—"498
Wil derhalben gros vnd hoch von nöten ſein, Das nicht allein die Pfarherrn vnd Prediger, Sondern auch die Hausveter an jren Kindern vnd Hausgeſinde, oder Dienſtboten, das jre fleiſſig ausrichten, vnd embſiglich jres Ampts warten, vnd an jren beruff denken, mit predigen, vermanen, vnterweiſen, bitten vnd ſtraffen, damit es ia den Predigern, zuuoraus nicht mangel, Wollen aber die andern nicht folgen, Vnd die Zeit jrer Vater— lichen gnedigen heimſuchung ſo jnen von Gott zur beſſerung ver: liehen, verſeumen, Vnd in jren mutwillen verſtockt verharren, vnd vnchriſtlich leben, die wird Gott zu feiner zeit wol finden, vnd jrer mit gebuͤrlicher ſtraffe nicht vergeſſen noch verſchonen.
Aber aus Gottes befelch, find zuvoͤrderſt alle Obrigkeit Geiſtlich vnd Weltlich ſchuldig, allen menſchen, zuuoraus aber der jugent, Gottes gebot vnd Heilſams wort furtragen vnd vn— terrichten zu laſſen, Das fie den Herrn Iheſum Chriſtum vnſern Heiland lernen erkennen, furchten vnd jmerdar fur augen hal ten, Wir ſollen gantz trewe Diener Gottes ſein, vnd vnſer em— pfangen pfund vnd gabe nicht in die Erden graben, mit dem vngetrewen Knecht, den vns Chriſtus vnſer lieber Herr Mtth. am 25. zum Exempel furſtellet, Oder das Liecht unter den Schef— fel ſtecken vnd verbergen, Alle Obrigkeit Geiſtlich vnd weltlich ſind Amptshalber Gottes Stadhalter vnd Diener, werden ſie nicht recht haushalten, vnd jres befolhen Ampts trewlich warten, So werden ſie einmal vnverſehenlich von dem Hausvater, als unnuͤtze, faule, ungetrewe vnd ſchedliche Knechte aus dem Hauſe geſtoſſen, vnd in die euſſerſte finſternis geworfen werden.
Wer ſeines Ampts nicht getrewlich wartet, der wird gar ſchwer rechenſchafft mit folgender vntreglicher pein darumb thun vnd leiden muͤſſen, vnd wer die ſeinen nicht verſorget, der iſt erger denn ein Heid, Timoth. 6. Wer die Jugent auch verſaumt der wird Gottes vrtheil nicht entlauffen, Ja was die Oberkeit Geiſtlich vnd Weltlich liederlich, vnd zuweil auch mit willen verſeumet, das wird Gott am juͤngſten tage von jren henden fordern. Ein Biſſchoff Pfarrherr oder Prediger, ſoll fleiſſig in der Kirchen wa: chen, predigen vnd auffſehen, das er nichts verſeume an dem Schefflein, die jm befolhen ſein, vnd allen moͤglichen fleis ankeren, das die Schefflein mit der heilſamen lere des Goͤttlichen worts