276

wiſſentlich nicht hauſenn, hegenn, noch einicherley furſchube oder furderung thun, beſonnder unnſer unnd der unſernn frommen befordern unnd ſchadenn vorhutten, unnd ſich Inn allewege als einem getrewennn Amptman zuſtett ertzeigenn unnd befindenn laſſen, wie er unns des pflicht gethann hatt und ſchuldig iſt, Fur ſolchenn widerkauff hatt unns gnantter melchior vonn Lobenn dreytauſent guldenn, daruntter funfhundert guldenn ann guttem wichtigem gollt unnd das ubrige ann gutten merkiſchenn groſchenn zwey und dreiſſig vor ein guldenn daruber betzallt, entrichtet unnd vorgnuget, derſelbenn betzalungk wir vor unns unnſer erbenn, Ine unnd ſein erbenn hiermit quidt ledig unnd loß ſagenn, Inn krafft dits brives. Darauff wir alle unnd igliche unnſer erbar manſchafft, burger unnd pawrnn ann In unnd ſein erben Inn obgeſchriebener maß, wie widerkauffs Recht iſt geweiſet habenn unnd hiemit weiſenn, Ime unnd ſeinen erbenn Inn krafft dits widerkauffs, vonn unnſern wegenn Als unnſerm Amptman, So lang ſie ſolcher drey tauſent guldenn nicht vorgnugt werdenn, Inn allenn unnd iglichenn zimlichen ſachen unnd unnſern geſchefftenn wann er fie ermanenn wirtt, gehorſam gewertig unnd gefol­gig zu ſein, Es ſollenn auch Ime oder ſeinen erbenn dieſelbenn unnſer Ampts vorwanndtenn alle unnd itzliche nutzunge einkommen unnd zugehorung zu iglicher Zeitt wann die betagt on vorhindrung reichen unnd gebenn, So lannge dieſer widerkauff ſtehett und von uns und unnſern erbenn nicht abgeloßet wirdet, welche betzallung wir unns unnd unſern erbenn hiermit vorbehalltenn habenn wollenn, doch wollenn wir oder unnſer erbenn gemelltenn mel chior vonn Lobben vonn ſolchem unnſerm Ampt die Zeitt ſeins Lebens nicht abloſenn noch des entſetzenn, Auch nach ſeinem todt ſeinen erbenn In vier Jarenn negſt nacheinander volgenndt die abloſung nicht thun, Sunder wann er Melchior vonn Lobenn mit todt abgeſcheidenn, Sollenn ſeine Rechte Lehenns erbenn unnſer obgnantt Ampt Schlos unnd Stadt Zulch, drey Jar Inn widerkauffs weiße, als unnſer Amptleutt wie obſtett Innehaben unnd geprauchenn, doch wo die kinder unmundigk weren, Sollenn ſie uns daſſelbig unnſer Ampt mit einen geſchicktenn Redlichenn vom Adell der unns vorwandt mit dreyenn woll geruſten pferdenn biß zu Iren mundigenn Jarenn halltenn unnd beſtellenn und wann die drey Jar umb fein, Soll zu unſern unnd unnſer erbenn willenn unnd gefallenn ſtehenn unnſer Ampt Slos unnd Stadt Zulch mit ſeiner zugehorungk abzuloſenn unnd zu unns zu pringenn, doch das wir oder unnſer erbenn feinen erbenn ſolchs ein Jar zuvornn vorkundigenn unnd nach auſgangk deſſelbenn Jars, denſelbenn ſeinen erbenn Inn unſer Stadt Croſſenn ſolch drey tauſent guldenn, nemlich Funfhundert guldenn ann wichtigem golde und die ubrige Summa ann guttenn merckiſchenn groſchenn zwey und dreiſig vor einenn guldenn, on alle Irrungk vortzogerungk, einrede und behelff, auch on allen Iren ſchadenn unnbekommert geiſtlichs oder welltlichs gerichts Inn einer Summa vorgenugen, entrichten unnd betzallenn, Wann das geſcheen iſt unnd nicht ehr ſollenn ſein erbenn, unns oder unnſern erbenn obgnantt unnſer ampt Slos und Stadt Zulch mit ſeiner zu unnd eingehorung nichts auſgenommen, frey unnd unvorhindert, ſambt buchſſenn auch hauſgeratt unnd anndrem wie er das entpfangen, nach meldungk des Inventariums abtrettenn unnd volgenn laſſenn, Auch dieſe vorſchreibung uberantworttenn unnd ſoll dieſer wider­kauff krafftlos fein, wo auch Im oder fein erben Inn unnſern kriegſgeſchefften ſolch unſer Slos unnd Stadt Zulch abgewunnen oder erſtiegenn wurde, das er doch nach allem ſeinem vormogenn vorhutten und vorwharenn ſoll, Alſoann wollenn wir oder unnſer erben Ime Melchior vonn Lobbenn oder feinen erben Inn einem viertell Jar negſt darnach daſſelb unnſer Ampt auff unnſer oder unnſer erben koſtenn widerumb zu Iren handenn ſchaf­fenn, oder aber wo das In der Zeitt nicht geſchee, die dreytauſent gulden heuptſum wie obſtett, ſampt Red­lichen unnd beweiſlichenn ſchadenn, den ſie des gelts halbenn entpfangen hetten, guttlich one weigerung unnd vortzogerung vorgnugen unnd betzalenn, doch ſoll er unnd feine erbenn, unnſer und unſer erbenn friedt unnd unfriedt dulden, unnd ſo daſſelbig unnſer ampt Slos und Stadt, Inn unſer oder unnſer herſchafft kriegen unnd geſchefftemn mehr vorſehung unnd beſtellungk notturfftig, Soll auff unnſer unnd nicht fein unkoſtenn gehen. Die weill auch die Erbſchafft ann obbemelten ampt Slos unnd Stadt Zulch koniglicher wird zu Behemen ſampt der abloſungk Innhalts einer vorſchreibung, So wir von ſeiner koniglichen wirdt vorfharn unnd der Cron zu Behemenn habenn zuſtendigk iſt, darumb ob ſich begebe, das unns oder unnſern erben, ſolch ampt