279

fellenn unnd allen andernn nichts auſgenomen vorhanden, domit ſoll er nichts zu ſchaffen habenn, Sun der unſer Caſtner zu Euſtrin ſoll das einnehmen, unns vorrechnen unnd uberantwortten, doch ſo gerichts felle Inn ſolchen feinen Ampten geſchehen, ſollen fie ſamptlich nach billigkeit vortragen unnd was mercklich iſt ann unns gelangen laſſen. Es ſoll auch unnſer Hauptman und Caſtner mit allem fleis darann ſein, das die brucken unnd Themme zu iglicher Zeitt gebawet, gebeſſertt unnd In wirden erhalten werden, Alles getrewlich und ungeverlich. Datum Dinſtags in oſternn Anno 2c. 26.

XVI. 1526. Heine Doͤbritz erhält das Amt Saarmund.

Wir Joachim Churfurſt ꝛc. Bekennen 2c. das wir unnſerm Rath unnd liebenn getrewenn heinen Doberitz gegen abtrettung der hundert guldenn, ſo wir Im hivor die Zeeit ſeins lebens zu dinſtgelde vor­ſchribenn, unnſer ampt Saremundt mit den gerichten uber den amptvorwanten Burger unnd pauren ſampt dem birgelde unnd ſonſt allen und Iglichenn zugehorungen und gerechtigkeiten auſſerhalbe des Zolls ſtewer unnd volge, die wir unns hirmit furbehaltenn haben wollen, In amptmans weiße, die Zeeit ſeins lebens eingethan und zu unnſerm amptman daſelbeſt uffgenomen habenn, wie er dann daſſelbie etzlich Zceit biß­her beſſen hatt, Solich unnſer ampt zu ſeinem beſten zu geniſſen unnd zu gebrauchenn, doch die amptborwantten wider alten gebrauch und herkomen mit kenerley Newrung zu beſweren Sunder bey alter gewonheit bleibenn zu laſſenn, Auch unnſer ampt In trewen vorwahrung und beſtellung habenn, und deſſelbien gerechtigkeiten und alt herkomen mit ſeinen grenitzen hanthaben und ſchutzen, darzu wir Im auch auff fein anſuchenn gnediglich hulff thun wollen, die geiſtliche lehen Im ampt wollenn wir unns hirmit zu leihn vorbehaltenn habenn Er ſol auch unns von ſolchin unnſerm Ampt ſiben Jar lang nach dato dits brives negſt nach einander volgende, mit vier geruſtenn pferden dinſt gewertig ſein, und ſich In unſern geſchefftenn gebrauchenn laſſenn unnd nhmant on unnſern wiſſenn willenn und volbort zu dinſt geben unnd vorwant ſein, doch ſo wir ſein nicht bedorffen unnd er unnſerm fruntlichenn lieben vetern dem Hertzog en zu preuſſen dinen wolt, ſo ferne er unnſer ampt mit einem Edelman und vier geruſten pferdenn ſeins abweſens vorſehenn wirt, wollenn wir Im ein Zeeit lang gne­diglich erlawbenn, wir wollenn Im auch uff ſolche vier pferde Hoffeleydung gebenn und wie ander unnſer amptleute vor ſchaden ſtehen, Aber nach außgange derſelbien ſiben Jar ſoll er unns von unnſerm ampt Sar­mundt allein mit zwen geruſtenn pferdenn dinſt gewertig ſein, doruff wir Im auch vor ſchadenn ſteen und mit hoffcledung vorſehenn wollenn, In maſſenn ander unſer amptleute, Er ſoll auch unnſer ſtraſſenn In ſolchem unnſerm ampt fridſam haltenn, zugriff unnd beſcheidung nach ſeinem vormogenn vorhutten, unnd ſo zugriff geſcheenn den beſchedigern nachvolgenn, die nahm abJagenn oder unns die thetter In ſeinen Ampt zu Rechte ſtellenn, waß er der ſchadenn entpfangenn wirdt wollen wir Im gnediglich widderſtattenn, Holtzung ſol er gebrauchenn Im ampt zu feiner Notorfft unnd erhaltung der theme unnd der gebewde des ſloß und zimlicher weiß vorkoffenn, die Brucken Im ampt und das ſchloß wollen wir mit den gebewdenn Inn wehren haltenn laſſenn, uff unſer koſtenn, So ſol er die themme, vorwercke und viehoff mit den gebewden In gutthen wehrn halttenn, woe aber brants halbenn am Slos, vorwerckenn und viehhoffenn ſchade geſchee, das er doch getrewlich und vleiſſ lig vorwahrenn und verhuttenn ſoll, wollenn wir uff unnſer coſtenn wider pawenn laſſenn, Jaget ſoll er Im ampt habenn an haſenn, Rheen, Sweinen und nicht weitter, doch ſol unns vorbehaltenn ſein ſelbeſt Im ampt zu Jagen und Jagen zu laſſenn uff unnſer coſten, So wir alda liggen oder bie unnſer ſchickenn werden und wir Im das zuvor vorkundigen fol er mit feinem Jagenn ſFille ſteen, So wir Innen aber In unnſernn krißleufftenn als vor einen obeſtern oder vor ein Heuptman under den knechtenn gebrau­chen, wollen wir Innen die Zeeit auß unns mit bire geruſten pferdenn zu dinen erlaffenn, und woe er von.