Item die mutwilligen vheden unnd gewalttigen ubungen ſo offt durch den gemeinen Mann furges nohmen, das man ſich mit ernſte daran ertzeige, domit ſolcher mutwille verhuttet werde.
Item Es haben auch Prelaten Hern Man und Stett mit unnſerm gnedigſten Hern kurfurſten eintrechtigklich gewilligt und beſchloſſen, das keiner von obberurtten mißthetern, vorfeſten oder feinden In dem kurfurſtenthumb zu Brandemburg von niemants aller Stende ſoll gehawſet, gehegt, geetzt, getrenckt, noch In einicherley furſchube gethan werden. Wo es aber daruber geſchicht, und ymandts wes ſtands er ſey, erkundet und botretten, den oder die ſoll unnſer gnedigſter Herr gleich dem Heuptman oder Theter, wirdt alß gaſt zu ſtraffen Macht haben. Actum Span dow am Dornſtage nach Michaelis Im Sechs und zwentzigſten.
S. den Landtagsreceß von 1527 bei Mylius Corp. Const. VI. p. 17.
LXXVö. 1527. Landtagsſchluß wegen der Muͤnze.
Auf itzt gehalten herrnn unnd Landtage Iſt unntter anderm durch unnſern gnedigſtenn Hern den Churfurſtenn unnd Prelatenn Hernn Mann unnd Stett gerathſchlagt gehanndelt unnd beſchloſſen, der Brandennburgiſchenn groſchenn halb, der zwen und dreiſſig groſchen einen guldenn gelten, das die Muntzmeiſter hier Im Lande hinfur ſollen dieſelbenn groſchenn muntzenn, Inn yebe geſchlagene gewegene marck Im feynen korn auf funff loth unnd ein quentin unnd nichts In das remedium oder die fhar, bey peen des fewers habenn oder gebrauchenn, unnd ſollenn derſelben groſchenn Im ſchrott auff die marck gehenn unnd gewagenn werdenn 100 groſchenn unnd nicht mehr unnd die Muntzmeiſter ſollenn kurfurſtlichen gnaden ſchlegſchatz gebenn wie vor, nemlich vonn yder marck fein Silber vier groſchenn. Actum Coln an der Sprew Montags nach Franciſci Anno 27.
LXXVöI. 1527. Churfuͤrſtl. Revers wegen bewilligter Steuer.
Wir Joachim von gots gnaden ꝛc. Bekennen Als unns awff unſer gnedigis Begernn unnd erſuchen die Erwirdigenn in gott, Wolwirdigenn, wolgebornenn, Edlenn, Wirdigenn, Geſtrengenn, Erbarnn, vheſtenn unnd Erſamen unſere Rette, beſondere freundtt und liebenn Getreuenn prelatten, Graff en, Hern, Ritterſchaft unnd Stette unſers Churfurſtenthuns der Marck zw Brandenburgk und Lande zw Hulff, Erhaltunge und verſoldunge des Reutterdinſts mit zweyhundert geruſten pferden, So wir dem durchleuchtigiſtenn furſtenn unſerm lieben Hern Oheimen unnd frund Hern Verdinando konigen zw Unghern unnd Behemen ꝛc. zw widerſtand dem Turcken und andern feiner koniglichen wirde widerwertigen awff fein fruntlich anſuchen, mit Irem Ratt diſen Sommer gethann und gelaiſt, Bewilligett drey groſſchenn in zweien Iharen negſt nach einander folgende, itzlichs ihar zwelff pfennige von iglicher huffen, koſtenn und Gertnern zw gebenn zwgeſagett habenn, Des wir dann In denglichem gefallenn tragen, Das wir widerumb vor uns unſer Erbenn und nachkomen zw— geſaget und vorſprochen habenn und thun das gegenwertiglich in craft unnd macht dits Brieffis, das ſolche ſtewer der dreier groſſchenn zw dem Reutter dinſt geſcheen, Auch den Stetten nach Irem anteill aws keiner ſchuldigenn pflichtt Sonder aws gutwillickeitt uns zw ſondrem gefallenn von obbemelten Stenden unſer Landſchaft Geſcheenn, Inen Iren Erbenn und nachkommen keinen eingang noch pflicht geberenn noch einfhuren, Sonber in allewege etwan unſers lieben Hernn und anhern Marggraff Albrechts zu Brandennburg, Chur fur ſten und feiner lieben Sone Marggraff Johann ſen Churfurſten ſeliger unnd Loblicher gedechtnus