Holtz von denen von Saldern zu Plattenburg/ und die Helffte Kiehnen vom Zotzen/ fo ihme zukommt/ die andere Helffte aber von den andern Intereſlenten zum Haufe Sremmen herz nehmen/ und ſolches mir anweiſen laſſen ſolte/ allein weiln doch meine Hochgebietende Herren/ aus meinem vorigen Bericht und des Herꝛn Commiſſarü Gegenbericht ſchon ſelbſt Hochgnaͤdigſt abnehmen werden/ wie die Sache ſtehet/ ſo mag dieſelbten mit weitlaͤufftiger Antwort nicht auffhalten/ ſondern do es noͤhtig waͤre/ ſo ſolte es mir lieb ſeyn wann der von Bredow nebſt feinem Hegemeiſter/ Chriſtian Belltenen, gegen den 16. Decembris, alsdann ich geliebts GOTT auffs Quartal kommen werde/ zur Churfürſtlichen Cammer beſchieden wuͤrde/ fo wolte ich gegenwärtig ſchon darthun/ daß dasjenige was ich berichtet/ der Warheit überall gemaͤß/ und dahero weder zu milde berichtet/ noch dem von Bredow zu viel gethan und Verweiß verdienet/ und daß ich nicht Eychen⸗ſondern KiehnenHoltz begehret/ zeiget beygelegte Copey, Lit. A ſo ich den 18. Gctobr. an die Hegemeiſter auff dem Zotzen geſchrieben/ und der von Bredow ohne Zweifel auch ſelbſt wol geleſen haben wud/ darauf bin ich den 20. dito mit dem Muͤllenmeiſter auf dem Zotzen geweſen/ und nebſt dem Hegemeiſter/ Chriſtian Bellienen die drey Schock Kiehnen⸗Holtz außgeſuchet/ es hat aber wenige Tage darauff/ der Herz Commiflarius dieſen Hegemeiſter zu mir nach Fehr⸗Bellin geſchickt und ſagen laſſen/ daß weiln er mit Sr. Churfuͤrſtl. Durchl. einen Contract wegen der hohen Jagt getroffen/ fo mare er nunmehr nicht ſchuldig einiges Holtz ohn Entgelt abfolgen zu laſſen/ und darnach wuͤrde ich mich richten.
Daß ich dazumal aber auch vom Eychen Holtz geſaget/ und zugleich mit dem Muͤhlmeiſter etwas in Augenſchein genommen/ hat dieſen Verſtand/ Als neulicher Zeit Tir. der Herr Thumb⸗Probſt von der Schulenburg von Havelberg allhier durchreiſete/ da habe ich wegen der Fuhre ſo das Thumb⸗Capitul zu dem Eychen⸗Holtze von des nen von Saldern aus dem Fehlgaſtiſchen anhero zu thun ſchuldig/ Erinnerung gethan/ da hat der Herz Thum⸗Probſt geſaget daß es vor ihre Unterthanen eine ſehr beſchwerliche Fuhre auff ſechs Meilen/
und wolten ſie lieber auff der naͤhe vom Zoßen