deme volle, wan men dy kranken med dem hilgen ſacramente berichtet, alze doch wonlich is, ſunder naher, wan dy kranken vorſteruen, denne ſeggen ſy it irſte uth, dat vns of vnwonlich dunket vnde van older nicht geholden is.
Item, dat dyſeluen virweken iargetyde, dy men holdet in den kerken vnredlich geſungen werden med dren leccien, haluen ſalme vnde haluen noten ok vake dar vnſegungen bliuen, wan men fo holden ſal, darvmme denne vnſe borgere nicht gut genuch hebben iargetyde tu beſcheden odder virweken duchte vns wol re— delich, ok lichte vor em weſen, dat eyn ſulket redeliker beſtellet worde.
Item, wann welke lude gnade hebben vnde beſcheyden in den kloſtern iargetyde vnd werden dar geholden, denne wil vnſe here dy proueſt ore frunde darthu drengen, dat ſy ſulk iargetyde tu der parren ok ſolen laten holden, dat vns vnredelich dunket nach deme it dar nicht is beſcheyden; ok is it von older nicht alſo geholden.
Item, dat vake(oft) in den kerken cappelnane brok is, Alze nemelich ouer iar, vnde datiar tu vnſer liuen frowen nicht vanne eyn ſunder tyden en keyn capellan is geweſt, daran denne vns du kort ſchyt vnde vnſen borgeren verſumeniſſe komet.
Item, dat vnſe here dy proueſt ſunder tyden cappellane upnemmet, dy med rekunge der hilgen ſacramente leſen vnde ſin gen vnuorſtendich ſin, vnde die kerken ouer beſtellen; darumme ſich denne dat volk der pare kerken entfromdet, dat vnſem godißhuſe vnde lichte em ſeluen tu ſchaden kommt. Duchte vns wol redelich, dat he dat anders muchte beſtellen.
Item, dat he eyne ordinarie der Altaria in ſyner kerken tu beleſen vnordelich geſettet het, alſo dat etlike altare vnbeleſen ſtan; etlike priſter hebben dry altare odder vire, vnde dy priſtere dy dorpparren hebben altaria belegen dy des hilgen dages tu oren dorpern fin vnde dy altarıa nicht beleſen, vnde ſo hat men denne alderwenigeſt miſſen wan men der thum meyſten ſolde hebben, dat vns ok vnwoeliken dunket.
Item, wan men tu Colen kindere dopet, ſo fordern dy capellane ok twe penninge mer wan men tu Berlin zeft, vnde wan it van older geholden is, dar den vnſen beſchwerungen an