weyſe geſtrafft werden getrewlich und ungeverlich, ſich ydermeniglich darnach entlich wiſſen zu haltten und zu richtten.

; Und wie woll unſer gnedigſter Her der kurfurſt der Artickell woll mer antzutzeigen hett, dannoch auß gnedigen willen wil ſein kurfurſtlich gnaden dieſelben dißmals antzutzeigen verhalten und ſich ernſtlich ver­ſehen, es werd ſich ein yderman ſeiner pflichten und verwantnus nach hinfur gein fein kurfurſtlich gnaden und feiner kurfurſtlich gnaden Rethen gehorſam billicher weiß zu ertzeigen wiſſen, deſter geneigter fein kurfurſtlic gnaden auch ſein will Innen gunſt und gnedigen willen mit zu teillen.

Hiruff haben die Prelaten, Rytterſchafft und Stette geantworth wie volgeth:

Den ungehorſam der prelaten und Ritterſchafft fo fie zu Rath oder landtag vorſchriben worden und auſſen bleiben, ſich auch itzlich nicht entſchuldigen belangen, laſſen die geſtende bey der meynung wie In Irem erſten Artickell hievor ſein kurfurſtlich gnaden angetragen, uff ſeiner kurfurſtlich gnaden anthworth biedet wor den, wollen den gantzen zuvorſicht ſein, ein Itzlicher ſich ſeiner pflicht nach wohl wirt zu halden wiſſen.

Das auch den ungehorßam belangt, der Jenen die zu ſeiner kurfurſtlich gnaden eren und din ſten gefordert auſſenbleiben und wiſſen die geſtende nicht wer dieſelbigen ſein In dem aber ſo ymandts von ſeinen kurfurſtlichen gnaden vermerckt und angeſprochen, werdt ſich mit pillicher Anthwort on zweyffel horn laſſen.

Das Newe Brawſtetten oder Brawer wiber die Ordenung und auſſatzung des Biergeldes und die von alters nicht gebrawen ſolten haben, uffgericht weren Iſt den prelaten auch der Nitterſchafft wie das fein ſolt nicht wiſßlich, ob aber etzlich kruger die von alters gebrawet Auch Ir bier von altters andern zugefuret oder verkaufft ſich ſolchs Ires alten gebrauchs nach haltten Iſt Ires bebunckens der Ordnung und außſatzung des Biergeldes nicht zuwider, wan Irs vorſehens es Im ſelbeſten ordnung nicht verbotten.

Das auch etzliche des adels oder geiſtlichen Bier brawen und Iren krugern außzuſchencken geben fol ten, Iſt den des Adels auch den geiſtlichen nicht wißlich Es were den ab villeicht fein kurfurſtlich gnaden ſolichs etzlichen aus gnaden vergonnet hat.

Ob auch etzliche des adels oder der geiſtlichen Ire underthanen mit gelde oder korn vorle— gen, Alſo In Irer narrung und derſelbſten gutter unvorwuſt erhaltten, wollen die des Abels und geiſtlichen den troſtlichen zuverſicht ſein, ſeinen kurfurſtlichen gnaden nicht entgegen, wan ſie des gantzen Vorſehens ſein, ſein kurfurſtlichen gnaden Irer underthanen verderb und verwuſtung nicht belibe noch gefallen haben In an­ſehung das es auch In der Ordenung des Biergelts nicht begryffen.

Das auch etzlich ſolden den Iren verbotten haben In ſeiner kurfurſtlichen gnaden ſtetten Bier nicht zu holen, Iſt vom weme das mochte geſcheen ſein nymandts wißlich.

Das aber ymandts anders oder weniger Biergelt von den ſeinen nemen ſolt, dan In der auſſat­zung außgedruckt, wollen ſich die des Adels und von den geiſtlichen vorſehen, es were durch einen Itzlichen der auſſatzung nachgelebt und nicht weniger genohmen, Dieweil ein itzlicher des Jenen ſo Im In dem zutreglich fein mag wol notturfftig, Es were dan, das etzliche auß groſer notturfft und erbarmung ſeiner underthanen etwas nachliſſen, verhoffentlich ſolichs feinen kurfurſtlichen gnaben ein ſoliche woltat zu eines itzlichen ſelbſt abgang nicht zu wider ſein.

So aber hmandts wider oben angetzeigt und itzt veranthworte arttickell mutwillig und der auſſatzung des Biergeldes frevelichen Entgegen handeln wurde, ſich ſein kurfurſtlich gnaden gegen einen Itzlichen noch vermog der ſelbſten auſſatzung und Ordnung der gebur on Zweyfell woll zu halten wiſſen. Das auch etzliche ſo uff ergangen clagen und Supplication von ſeinen kurfurſtlichen gnaden Bevelh oder ſchriefft enthpfingen die unveranthwort laſſen und alſo ungehorſamlich gegen Irer kurfurſtlichen gnaden Bevelich und ſchrifft thun, die verachten, und wiſſen die geſtende nicht weme oder von weme ſolichs geſcheen, ſo aber ymandts In deme von ſeinen kurfurſtlichen gnaden als mutwillig oder ungehorſamlich vermerkt, hat fein kurfurſtlich gnaden deſ­ſelbſten Anthwort zu horen ſich dar Inn der gebur woll zu ertzeigen.