reichs den. herr und ttin, rochen und heiten, geburt titel g zu ntumb gierene vor er enhauß ſolicht rochen ! Sur ndrung
in wir
nd der
249
XXXVIL 1518. Vertrag mit dem Buͤchſenmeiſter wegen Pulverfabrikation zc.
Mein gnedigſter Herr der kurfurſt hat Henning Emerbuck etwan Meiſter Hannſen buch ſen—3 meiſters knecht zu verweßung deſſelben Buchßenmeiſters Ampts, ein Jar lang nechſt volgend, auffgenomen und geben Im fein kurfurſtlich gnaden ſolich Jar uber 20 gulden zu ſold, dartzu eſſen unnd trincken unnd
ſo oft man uber hof cleydet, ein gantz kleyd, dafur unnd gegen ſoll er das Wohnhawß, die pulver mule
unnd das Buchßenhaws unnd do das geſchutz unnd buchſſen Inn ſein, Inn guter Verwaltung, unnd auff das geſchutz gut auff ſehen haben unnd alles das thun, auch mit ſchmiden, pulver machen unnd wes er ſunſt zu verweßung des Buchßenmeiſter ampts kan und weyſt, ſich geprauchen laſſen, wie einem fromen dyner zw ſteet unnd er des auch fein kurfurſtlich gnaden pflicht unnd eyd dartzu getan, Uber das haben Im ſein kurfurſtlich gnaden verguntt, das er doch unverſewmt meins ghedigen herrn arbeyt, auch zu ſeinem nutz pulver machen unnd ſich daneben der Mule geprauchen mag, doch alſo wann ſein kurfurſtlich gnaden einen andern 2 buchßen meyſter Inn des annemen, dem ſoll das hawß mit zu bewohnen und die pulvermule zu geprauchen zu ſeinem beſten auch zu geprauchen auch vorſteen. Actum am freytag nach Diviſionis apoſtolorum Anno 18.
.
XXXVIII. 1505. Mathias von Uchtenhagen wird Landvogt der Neumark.
Wir Joachim ꝛc. Bekennen offintlich mit diſſem brive ꝛc. das wir unnſerm Rath unnd lieben getrewen Matthis vonn Uchtenhagen zu unſerm lantvogt der newenmark uffgenomen unnd unſer lantwvoigtie | doſelbs zu verweſen bevolhen haben unnd nemen In uff zu unnſerm lantvoigt der neuenmarck und bevelhen Im dieſelb lantvoigtie zu verweſen In crafft und macht dies briffs Alſo das er unſer Slos Cuſtrin bezyhen unnd bewonen ſoll, alda hwßhalten mit wechtern, torwartern unnd andern perſonen getrewlich beſtellen, wie Jorg quaſt hievor gethan hat und ſonſt daſſelb unnſer Slos und ampt In hut und verwarung haben, Er ſol
| auch von gemein gebrechen wegen, fo by den unſern ye zu zeiten erwachſen drey oder vir
lantag nach Erforderung der ſachen an gelegen ſtett des Jars halten wie herkomen und gewon⸗ lich iſt, die unſern zu richten In einickeit unnd gemath zu ſetzen und ſonderlich unſer amptlewt und diener ſo wir uff unſern Sloſſen haben unnd ſonſt alle und igliche die unſern der Newenmarck zu geleich und recht, auch unſer ſtraſſen ſchutzen unnd hanthaben wie Im als einem lantvogt von unſern wegen zu thun geburt und er uns ſchuldig und pflichtig iſt. Fur ſolich ſein Muhe unnd darlegung auch zu erhaltung unſers Sloßs unnd ampts Cuſtrin wollen wir gnanten Mattis von Uchtenhagen alle Jar dritthalbhundert gulden zu Jar ſolt mitſampt funff Wiſpel haveren ußs unnſerm Caſten Cuſtrin geben laſſen, Nemlich zu iglicher quatember dritthalb und ſechtzig gulden, das wir hiemit unſerm Caſtner von unſern wegen zu thun bevelhen, dartzu ſollen Im ͤ viſche unnd ander ampts gerechtigkeit wie Jorg quaſt zw ſeiner hwßhaltung gehabt auch volgen, uff den lanttagen ſol unnſer Caſtner zu Cuſtrin Im unnd unnſern Rethen wie den vorigen lantvoigten geſcheen iſt, gewonlich zerung ußrichten unnd ſo er Im nachJagen unns unſern landen unnd lewten zu gutt oder In unſern din
ſten ſeine pferde verderben worde, wollen wir Im nach wirden gelten, auch ſo wir uber unſern hoff cleiden mit
hofftleidung verſehen unnd wen wir oder unnſer erben Inen unſer lantvoigtie und ampts Cuſtr in entſetzen oder er das nicht lenger erhalten und haben wolt, wollen wir oder unſer erben Im ein halb Jar zuvorn verkundigen, deßgeleichen er auch thun ſoll, alls getrewlich unnd ungeferlich. Actum Co ln Montags nach pauli converſionis 1505.
Durch eine beſondre Urk, deſſelben Dati erhielt der Landvogt das Recht alt väterliche Lehn und Leibgedinge zu verleihen.
132