wegen gebehten/ Beklagten auffzulegen/ auch auff den andern Antheil zu kommen/ und daſelbſt Holtz zu faͤlen: Nachdeme man aber nicht weiß/ wie nahe oder weit der andern Antheile vom Ampte abgelegen/ fo wirdder Amptſchreiber ſchon ſehen/ was ſich ohne Beſchwerung der Unterthanen/ oder verſaumung anderer Ampts⸗Verrichtungen wil thun laſſen/ Auf allen Fall aber/ und do ſichs ges beteneꝛ maſſen nicht practiciren laſſen wolte/ wuͤꝛde nicht Unbillg ſeyn/ daß die andern von Bredow/ dem Henning Jochim und Jobſten deßhalb pro rata, entweder mit liefferung anderer Hoͤltzer/ oder ſonſt in andere Wege hin wieder gerecht wuͤrden; Wo von zu Ende dieſes Abſchiedes mit mehren.
Ob auch wol die Klaͤgere/ des Ampts⸗Gerechtigkeit nurt auf die Hoͤltzung/ So weit Sie im Laͤndlein Dellin begriffen/ bis an dem Lynumbſchen Damm reſtringiren wollen/ hat es doch das Erb⸗Regiſter gegeben/ daß ſich dieſelbe bis an dem Mlatowi
ſchen Damb erſtrecke Vͤdabey mans auch vor diß
mal bewenden laſſen muͤſſen/ Wie dann auch vermoͤge itztangezogenen Erb⸗Regiſters/ dem Heyde⸗Knecht des Hauſes Cremmen/ vom Ampte Jaͤhrlich nicht 12, ſondern nurt 5. Ahle gebuͤhren/ fo ihme jedesmal geliefert werden ſollen. Was dann ſchließlichen die geklagte Verwüſtung der Hollzerey betrifft/ Do berichtet worden/ ob wehren inner zwey Jahren über zoo. gruͤne Eichen/ ja gar newlich und noch in dieſem Jahre in 22, grüne Eich⸗Baͤume niedergehawen worden; Welches doch der Amptſchreiber nicht geſtanden/ So iſt es bey dieſem Punct auf Commiſſion gerichtet/ dazu die Klaͤgere gute Leute/ ſo das Werck im Augenſchein nehmen koͤnnen/ außbitten moͤgen/ vorbehaltlich des Amptſchreibers kegen Notturfft. Und weil der Amptſchreiber vorbringen laſſen/ daß auch die Schaͤfferey aus dem Zotzen erbawet/ und in haͤwlichen Würden erhalten werden muͤſte/ maſſen dann die itzige Schaͤfferey daraus erbawet waͤre worden/ und alſo reſpectu dieſes/ palſus poſſeſſionem alegiret: So ſollen die Commiſſari hierunter zugleich mit/ wie weit deßhalb das Ampt/ in poſleſſione fey oder nicht/ 1— 95 einziehen/ und zu fernerer Verordnung Bericht einicken.*
Drit