— 195—
trewlich geweidet, geleitet vnd verſorget werden, wil man aber das Chriſtlich weſen reformiren, erhalten vnd ein beſtendig Regiment Ordnung, vnd Gottesdienſt anrichten, So muß mans mit der ju— gent anfahen, Wiewol dieſer Catechismus nicht allein der jugent, zu gut geſtelt iſt, Sondern die Alten, deren leider viel befunden werden, die von den Zehen geboten, Glauben, Vater unſer, vnd von brauch der heiligen Sakrament wenig oder gar nichts wiſſen, beduͤrffen ſein auch wol, Doch wie oben geſagt, muß man mit der jugent anfahen, die Alten, ſo in jrer meinung erwachſſen vnd verhertet, ſind ſchier kein nuͤtz, So folget die jugent den Eltern nach, die Alten aber liegen nur auff dem, das ſie von jugent auff gewonet ſind, vnd die jugent ſiehet viel mißbrauchs von den Al— ten, welchs denn die jungen gar bald von jnen lernen, Salomon ſpricht, Vnterweiſet man den knaben, ſo leſt er nicht dauon wenn er alt wird, Das iſt wie Horatius in Epiſtolis ſagt, Das faß be— helt ſeinem erſtem geſchmack, Alſo zeucht man die jugent am erſten zu der forcht Gottes, ſo wechſt ſie darinnen auff, gewenet mans zu ſcham, zucht vnd ehren, ſo hangts jr auch an, jr leben lang. Summa Chriſtus vnſer lieber Herr wil haben, das man die Ein: der zu jm bringe Mtth. 10. Luc. 18. Das iſt, man ſoll fie hal ten zu Gottes dienſt, vnd weiſſen auff das Reich Gottes, vnd fein Heiliges wort, wie auch S. Paul den Eltern ernſtlich befil— het, Das ſie jre kinder auffziehen in der Zucht vnd vermanung an den Herrn Eph. 6. Coloſſ. 3. Damit ſollen die Eltern fleißig ſorg haben jrer Kinder, Auff das fie in der forcht des Herrn erzogen werden, welches denn geſchicht, ſo man ſie den Catechismum leret, Nemlich die Zehen Gebot, das Vater unſer, die Artikel des Chriſtlichen Glaubens.
Darumb fo wollen wir hiemit gnediglich begeret auch trew— lich vnd fleißig ermanet haben, Die Pfarherrn, Prediger, Seel— ſorger, auch die Eltern vnd Hausveter, wollten umb Gotteswillen jres Ampts rechtſchaffen vnd trewlich warten, vnd ſich halten nach gebuͤr vnd erforderung deſſelben, nach Gottes befelch der jugent wol vorſtehen, mit heilſamer lere, vnterweiſung, gutem zuͤchtigen leben, vnd Chriſtlichem wandel, das ſie ein Exempel vnd furbild haben, dem fie muͤgen nachfolgen, Auch dieſen Catechismum von der Cantzel oder Predigſtul fur vnd fur, ſouiel fie zeit dazu haben