116 Ghronita der Marck Brandenburg/

bens geweſen iſt/ die feinde noch einmahl anzugreifen/ ehe denn fie ſich widerumb(ers cketen: So hat er doch für gut ange ehen/ zunor eine Poſt an Marggraff Hanſen zus ſchicken/ die vrſache von jhm/ warumb er ſolchen Krieg wider fon vnd feinen Bruder fuͤrgenommen/ zuerkundigen. Mitlerweil iſt Marggraff Dietzman mit einem gewalti­gem wolgerũſtem Kriegßvolck gen Doberlaw kommen/ da feine Poſt ſich wider zu jhm gefunden/ vnd was ſie für antwort von Marggraff Hanſen erlanget/ angezeiget. Nach dem der gantze helle hauffe ſolche antwort gehoͤret/ haben fie an jre Schwerter vñ Spieſ­fe gegrieffen/ vnd darauff lerman zuſchrejen angefangen. Aber Marggraff Dictzman/ vnd einer feiner Oberſten Heupleute/ Jacob von Schönberg genand/ enthielten ſich dißmahl/ ond wolten nicht fortrucken. Folgendes in der Nacht/ da es ſehr hell war/ zo­gen fie fort/ vnd ſchlugen ſhre Lager fuͤnff viertheil weges von den feinden/ vnd am drit­ten tage hernach verſchaffte Marggraff Dietzman/ daß ſie Speiſe nehmen/ vnd jhnen guͤtlich thun ſolten. Er lies auch alles Kriegßvolck zu ſich foͤrdern/ vnd vermahnete ſie/ das/ wo es nun zum ernſt kommen würde/ fie vnuerzagt/ ſtandhafftig vnd getroſt die feinde anzugreifen fein wolten. Auch fo viel feine Per ſon anlangete/ wolte er ſich nicht allein als ein Oberſter/ ſendern als ein ehrlicher Kriegßman/ bey jhnen finden laſſen/ vnd leib vnd leben bey jhnen ſetzen.

Vber dieſer rede ond vermahnung Marggraffen Dietzmans/ ward alles Nolck ſehr luſtig vnd hertzenhafftig. Darnach find ſie alſo in guter ordnung fortgezogen/ vnnd vier hundert Reuter vorhergeſchickt/ welche die feinde zum ſtreit auffordern/ verurſachen vnd anreltzen ſolten.

Als nun die gemelten vier hundert Reuter zu der feinde Lager genahet/ vnnd die feind dleſelben erſehen/ haben ſie nicht gemeinet/ daß mehr ſolten vorhanden ſein. Sind derhalben aus jrem Lager gefallen/ vnd haben ſich mit jnen htrumb geſchlagen. In dem fit aber alſo mit einander geſcharmuͤtzelt/ iſt Marggraff Hanſen Vberſiem durch eylen­de poſt ange eiget worden/ wie Marggraff Dietzman in eigener Perſon mit einem wol gerůſtem Zeuge nahe vorhanden ſey: der auch darob gar kleinmutig worden/ vnnd damit er ſein kriegß volck nicht in weitere vnd groͤſſere gefahr fuͤrete/ hat er mit den feinen wider­umb die flucht gegeben. Als nun Marggraff Dietzman feinen feinden biß an jhre lager ges folget/ hat Marggraff Hanſen Oberſter ein hertz gefaſſet/ vnd hat das Kriegßvolck aus dem Lager wider ins feld gefuͤhret/ iſt aber zum andernmal in fein Lager geiaget worden. Wie ſolches Jacob von Schönberg erfehen/ daß der feind zum andernmahl in die flucht getrieben/ hat er ſeinen Herrn Marggraff Dietzman angeſchrien/ vnd geſagt: Herr/ laſt vns nun vnſern vortheil nicht verſeumen/ denn es leſt ſich an/ als ſolle das gluͤck dißmahl vnſer ſein/ wir wollen das Lager ſtuͤrmen/ vnd verhoffe auch zu Gott daſſelbige zugewin­nen/ ſintemahl wir mehr Fuß volck haben denn der feind/ vnd jhnen auch mit dem reyſi­gen zeuge ſtarck gnug fein. Bald nach dieſer rede Jacobs ven Schoͤnberg/nimpt Marg­graff Dietzman eine anzall Fuß volcks vnd Reuter zu ſich/ ſetzt in der feinde Lager/ erleget die Tagwache/ vnd der feinde bey drey tauſend/ vnd nimpt vber ſieben tauſend gefangen. Die andern/ ſo gekund/ haben ſich mit der flucht gerettet.;

Da aber Marggraff Hanſen durch jween Reuter ward kund gethan/ wie ſein Kriegß volck geſchlagen/ daß feld verlohren vnd in die flucht getrieben/ iſt er ſehr bekuͤm­ment worden/ doch nicht abgelaſſen/ ſich zu rechen/ vnd feines ſchadens wider zuerholen. Samlet derhalben vom newen ein groſſes Volck zuſammen/ kompt wider in das Lauß­nitzer land/ lagert ſich vor der Stad Luckaw/ an der Stad thor hinan/ eine lange zeit. Als er fie aber nicht gewinnen kundte/ darumb das fie Marggraff Friederich ſtarck beſetzt vnd auch ſonſt der gelegenheit halben nicht zugewinnen war/ iſt er dauon abgezogen/ vnd hat fein lager vor die Stad Hayn/ welche Marggraff Diezman angehoͤrete/ geſthlagen/ der hoffnung/ daß ers durch ſtuͤrmen eroͤbern wolte/ welches er doch nicht hat thun koͤn­nen. Der halben leſſet er zu ſich fördern die ſterckſten vnd im kriege die ver ſuchteſten/ biß in die dreiſſig Mann denen verheiſſet er groſſes gut vnd gelt/ ſo ſie bey der nacht die Stad erſteigen/ die wache erlegen/ vnd jm die Thor öffnen wurde/ ſo wolte er denn mit etlichen knechten vor dem Thor halten/ vnd in die Stad fallen. Dig