285

verſchreibunge ßoll In demſelben Artigkell bey krafft und macht pleiben In maſſen der Inhelbet und lautet, Aber one das olle dieſelbe verſchreibunge todt und kraftloß fein, am abent Martini Epiſcopi Anno ꝛ. Im Newn und zwanzigſten. Relator Din. Thomas krull decanus Secretarius.

LXX. 1535. Dietrich von Flanß wird Amtmann zu Trebbin.

Wir Joachim Churfurſt ꝛc. Bekhennen das wir unſerm Amptman zw Trebin Rath und lieben getrewen Dieterichen Flanß und ſeinen Erben ſechs tauſent gulden Reiniſch, Als drey tauſent gulden an merkiſchen groſchen und dreytauſent gulden auch an merckiſchen groſchen Steter mung, uff einen Rechten wider­kauff wiſſentlicher Schuldt ſchuldig worden ſein, die wir von Ime an Barem geld In einer Summa empfangen und verner In unſer und unſer Erben nutz und frommen gewandt haben, und ſagen gnanten unſerm Rath ſolcher Sechstauſent gulden himit quid ledig und loß, und vor ſolche hauptſumma wie obberurt, haben wir Ime und ſeinen rechten Erben unſer Sloß und Stat Trebin zw ſampt dem Zolle, und vier Dorffer, Cleſtow, Newendorff, Schultendorff und Thure, mit allen und Iglichen Zinſen, Renthen, heiden, Welden, Jagten, Bruchen und andern Iren ein und zugehorungen und gerechtickaiten, wie die In Iren vier grenitzen gelegen, auff einen rechten widerkauff In Amptsweiſe Ingethan, vorſchrieben und zw unſerm Ampt­man uffgenohmen, Außgeſchloſſen Biergelt gerichtsvelle und alle lehen ware, die ſollen uns vol— gen, und wir behalten uns fhur die kauffmans guter, Ochſſen und Schwein, ſo den Zol vorfurn ader vortrye­ben, aber was von korn Flachs und anderm vorfharen wirth, fol dem Amptman zuſtehen und wir nhemen Ine auff zw unſerm Amptman und thun Im und ſeinen Erben ein genant unſer Ampt Sloß und Stad Trebin mit dem Zoll daſelbſt, mit den vier Dorffern uff ein rechten widerkauff Im Amptsweiſe, doch außgeſchloſſen Bier­geldt, gerichtsfelle und die Lehenwhare, fur ſolche Sechstauſent gulden an muntz hauptſumm wie obſtehet, In Crafft und macht dits brives, Alſo das er und ſein Erben ſolch unſer Ampt, Sloß und Stad, Zoll und vier Dorffer, mit allen Iren zugehorungen auſſerhalb des Biergelds, gerichtsbelle und lehenwarhe In Amptmans weiſe auff einen Rechten widerkauff Innehaben, beſitzen und gebrauchen ſollen, vor uns unſer Erben und nach­khomen und ſunſten meniglich ungehindert, Dagegen ſol er und ſeine Erben unſer Sloß Temmen, Brugken und anders, ſovil Im deßhalben gepurt, nach gelegenheit mit noturfft zu bewarung des und derſelben vorſorgen, uns als unſerm Amptman gewertig ſein, unſern und unſer herſchafft nutz, fromen und beſtes nach ſeiner hochſten vorſtendnus und vormugen getreulichen handeln und vornhemen, und vier pferde geruſt halten und ſich gebrauchen laſſen, als andere unſere Amptleuthe, Er und ſein Erben ſollen auch unſer underthan und vorwanthen Schutzen, handhaben, vortaidingen, fie wider alt herkhomen mit ſchatzung und unpillikait nicht beſchwern noch bedrangen, auch das nimands anderſt zu thun geſtaten, Inen und denſelben zu nutz, und von denſelben kein geſchenck ader gab nhemen, das der herſchafft ader den Iren zu ſchaden gereichen mochte, Sunder was auß ſolchem zw Nutz gefallen mag, das ſol er uns und unſer herſchaft zuwenden, Er ſoll auch ein vleiſig und getrewlich uffſehen uff die Straſſen haben, Auch ſo es die notturfft erfordert ſtraffen laſſen, und wo zugriff In unſerm Ampt bei Ime ader darumb lang geſcheen, und er das erfure oder angeſucht wurde, Alsdan getreulich nachEilen und vleiß nicht Sparn, Rauberej und ſchaden nach feinem hochſten vormugen zw werhen und alſo hiran erzaigen, damit Plackerei vorhut, der kauffman und furman und ander fo hin und herwider unſer Land und Straſſen ſuchen und pawen, nicht beſchedigt werden, uff dieſelbige vier Raiſig pferd und knechte wir Im unſer hoffklei­dung geben, und ob die pferde in ſolchen Straſſen nacheilen und bereitten der Straſſen, ader ſunſten dieweil er unſer diner if, vorterben, und Er ader feine knecht ein ader mher niderlegen, gefangen, ader ſchadenn empfan­gen werden, auch die Zerung ſo er In unſern Dinſten, In dem auſſerhalb Ampts, wo ſie das nicht erreichen