260

III. um 1520. Summarius der pommerſchen Lehn halben.

Sumarius der pomeriſchen lehn und vertrege halbenn, welcher geſtalt die zu iglicher Zeit zu halten geweygert und vertzogen ſein worden, Nemlich:

Zum Erſten was gerechtigkeit die Marggraven zu Brandenburg churfurſten, zu der lehnſchafft und verleihung der hertzogthum und furſtenthum Stettin, pomern, Caſſuben und Wenden und Rugen habenn, findt mann In kayſerlich und koniglich briven und vertregen ſo Im buch Regiſtriret und auch die brive In einer laden Im gewelb vorhanden.

Als nue der Erſte marggraff Fridrich churfurſt zu Brandenburg ſeliger gedechtnus nach manchfelbiger underhandlung der lehnſchafft halben, ſeiner gnaden tochter Frewichen Eliſabeth Hertzog Joachim zu Stettin und pomern tzu der Ehe gegeben und vermehelet, haben ſie mit einander ein Sone gehabt Hertzog Ott gnant, darnach iſt der vater Hertzog Joachim tods halben abgangen als Hertzog Ott noch unmundig geweſen, dho hat Marggraff fridrich der ander denſelben Hertzogen Otten zu ſich an hoff geno­men als ſeiner Sweſter Son und ertzogen und als er etwas gewachſen, hat churfurſtliche gnaden uff anſuchen der Lantſchafft gemelten Hertzog Otten In fein Lannden geſant, der dhannen kurz darnach tods halben abgangen iſt, Es ſein auch Schilt und Helm mit Im begraben, alſo das nach ſolchen ſeinen abſterben die lant Stettin und pomern ꝛc. an den churfurſt zu brandemburg verledigt, Es hat es aber kayßer fridrich darfur gehalten, das ſolch landt an das reich verledigt, auch ladung und gebotts brive an Hertzog Ericken und Hertzog Wartz­laff zu Bart und Wolgaſt, ſo ſich derſelben lant Stettin und pomern als vermeinte erben underſtanden außgeen laſſen, So aber marggraff fridrich churfurſt der Ander und Marggraff Albrecht ſein Bruder kaißer fridrich des churfurſtenthumb zu Brandemburg ſeiner kayßerlich Maieſtat vorſchriben und brive angezogen, hat ſein kayßerlich Maieſtat ſolch anforderung abgeſtalt und Marggraff fridrich churfurſten die Lannt gelihen, Auch gebotts brive an Hertzog Ericken und Hertzog Wartzſlaven zu Bart und Wolgaſt außgeen laſſen, die lant zu Stettin und pomern ꝛc. den Marggraven zu Brandemburg abzutretten und In crafft irer hergebrachten gerechtigkeit ungehindert volgen zu laſſen, wie auch kayßer fridrich Marggraff Fridrich und Marggraff Albrechten de lant rechtlich zu einantworten Hertzog Erick und Hertzog Wartzlaff fo darzu geladen rechtlich zuerkant, hat auch gebottsbrive an ſie und mehr furſten außgehen laſſen, des ſie ſich geweygert und nicht thun wolten.

Demnach ſind manchfeltige taglaiſtung und handlung furgenomen durch den koning zu polen, Hert— zogen zu Meckelburg noch ſunſt unter ſich handlung furgenomen und ſunderlich iſt ein entſcheid zu Soldin geſcheen zwiſchen Marggraff fridrich und Hertzog Ericken bei ern und trewen außgangen, die lehn zu entpfahen auch die lantſchafft den churfurſten huldigung thun laſßen, aber nicht gehalten noch voltzogen, dann Hertzog Wartz­laff hat ſolichen entſcheid nicht bewilligen wollen und Sind deßhalben zu vehden und krig gekomen das Marg— graff fridrich churfurſt fie ubertzoagen und bekrigt hat und Satz, Gartz, virraden, lockenitz, Torgelo und ander Slos mit gewalt genomen und zu feiner gnaden handen gebracht, dho haben die Hertzog zu Meckeln— burg aber die ſich vertragen, das Hertzog Erick und Hertzog Wartzſlaff die lehn entpfangen, auch ire lantſchafft zum teil huldigung thun laſſen, hat auch dieſelben Slos und Stett behalden.|

Als nun Marggraff fridrich churfurſt feinen Bruder Marggraff Albrechten das churfurſtenthumb zu Brandenburg ſampt der lehnſchafft der lant Stettin pomern ubergeben und kortz darnach geſtorben, hat Marg— graff Albrecht die lehen ſamptlich von kayßer fridrich entpfangen, hath Hertzog Erick und Hertzog Wartzlaff abermals die lehn von Marggraff Albrechten entpfangen ſollen, des fie ſich abermals geweygert, deßhalben Ein krig vorhannden geweſt. Aber Hertzog Heinrich von Mecklenburg hat ſich handels underſtanden und die ſach vertragen, Alſo das die beide Hertzogen die lehn von Marggraff Albrechten entpfangen habenn. Als nue Hebtzog Erick von pomern verſtorben, hat feinem Son Hertzog Bug ſlaff geburt die lehn zu entpfahen, In mittler zeit iſt zwiſchenn dem churfurſten zu Brandemburg Marggraff Albrechten und ſeinem Son Marggraff