprauchen laſſen, und den Hertzogen von Poinern Iren geborlichen Roß dinſth nach antzall feiner. gutter, In ander wege durch fein geſchickten beſtellen. Wir wollen auch gnanten Wulff Borgken dies gegenwortig Jar dieweil er bey uns am hoff iſt mit ein Ehercleid verſehen. Dogegen und widerumb hat er uns gewonlich aide und pflicht gethan, auch ſeinen Reverßbrieff gegeben, das er alle obin angetzeigte artickell dits brieffs vor ſein perſon Stet vheſt und unvorbrochlich halten, auch alle das Jenig So wir Ime Raths weyſe vertrawen biß In ſein todt verſchwei­gen und alle das thun ſoll und will, das einem getrewen Rath, diener unnd amptman gegen ſeinen Hern zu thun geburt und zuſtat, alles getrewlich und ungeverlich, zu urkundt ꝛc. Anno 24 Mantags nach Oct. Corporis Chriſti.

LXIII. 1525. Hanns von Knobelsdorf wird Hauptmann in Croſſen.

Wir Joachim von gots gnaden Marggraff zu Brandemburg und Eurfurſt 2c. Bekennen das wir unſern diehner und lieben getreuen Hanſen knobelſdorff zu unſerem Hauptman zu Croſſen auffge— nohmmen und Ime daſſelb unnſer weichpildt, die Zeit ſeynes lebenns ytzo auff kunfftige oſternn anzugehen bevolhen und zugeſtalt, Ouch deſhalbenn mit Ime vortragen habenn unnd wir nehmen Inen auff zu unſerm heuptmann und bevelhen Ime unſer weichpildt Croſſenn Inn amptmans weyſe die Zeit ſeines lebens, vortragenn unns auch derhalbenn mit Ime Inn crafft und macht dits brives volgender maynung alſo, das er daſſelb unn­ſer weichpilde Croſſenn mit unſern underthanen vom Adel burgern und pawern darzu gehorend, zuſampt ſeinen nutzungen grenitzen und gerechtigkeiten an eckern, wieſen, waſſern, fiſchereyen, holtzungen und allen andern zuges horungen, Inn getrewenn bevelh habenn, von unſernn wegen vleiſig ſchutzen, Sie uber altt herkommen und gewonheit mit keinerley beſchwerenn, Sonder bey gleich und recht hanthaben, ſchutzenn, vorthedingen, und dem nichts entziehenn noch entwenden laſſenn, die Straſſenn feines peſten vormogens fridlich beſchirmen, ouch Jeder­man recht geſtattenn unnd vorhelffenn fol nach feinem peſten vorſtantnus unnd gleichen ſchutz haltten dem armen als dem reichen, geſchenck und gabenn uns und den unſern zu ſchaden nicht nehmenn, keine vhede aus und ein unſer weichpilde one unſern willenn und wiſſenn nicht anfhahenn noch ſolchs niemants geſtatten, ouch nicht haw­ſung, hegung, noch furſchube unſer und unſer nachparnn feindt noch beſchediger thun noch vorghunnen, beſonder unſer fromen beforderen und ſchaden In allewege nach ſeinem hochſten vormogenn vorhutten, und ſich als einem frommen heuptman und Amptman fuegt erzeygen und finden laſſen, wie er uns des pflicht gethann hat und ſchuldig iſt, widerumbe ſollen unſer Manſchafft Burger und pawernn deſſelben weichpildes, Ime als unſerem Il. Vd.[35].