probſt ok geuen Bernd Groten eynen loßebriff wen her den bidden let.

Vortmer dy ſaken tuſchen dem probſt vnde Auguſtinus Vol ker ſcholen ok an beyden dehlen fruntligh anſtan wenter des nehſten ſunauendes nach den overſten; denne willen dy Radher ren vyffe oder ſeſſe ut dem rade vnde dy probſt ſchal vyffe oder ſeſſe van der priſterſchapp darthu ſchicken, die ſcholen dy ſaken nach beyder parteyen tuſpraken vnde antworten horen vnde vor— ſuken oft ſy dy fruntliken mogen vorſcheyden: Daropp wart ge dedinget, dat Auguſtinus dem probſte ſcholde betalen eyn Jarge tyd tuſchen dyt vnde wynachten.

Item vmme des probſtes ſaken jegen Jurgen Jungen tu Colen jſſet gededinget: wil her Thomaß, koſter tu vnſer liuen frouwen, by ſyner warheyd jn eydes ſtad ſeggen, dat Jungen bruder beſcheyden het eyn Jargetyd, ſo ſchal man dat dem probſte geuen vnde vermugen.

Deſſe nachgeſchreuen ſchickunge vnde tuſpraken hebben wy Borgermeiſtere vnde Radmanne der ſtede Berlin vnde Colen weder vnſen hern deme proueſte van ſinem vnde ſyner cappelane wegen, daran vns dunket dat vns tu kort an geſchyt:

Am irſten. Wan welk gud menſche vmme godeswille ſpende odder ſilebat dun, vnde den cappellane dy van deme predikeſtule verkunden wil laten, des willen dy cappellane vmme godeswille vnde ſunder gift nicht dun, vnde vordern dar gabe ave, dat vns doch ganz vnredelich vnde vnwoeliken dunket, dat man ſolk gud werk vmme gelt fordern ſchole, dar man doch ſuſt dy vmme go— diswille vmme ſuſt vnde nycht to anholden ſolde, vnde ſulkes ock van older ny geweſt is. Bidden wy, vnſen hern den proueſt tu vnderwyſende, dorch ſine cappellane tu beſtellende, dat eyn ſulkes vorbat werde vermeden vnde avegedan.

Item, dat he etlike vnſe Borgere vnde borgeryene drengett, dat ſy oren vorſtorven frunden ſolen virweken oder jargetyde na holden laten, dy des doch ſuſt vnuorplichtet ſin, vnde dar men ok nicht eygentlich aue der faren moge, oft it dy vorſtoruen be— ſcheyden hebben; wan ſine cappellane bringen em vor, dat it

ſunder tyden beſcheyden werd, doch vorkundigen ſy des nicht vor