ſchyt vnde dunket vns vmvonliken weſen vnde van oldern ny ſo holden.

Item, dat vnſe here dy proueſt vns beſchwere med deme oppere, buten den vir tyden vnde opperdagen, indeme dat he vns nicht ſulcley alze vinkenogen vnde helre, vire vor eynem penning tu wiſſele wil beſtellen, dar men mede thu ſylemiſſe, kerkgange vnde hochtyden oppern muchte, alze dy vorige proueſte gedan hebben, vnde was older vor langen iaren geholden is vnde vor vns oppenbar geſeth hat; des gelik ok ſyne cappellane geſeth heb ben, dat it Cayns oppere ſy, vnde wy ſulk oppere opperde, den wolde he it tu hone vnde ſmaheit van deme altare to werpen. Med ſulker wyſe drenget he vns dartu wedder vnſe olde won­heyt, dat wy gud pagiment niunte oppern, dat den vnſern grote beſchwerunge is vnde dunket vns vnwonlich vnde is van older ſo nicht geholden.

Item, welke wedewe dy ſich vorandert der willen dy cap— pellane vortruwen, ſy ſegge denne vort irſte, dat ſy oren vor ſtoruen manne bynnen der wertſchapp vilgen vnde ſelemiſſen wil ſingen laten, dat ſy alſo vptyn vmme ores fromes vnde nichte vmme der ſilen ſalicheit wille, vnde is ok van older ny geweſt, ſunder wes geſchyn is, dat is van guden willen tugegan. Daran dunket vns ok, dat vns tu kort geſchyd.

Item, dat he vnſen borger Paul Volderike, dy ſich med vnwetenheit het verſumet, het geladin, eyn ſulket tu verbuten. Dun em dy vnfe ſulke bute, alſe he em vorſette, nicht geuen wolde noch enkunde, duen ſette he em honlike openbare bute tu holden: Alſo dat he det Sundages vor den vanen naket gan vnde ſich pitzen ſolde. Vnde nach vnſen gedunken was dy ſchult altzo nicht gewand, ofte he ſich verſumet ſcholde hebben, dat ſich dar openbare bute vor geborde, ſunder vil bilker duchte, dat he it ſuſt med ordeliker bute vnde penitencie gegen gode ſolde vor— buttet hebben, wan med openbaren geyſelen odder med gelde odder byre, dat van em genomen is, darmede he alze wy beſor— gen nicht vnſen hern gode ſunder vnſen hern dem proueſte vor— butet het, dat vnſe borgere tu hone vnde ſchmaheit is geſchin, vnde vns dunket gantz vndedelich weſen.

Item, So wy vme vorkomendes wille tukunftiges vnde