216—
chen beſtaldt fein werden, einer den armen leutten in den beyden Hospitalen, zum heyligen geiſt vnd zue Sanct Georgen, gemein— lich alle Feiertag, auch etliche Tag in der Wochen, predigen, ſie zue yeder Zeit beſuchen, treſten, auch in iren Capellen, oder da ſie krank ligen zue erheiſchender Notturfft das heylige hochwirdige Sacrament reichen. Wan aber derſelbig Caplan die Kranken in gedachten beyden Hospitalen alſo vorſorgett, ſoll er auch in vnſer lieben frawen Kirchen den andern Caplan mit Predigen oder Sacramentreichen helffen. Eß mogen ſich auch alle vier Caplan vergleichen, das einer umb den andern mochte die beyde Hospi— tal, alſo wie obgemeltt, beſuchen vnd Fleiß zue haben, damit es den armen kranken Leutten an Predigt, Troſt vndt Sacrament reichung nicht mangeln mochte. Vnd ſollen ſich der Probſt ſampt den Caplenen vorgleichen vnd ordnung machen, wievil vnd wie offt die woche in beyden Kirchen ſoldte gepredigt werden, vnd daneben acht geben, das alzeit einer oder zween weren, welche die Krancken in der Stad Berlin beſuchen.
Es ſollen ſich aber der Probſt und Caplan im Predigen vnd Kirchen- Ceremonien, auch Sacramentreichung allenthalb, vnſers gnedigſten Herrn des Churfurſten zu Brandenburgk ze. außgangnen Kirchenordenungk halten, vnd dawider nichts neues oder wiederwertigs einfhuren, predigen oder gebrauchen.
Ferner ſollen die Geſenge in beyden Capellen zu St. Ni— clas vnd vnſer lieben frawen Kirchen von nun gantz vnd gar abgethan ſein, vnd die, ſo ſolche horas ſingen helffen vnd nicht hiezu inſtituirte Prieſter fein, vorurlaubt werden; doch alſo, das die Prieſter, ſo in gemelten Capellen bißhero horas beate virginis helffen fingen, vnd canonice damit belehnt fein, gleichwol fo ferne fie die jerlichen Zins oder Pachtt, die fie zuuor von den Capellen gehabt, weitter gewartten woltten, teglich ſollen in St. Niclas Kirchen kommen vnd horas canonicas de tempore zue gewonlichen zeitten ſingen helffen. Solchs ſollen auch die andere Priſter, welche ſunſt geiſtliche beneſicia in mhergedachten beyden Kirchen haben, thun, alſo das alle Priſter, ſo, wie obgemeltt, in diſen zweyn Kirchen beneſicia oder Kapelle gehaltten, beſtimpte horas Canonicas in Sanct Niclas Kirchen teglich ſingen ſollen; dabey ſoll ſtets der Caplan vnd Ober-Kuſter daſelbſt einer fein;