Jetlichem deputat abgerechent werdenn, Wann wir Ine ouch Inn unſern geſchefften zu uns vorſchreibenn oder verſchickenn, ſoll auff unſer Zcerung und unkoſten hin und wider geſcheen. Sollenn und wollenn Ine ouch ſolchs ampts die Zeit feines lebenns ſonder mergkliche tapffere rebliche und wichtige urſachenn nicht entſetzenn, Doch wollenn wir Ine zu iglicher, wann er mit ſolchenn ſchweren tapfferen urſachen bey unns angegeben und beſchuldigt wirtt, vor uns fordern und ſeine entſchuldigunge und vorantwurtung nach Aller notturfft horenn und uns alſdann nach gehortter Flag und antwurt aller gebor und pillickeit gein Ime erzeigenn und halttenn, Es ſoll unns auch oder unſern erben nach bemelts unſers Heuptmans Hanſen knobelßdorffs tode, unſer Slos und Amptt Croſſenn mit allen und iglichenn Burgwehrnn, fharender habe, Buchſſenn und allem anderm haußgerat, wie er das Inhalts eins Inventarien entpfangenn und eingenohmen, zuſampt dem hinderſtelligen und betagtem Amtgelde on alle einrede und behelff frey und ledigk abgetrettenn und zugeſtelt werden, alles getrewlich und ungeverlich. Datum Donrſtags nach Innocentium puerorum Anno 2c. 25.
XIV. um 1520. Melchior von Loͤben wird Amtmann in Zuͤllichau.
Wir Joachim vonn gots gnaden Marggraff zu Brandemburg 26. Bekennen Als wir unnſerm Amptman zu Zulch Rath unnb lieben getrewen Melchior vonn lobbenn unnſer Ampt Zulch mit ſeiner Zugehorung die Zeitt ſeins lebenns uff einen vortrag uns Jerlichen ein Deputat darvon zu gebenn eingethann unnd vorſchriebenn, und wir ſolchenn vortrag mit Ime vorandert, das wir Ime unnd ſeinen Rechten erben daſſelb unnſer ampt Zulch Slos unnd Stadt mit allenn unnd iglichenn Iren zugehorungenn unnd nutzungenn, an Dorffern, Mollenn, Mollenpechtenn, vorwerkenn, zinſenn, Renthen, Scheffereien, Ackerwercken, wieſenn, honigpechtenn, Ochſſenn, hunern, Eyern, Schuldernn, Wochenzollen, Saltzzollen, viſchereienn, holtzungen und allen andern gerechtigkeitten nichts außgeſchloſſen Sampt den gerichten Inn der Stadt unnd auff den dorffern Auſſerhalb des Adels, Auch wann ein Rath unnd gantze gemein Inn unnſer Stadt Zulch Samptlich oder itzlchs, Als der ganntze Rath unnd gemein ſonnderlich vor ſich ſelbs vorbrechenn, Wollenn wir unns zu ſtraffenn vorbehaltenn haben, Was aber enntzell perſonen vom Rath unnd gemein verbrechenn, Soll unnd magk bemelter unnſer Amptman Straffen, Es werenn dann ſolch fell die on alle mittel der obrickeit zu ſtraffenn geburtten, Als ketzerey, entleibungk, oder annders der gleich, doch niemants zu ubermaß unnd unbilligkeit beſchweren, Inn Amptmans weiſe auff einen Rechtenn widerkauff unnd Inn wider— kauffs weiſe vorkaufft unnd eingeben habenn unnd wir vorkauffen unnd eingeben dem gnantem Melchior vonn lobbenn und feinen Rechtenn erbenn obgnantt unnſer Ampt Zulch Slos und Stadt auff einen Rechtenn wider. kauff unnd Inn widerkauffs weiße Inn krafft unnd macht dies brives, Alſo das er unnd feine Rechte erbenn daſſelb unnſer Ampt Zulch Slos unnd Stadt mit Iren nutzungen unnd zugehorungen, nichts auſgeſchloſſenn auſſerhalb volg Stewr unnd Biertzeiße wie obſtett zu widerkauff Inn Amptmans weile Innehabenn, beſitzenw unnd geprauchenn, unnd daſſelb unnſer ampt, Slos unnd Stadt Inn notturfftiger getrewer und furſichtiger vorwharungk unnd bevelch, mit Thorwerttern unnd wechtern nach notturfft beſtellen, Auch unns drey geruſte pferde auff ſeinen koſten unnd unnſern ſchadenn haltenn, Auch unnſer underthan ſampt den altenn grenitzenn daſelbs vonn unnſern wegenn handthabenn zu Recht und pilligkeit Schutzenn unnd verteidingen, Sie uber allten geprauch nicht beſchwerenn noch zu unrecht beſchatzen, Sonnder bey allten gewonheitten unnd gerechtigkeiten unvorhindertt bleibenn laſſenn, Ouch Iderman Rechtens geſtattenn unnd vorhelffenn, nach ſeinem hochſtem vorſtentnus unnd vormugen, Gleichen Schutz halltenn den armenn als dem Reichenn, Geſchencke noch gabenn, uns unnd den unnſern zu ſchaden nicht nehmen, keine vhede auß noch ein unnſer Ampt, on unnſern willenn unnd wiſſenn nicht anfhahenn, noch niemandts geſtatten, Auch unnſir noch unnſer nachparn veindt und beſchediger
1351