unnd dieſelben unſer Ampt Inn amptmans weiſe zehenn Jar lang negſt nach einander volgende bevolhen Auch deshalbenn mit Im vortragen haben, und wir nemenn Ine auf zu unſerm hauptman und bevelhen Im angetzaigte unſer Ampt Cotbus und peitz In amptmans weiße sehen Jar lang Inn krafft und macht dits brives volgender meynungk und alſo, das er dieſelbenn unſer Ampt Cotbus und peitz mit unſen untterthanen vom Adell Burgern und pawrn darzu gehorende, zuſampt Irn nutzungen und gerechtigkeiten, die zehenn Jar lang, ſo ferne er das unvermoglickeit und ſchwacheit halben vorwalten und vorweſen kan und mag, von unſernt wegen fleiſig vorweſen Inn getrewenn bevelch habenn, Sie bey dem alten herkommen auch zu gleich unnd recht handthaben, ſchutzen und ſchirmen, Unſer beſts unnd fruchtbars wiſſenn befordern und ſchadenn vorhutten und warnen nach ſeinem beſten vormogen, die ſtraſſen fridſam haltenn und vorteidingen, Reuberey unnd Placke­rey getrewlich und mit fleis wehren, auch yderman rechts geſtattenn u. ſ. w. So habenn wir Im zu ſeiner haushaltung und vorſoldung In unſerm ſchloß Cotbus auf volgende perſonen, Nemlich funf reiſige pferdt, Einen amptſchreiber, einen Thorwarter und zwein Wechter auß unſen ampten zu haben und zu nemen verordnet und vorgonnet, das Im unſer Caſtner daſelbs zu iglicher Zeit reichen und geben ſoll, zweyhundert gulden an gewonlicher Muntz Landeßwerung, darzu viertzig malder havern, Eilff malder korn, acht Maltz, den Rumpen krebs, alle wochen nach oſtern fiſch Zinß an der Sprew zuſampt zweintzig pfundt pfeffers, dreyhundert huner, drey ſcheffel erbeiß auß dem vorwerck, funftzehen ſcheffel ſaltz, 19 ſchock eyr, acht genße, zwein ſtein unſlat, acht kelber, einen ſcheffel drey Viertel Man, anderhalben ſcheffel Linſen, Einen ſcheffel drey Metzen Hir­ſen unnd die Sehe zum Ampt gehorigk zu ſeiner haußhaltung zu gebrauchen, den hopffen Zinß, Item das ſtauffmel auß allenn Mollen, holtz von der heiden zu ſeiner notturfft, Auch das holtz alle vor den Thorn nach altem herkommen, doch nicht zu vorkauffen, Ann den gerichten uber Burger und pawr, den vierden pfenning, den wyſenwachs zu ſeinen pferden und uf acht kuen ſtro die notturfft, Item Topffe, ſchuppenn, holtzenn ſchuſſel unnd kannen fo Im Zeolle gefallenn, Er mag auch den hayn mit huttung unnd Eichelnn nach ſeiner notturfft gebrauchen, Alle Jagt Im ampt zimlicher weiß wie ander Amptlewt vor Im gehabt, darzu Im die pawrn nach alter gewonheit helffen ſollenn, was aber daruber wie obberurt iſt Inn beidenn unſern ampten Cotbus und peitz an nutzungen, auß den Zeollen, mollenn, Zinſen, Renten, pechten, ackerwercken und ſcheffereyen, mit Irn dinſten unnd zugehorungenn, an gerichten, puſchen, felden und allen andern gerechtigkeitenn, wie die namen haben mogen, nichts auſgenommen unnd zu iglicher Zeit gefallet, Sollenn unſer Caſtner unnd Amptſchrei­ber einnemen und nach unſerm bevelch Inn unſern nutz bringen, doch ſol gnanter unſer hauptman getrewlich und fleiſig aufſehen unnd achtung haben, das die Mollen uf unſern koſten In weſentlichen baw haltenn, Auch das Vorwerck und ſcheffereien vleiſig beſtallt und befordert werden, unnd was alſo In unſern Mollenn, Zcollenn und allen andern nutzungenn uber fein Deputat wie obſtet gefallenn werdt, das ſolchs alles Inn unſern frommen und nutz gebracht und unſer ſchade vorhut werde, Es ſoll aber unſer Caſtner und amptſchreiber keine bueß noch felle, one gnants unſers Hauptmans wiſſen und willen nichts vertragenn noch einnemen, der— gleichen er auch nichts thun fol unnd wann des merklich furfellet(ol an uns gelangen, dem amptſchreiber ſel er den Tiſch geben zuſampt den beiden wechtern, und Thorwerter In die koſt halten, Aber wir wollenn Inen lohnen, Wann er auch unſer Manſchafft vonn Ampts wegenn Innerhalb ampts fordert, die koſt ſol er tragen, Aber wen wir fie fordern Inn kriegs geſchefften zu vorwharung unſers ſchlos, oder ſonſt auſſer— halb ampts gebrauchen, wollen wir Inen auſrichtigung verſchaffenn, So wollenn wir Im auch auf funf pferd gleich andern unſern Rethen und amptmannen hoffkleidung gebenn, Auch vor pferd ſchaden ſtehenn, Nemlich ein pferd vor 60 fl, eins vor 50 fl. unnd die ubrigen 3 iglichs fur 35 fl, doch alſo das ſie auch alſo vil wirdig fein, desgleichen fo er und die feinen auf die funf pferd In unſern geſchefftenn gefangenn wurden, wol len wir auch vor ſchaden ſtehen unnd ſo wir Inen auſſerhalb unſer land gebrauchen In mit Zerung vorſehen, Wan wir aber Inen zu uns zu kommen fordern, ſol die Zerung untterwegen uf Ime gehen, So er aber zu unns kommet mit futter und mal vorſehen, wie es dann mit unſern hauptlewten auch gehaltenn wirt, wann Il. Bd. 136]