unſerm gnedigſten Herrn dem kurfurſten und feiner kurfurſtlichen gnaden herſchop ein teil und uns to betherung ber Stat der ander deil unverrugklich tokomen und averantwerdet werden, Aber de erffell fo von den fo in unelichem ſtandt geboren und von andere de nicht angeboren frundt unnd erven haben verledigt werden, den man doch dat erve Jar und tag tho gude halten ſchal, Schollen nach altem gebrauche den beiden kirchen bey uns to perleberg Ein deil, unſerm gnedigſten herrn dem kurfurſten der ander deil, und uns dem rade der drutte teil to Beterunge der Stat one Weigerunge tokomen, wo ſick aver ymant in dem ſulvigen gerichte ſulveſt uth twyvelunge entlivende wurde, ſchal ſeine hab und gut nach ordnung der recht und uth furſtlicher obernheit unſerm gnedigen Herrn dem kurfurſten und feiner kurfurſtlichen gnaden herſchop alleine toſteen, alles getrewlich unnd ungeverlich, tho urkunde mit unſer Stadt Ingeſigel u. ſ. w., geven to perleberg am Donerſdage nach dem Sontag Miſer. Dmni 1522.
S. Beckmann Beſchr. der Mark II. Perleberg p. 57.
XIIX. 1524. Churf. Joachim bekennt, daß Grabow ein Lehn des Biſchofs von Brandenburg ſei.
Wir Joachim ꝛc. churfurſt ꝛc. Bekennen und thun kunt ꝛc. als der Erwirdige In got unſer Rath und beſunder frundt Her Dietrich Biſchoff zu Brandemburg mit wiſſen und willen ſeins Capittels uns und unſern menlichen leibs lehns erben nach todlichen abgang etwan des Wolgeboren und Edeln unſers lieben getrewen Wichmans Graven zu Lindow, Hern zu Ruppin und Mockern ſeliger und loblicher gedechtnus das Slos Grabow mit allen und iglichen feinen dorffern zu und eingehorungen In maſſen gnanter Graff ſeliger von dem Stifft Brandemburg ſolchs zu lehn getragen und N und N die von Wolffen von Im forder zu lehen gehabt, zu rechtem manlehn zugeſtelt und gelihen, Auch gnante von Wolffen an unns mit der lehnſchafft gewyßen hat, doch mit vorbehalt des anfals nach verſterben der von Wolffen obgnant oder irer menlichen leibs lehns erben fur und fur, nach meldung ſeins brives daruber außgangen, das wir unns widerumb und dargegen verſchriben, bewilligt und verpflicht haben, verſchreiben, bewilligen und verpflichten unns hirmit gegenwertiglich In crafft und macht dits brives, das wir und unſer menlich leibs lehns erben ſolch Slos Grabow mit allen und iglichen feinen dorffern nutzungen und zugehorungen von gnanten unſerm Rath und beſundern frundt von Brandemburg und ſeinen nachkomen zu rechtem manlehen haben, ſo offt nott iſt nehmen und entpfahen wollen, darzu er uns und unſer Erben auch fur und fur vor ſich und ſein Nachkomen der ſchensphlicht verlaſſen, darumb wir deſte gutwilliger fein Stifft und kirchen zu Brandemburg als der landsfurſt zu ſchutzen, zu ſchirmen und zu verteidingen und In ſonderheit darvon zu thun und zu pflegen, wie ſich eygent und gebort, Es ſoll auch obberurten unſern frundt von Brandemburg und ſeinen nachkomen, Biſchoven zu Brandemburg, gantz und gar vorbehalten ſein, wo ſich ein fall begebe, alſo das die gnante von Wolffen und ir menlich leibs lehns erben on leibs lehns erben fort und fort verſturben und die gnanten guter verledigeten, ſollen ſie nymant anders dann obgnanten unſern frundt von Brandemburg oder ſeinen nachkomen on unſer und | unfer erben verhinderung, einrede und behelff heim fallen und zukomen ewiglich bei dem Stifft und der kirchen } zu bleiben und von unns und unſern erben dabey geſchutzt und gehanthabt werden, wie wir uns hyrmit vor uns und unſere lehens Erben In krafft und macht dieſes revers, Jegenwertigklich, glawbhafftig und beſtendigklich vorpflichten, alles getrewlich und ongeverlich. Datum Coln an der ſprew am Dienſtag nach Corporis Chriſti 1524.
[33]