35

In dem andern ſrede die gemaket worden iß vor der lockenitz dar wir noch In Swedt myns Herrn und myn lude genamen an pferdenn vehe und gut In den dorpern die verprant worden ſind und to

Schivelbein to liggen, den ſchaden geacht up Hundert guldin, der porcken lude gedhan. Item den ſchaden den die born ſchen und dramburgiſchen genahmen hebbenn iſt verteykent gege­ ven worden deme probeſt vom berlin und werner von der Schullem borch, die ander Schade den die und ander myns Herrn Manne und Stede genohmen hebben und noch nicht verteikent worden is, Schal vertey­

kent werden und up den dach to konigßperg verantwort werden. Item kun Barfut iſt ein knecht genant Hanns Schon beck gegrepen und geſchat up zwelff guldin up pfingſten, itzt hebbenn gethan Rymes und Henning von ſchynig en. Den ſchaden den die von arnßbald bynen dem freden genahmen hebbenn: Alß unſers gnedigen Herrn landtvogt dorch ſinen knecht Byßedales Heringk Burgers to Star:

göard alß tol verfarn gudt to uns bynnen leth In driven und afflegen, hefft de Sulve byßedal mit fulbort der wvvon Stargard unnſe medeburger bynnen Stargard mit rechte an gefallenn und vort bauen ſolick recht gedrungen em to lavende by einer gefencknuſſe, glick efft he fie Im fellde grepen hadde fick wedder In to ſtellende, von deßwegen wy uns iegen em und den von Stargarde to rechte verbaden hebben, Was wy dar Inn entgelden ſcholen alß de Saken unſen gnedigen Herrn und ſiner gnaden tolle andraffen, de wy nicht ſweken konnen, wes wy darIn entgelden ſcholen, des wy von en nicht bekomen konnen Wol wy des Stedes overbadich ſin umme des willen wy und unſer medeburger von der tid beth nw here und vort an die von Stargard und de Strat­ ten und vodinge hebben moten miden und ſitten ſtedes up ſulker fare, Ock mach uns keyn Herrn und Landt— frede dar Inn to Hulpe kamen, wol de ſaken anhevende des kriegs ſint nach unſem dunckende.

Sinen gnaden to irkennend:

In unſes gnedigen Herrn apenbar kriege hadden wy mit dem Chomthur von Czuchan mit den vom Satzk, mit kartze von Gunterßberge und allen den von Gunterßberge ober Ine und den eren eynen gutlicken byfrede up dre dage to vorne up to ſeggende upgenamen und verſcreven, den kartze Sulveſt gemaket und darvor gelavet hadde, up ſulke frede und laven hadden wy de unſen unſes gnedigen herrn vigende to Mes gelagrende und to verholdende uthgeruſtiget, de denne kartze mit den ſinen unverwart In ſulken frede hefft Ja­ merlicken nedergelecht, to howen gefangen und eyn teyl vermordert, Wo wol dat ſe ſick an em edder den ſinen In ſulkem frede to bokande und ock nicht upgeſcreven hefft und hopen darumme he ſchole de unſen loß und en dat ere wedder geven und de doden verſonen.

Sinen gnaden to er kennend:

Item Szo hadden wy ock etlicken byfrede mit den von Stargard up five dage tovorn up to ſeg— gende bedegedingt und upgenamen den frede ſe uns nicht upgeſecht edder upgeſcreven hebben, Ock ſo wy hopen en den wol to geholden und nicht verbracht hebbenn, Bynnen ſulken frede hefft hinrick luchte Rathmann thu Stargard, wol he den frede Sulveſt gedegedinget hadde mit andern ſinen Hulpern uth Stargarde und darwedder In unſen Eigendom Schonfelde affgebranth und up dat uterſte beſchediget Ock furder ander guder, de mit en ſulken befrede getogen wern.

Sinen gnaden to erkennen: Dit is dat unſem gnedigen Herrn ſchelt, von ſiner gnaden underſaten wegenn:

Int erſte dat die Hovetlude von dem Satzk hebben den von Stargard ere borgere affgeſlagen und grepen.: Item ſo hefft de Hobetmann von Bernſtein ock den von Stargard dat ere genomen. Item ſo hebben de von Arnßwald ock den Stargardeſchen ere borgere affgegrepen und beſchattet. Item fo hefft de Hovetman von Bernſtein ock genahmen In dem Dorpe tho warßyn und breder­

loe ſo gudt alß fiff hundert marck.