mugen Sie unnd Ire nachfomen ſtraffen nach billigkeit, uf Solichen Vertrag wie obſtett und darvor ſollen und wollen unns und unnſer herſchafft Burgermeiſter und Ratman beyder obgnanter unſer Stette Berlin und Coln alle Jar zu weynnacht heiligen tagen und itzt uff den negſtkomenden weynnacht heiligen tagen anzufhaen und ſo furder die weill dieſer vertrag fett Newntzig gulden one vertzogerung betzalen unnd unns antworten laſſenn wie fie unns dann zugeſagt haben, doch ſoll dieſer vertrag zu unnſer beyder gefallen unnd loſßkundigung ſteen und welichem teyll das gemeint iſt, ſoll dem andern ein virteill Jar vor weynnachten uffſchreyben oder ſagen laſſen, wenn das alſo geſcheen, ſollen unns unſer ober unnd nyder gerichte, mitſampt den betagten und hinderſtelligen gulden volgen und ſie dieſelben dornach forder zu geben nicht mehr ſchuldig ſein Nachdem ſie ſich auch In unnſern gerichten etlichen gebrauch und zu regirung Irer mitburger und hanthabung Irer pollicey von unnſern wegen aus altem herkomen anmaſſen, des wir Inen alſo nicht geſtendig, ſoll dieſer vertrag So vill der unnſer Statt gericht betrifft yderman an feinem Rechten unſchedlich fein alles getrewlich und ungeverlich. Actum Coln an der Sprew am tag Johannis Evangeliſte Anno ꝛc. octavo. S. Hymmen Beiträge zur juriſt. Litt. Bd. 1. p. 209.
XXIX. 1511. Verſchreibung der Muͤnze zu Brandenburg und Croſſen.
Wir Joachim von gotts gnadenn ꝛc. unnd Albrecht gebruder Marggraffen zu Branndinburg
2c. Bekennen u. ſ. w. das wir unnſernn lieben getrewen Hermann Meyſen zu unnſerm Muntzmeiſter auffge nomen und Im unnſer Muntz volgennder weys bevolhen, alſo das er Inn unnſern Stetten Newnſtath Brandinburg und Croſſen Muntzen ſoll Gold unnd ſilber Nomlich auff ein iglich Marck gold gewogen ſollen geen ein und Sibentzig ſtuck und ſollen auffs feyn halten achtzehen karath unnd drey green ungeverlich
ein green mynder, unnd von Silber gantz und halbe groſchen, groß und clein unnd pfennig, alſo das das
pagament Nemlich hundert ganntze groſchen auff die Marck und nicht mehr geſlagen und gewagen werdenn, unnd ſechſthalb lott feynn ſilber halten, der halben groſchen ſollen hunderth unnd acht unnd achtzig ſtuck unnd nicht mehr auff die Marck geen, die ſollen funff lott unnd ein halb quentin feyn Silber unnd nicht weniger halten Beſundern ein halb quentin Inn die fahre, doch ſoll er ſich des bey ſeinem aide nicht gebrauchen, Es kom dann von unfals wegen, bey der pene des fewers on gnad unnd er ſoll allewege machen drey werck und durch einander miſchen, ob eins zu gering were, das es die andern erfulle damit das gerecht gewicht bleibe als
es fein ſoll wy vorberurth, der pfenning ſollen drey und virzigk auff ein lott geſchrott und funff und virzig
gewagen und In der außgab gebrucht werden, dieſelben ſollen halten funffhalb lott feyn ſilbers, doch ſoll der Muntzmeiſter auch ein halb quentin Inn die fahr haben aber ſich des bey dem feyer geverlich unnd mit willen nicht gebrauchen, Es geſchee Im dann ein ungeverlicher ſchade und ſollen dy pfenning glat ſein unnd zwen Schilt darauff gemacht werden, auff der Rechten der Zepter unnd auff der Lincken ſeyten ein
Adler unnd von ſolicher Muntz allenthalben ſoll er nichts auſſgeen laſſen noch von ſich geben, Es ſey dann. das dy von unnſern wardirern darzu geordent zuvorn auffgezogen fein, do mann allewege von einem iglichen
werck der ganntzen unnd halben groſchen und pfenninge ein ſtucke, In ein buchſſen mit zweyen Sloſſen vorwart, do dy auffziher einen unnd er den anndern Sluſſel haben, legen ſollen, wann wir wollen uber kurtz oder lanng/
das wir denn zu unſerm gefallen probiren mogen laſſen, und ſollen die auffzihern fo offt das nott fein wirt
die mung auffgihen unnd der gemelt unnſer Muntzmeiſter fol die gnant unnſer Muntz haltenn unnd ſlahen an baiden ſtellen funff Jar lanng die negſten nach dato ditzs brieves unnd itzundt auff Jacobi ſchirſtkunfftig damit anfahen, ſo er ſich damit fromlich heldet und er von uns alſo und unſtrefflich gefunden, der Inn der Zeit nicht entfeßet werden unnd fo lanng er unnſer Muntz ſlecht, von groſchen und pfenningen, ſoll er unns von
/——— 8———— 8—— c—