200

Inne allermaſſen dy vorgeſeſſenn oder verſtorbenn vorgetan haben getrewlich unnd an alles geverd, Unnd folicher verſorggnus verſchribung unnd verſchirmung umb das Egelt unnd widerlegung ſoll In notturfftiger unnd gebur licher form geſchen, volendet unnd zu unſerm konig Johannſen, oder unnſer erben hannden, unnſer liben tochter zu gut ubergeben werden, So das Eelich byligen auch bezalung des Egelts wy vor angezaigt geſchicke unnd vollzogen wirdt, Wer auch ſachen das dy gnant marggraven Joachims gemalh verſturb unnd nicht liebs erben, mit Irer liben verliſen, das gott gnedigclichen verhutt, fo ſoll es mit dem Eegelt der dreyſſig tuſent guldin zum widerfall wy Recht fallen unnd gehalden werden, Begibt es ſich aber das dy genant Frewlin Eliſabet unnſer konig Johannſen tochter nach dem willen gotts vor unnſerm liben Son Marggraven Joachim verſturb, das gott lanng verhut, alßdann ſollen und wollen wir nicht deſterweniger gemeltem Marg— graff Joachim vor unnſern lieben Son haldenn, unnd als der fruntlich Herr unnd vatter gegen ſeinen lieben erzaigen unnd beweiſen, ſein lib auch mit hulff unnd Rat nicht verlaſſen, desgleichen ſollenn unnd wollenn wit gnanter Marggraff Joachim Churfurſt, hinwider gnantem Herrn Johanſen konigen zu Denne— marcken vor unnſern liben Hern und vatter halden unnd unns gegen feinen lieben als der getrew ſone bewei fen unnd erzaigen. Solichs alles unnd iglichs Inn ſonnderhait Gereden unnd globen wir obgnanter koniz Johann unnd Marggraff Joachim Churfurſt fur unns baider unnſer erben unnd nachkomen konigen zu Denne— marcken ꝛc. unnd Marggraff zu Branndemburg ꝛc. ſtett feſt unnd unverbrochenlich on alle ab unnd hinderganngt Sunder geverde unnd argliſt getrewlichen zu halden Inn crafft unnd macht dig‘ brives unnd wir Cr iſtiern Erwelter konig zu Dennemarcken unnd Sweden Erbgenommen zu Norwegen Hertzogen zu Sleßwick auch Hertzog zu Holſtein Starmaren unnd Dittmeriſchen Graven zu Oldemburg und Delmanhorſt, Bekennen auch In diſem brive das ſolich Eeſtifftung von Radt unnd Hanndlung mit unnſerm wiſſen willen unnd volbort geſcheen iſt, Geben auch darzw unnſern willen unnd volbort, vor unn unnſer erben unnd nachkomen, Inn craft und macht dig: brives Czu urkundt unnd warer bekenntnus, find dile briff zwen gleichs lauts gemacht unnd iglichem teyll einer ubergeben mit unnſern anhangenden konigelichen kur furſtlichen unnd furſtlichen Ingeſigl verſigelt unnd geben zum kyll am Donnrſtag der heiligen Junckfrawch ſant Doroteen nach gotts geburt tuſent unnd Ime funff hunderſten Jar.

II. 1502. Der Churfuͤrſtin Eliſabeth Verzicht auf die väterliche Erbſchaft.

Vonn gotts gnadenn wir Eliſabet gebornne konigynn von Denne marcken Sweden unnd Norwegen 20. der durchleuchtigiſtenn hochgebornne furſten unnd furſtin Herrn Johannſen zu Denne, marcken ꝛc. unnſers liben Hern unnd vatters unnd frawen Criſtinen gebornne Hertzogin von Sachſſen Meyſſenn unnd dhoringen ꝛc. feiner gnaden gemahl unnſer libenn Frawenn mutter"Stiche tochter und des hochgebornnen furſten Herrn Joachims Marggraven zu Branndemburg Churfurſiel 2c. Eliche gemahell Bekennen ic Alß dy vorgnanten unnſer liben Herrn unnd vatter unns dem vorgnankef unnſerm lieben Herrn unnd gemahl verheyrat unnd zu der Heiligen Ee nach ordenunge unnd auſſetzung der hei ligen Criſtlichenn kirchenn gegebenn unnd zu heyrat gut dreyſſig tawſennt guldin Reiniſch verſprochenn unnd verſchribenn lawt der brive allennthalbenn daruber gemachet unnd außgeganngen, weliche dreyſſig tawſennt guld Reiniſch unnſer liber Herr unnd vatter, an gutem Reiniſchen gold dem genannten unnſerm lieben Herrn unnd gemalhl auff hewt datum vergnugt hat, daran dem gnannten unnſerm lieben Herrn unnd vatter unnd ſeint gnaden erbenn unnd nachkomen, verzigen geewſert unnd verzicht getan, verzeyhen unnd ewſern unns auch wi lich In craft dig brives mit willen gunſt unnd verhengknus unnd volbort des vorgnanten unnſers liben Herth und gemahlls aller unnd iglicher lanndt lewt herſchaft Slos ſtett mercke dorffer unnd Irer zugehorung unt