wil dy probſt dry odder vyr jar alſo holden vorſukende, oft dy wyſe wil ſich dun laten vnde gud weſen.

Item. Wen des probſtes capellan met den hoͤligen ſacra— menten gan tu eynem kranken menſchen, den ſcholen ſy nicht dartu drengen, dat he eyn Jaͤrgety'd odder druttigiſte dem probſt beſcheyde; ſunder fie mogen en wol met redeliker gudliker vnder— wyſunge anholden, dat he vmme ſpyner ſylen ſalikeyd wesgeue. Worde denne deme probſte eyn Jaregetyd oder druttigiſte be— ſcheyden, dat ſchal dy Capellan openbar utſeggen vor den luden dy jegenwordich ſyn. Denne ſo magh dy probſt dat Jaregetyd vnde druttigiſte manen, vnde ſchal dar vor ok in den kerken re— delike vilgen vnde miſſen met anderen gedechtniſſen godliken vnde erliken holden laten. Worde auer den probſte neyne Jargetyd noch druttigiſte beſcheyden, ſo ſchal hee des van nymande vor— deren.

Vmme dy altaria tu beſtellende in den kerken meynet dy probſt eyner tyd tuvorramende, deme wil hee den rad dartu hey­ſchen, dat ſy etlike ut dem rade dartu ſchicken, dat dy helppen eyne gude wiſe vynden, dat dy Altaria in den kerken godliken vnde erliken boleſen vnde vorſtan werden.

Vortmer vmme alle andern ſaken dy dy probſt jegen dem rade vnde dy Rad jegen den probſt het ſcholen gutligh vnde fruntligh anſtan wente des negeſten ſunauendes nach den auerſten ſchirſt komende denne ſcholen ſy tuſamene komen vnde ore tu— ſprake vnde antwerde jegen eynander laten fruntligh vorluden, vorſukende, oft ſy ſich gutliken darvmme mogen vordragen.

Item. Dy ſaken tuſchen den probſt vnde Bernd Groten ſchalen gutligh anſtan wente des negeſten ſunauendes nach den overſten. Denne wil dy vyffe odder ſeſſe ut dem rade. Vnde dy probſt ſchal vife oder ſeſſe van der priſterſchapp dartu ſchicken orer twyer tuſprake vnde antwerde tu forende, dy ſcholen vorſu­ken oft ſy dy ſaken muchten ſcheyden. Darop ſchal dy probſt Bernd Groten geuen eynen loſebriff wen her odder yemand van ſyner weghen darvmme biddet. Were oke Bernd Groten vmme ander ſaken van yemandes wegen jn den banne, darmede her ſich dagh vorſcheyden vnde berichtet hadde. Darover ſchal dy