Chronica der Marck Brandenburg/

gethanen Gebete/ aus feiner Capellen gar einig gieng/ recht vnter der Thuͤren/ da er ſich am wenigſten für ſolchen huͤtete/ Plötzlich mit einem Tolchen durchſtach/ vnd janmer­lich ermordete. Dieſe that ſ geſchehen/ als Werner von Vrſulen das Hohemeiſterampt ſechs Jahr/ vier Monat/ vnd zwolff tage verwaltet hatte. Darumb ein groſſer jrrthunib iſt in denen Chronicken/ die dieſem Hohemeiſter nur drey Jahr zuzehlen. Der von Bien: dorff aber/ der ſolchen ſchendlichen vnd verraͤhterlichen Mord an feinem Bberherrn be­gangen/ ward durch bellen der Hunde/ die vmb den endleibeten waren/ alßbald verrah­ten/ vnd alſo auff friſcher that begrieffen. Denſelben verurtheilete Bapſt Johannes/ dieſes nahmens der zwey vnd zwantzigſte/ zu ewiger gefengnis/ darinnen er mit Waſſer vnd Brot ſein leben verſchlieſſen ſolte/ welches jhm zwar ſchwerer, als der tod/ geweſen. Caſpar Schutz vnd Caſpar Hennenberger in jhren Preuſsiſchen Chronicken.

Im ſelben 1330, Jahr/ iſt geſtorben Graff Gunther von(indaw/ Graffen Vl­richs Sohn Marchia Autoris.

Vmb dieſe zeit hat man viel handelungen vorgenommen/ Marggraff Ludwigen von Brandenburg mit den Fuͤrſten in Pommern zuuertragen. Weil man aber in vielen puncten nicht hat können vbereinkommen, iſts alles vergeblich vnd vmbſonſt geweſen. Keyſer Ludwig hat ſich zwar ſelber im tauſend drey hundert vnd ein vnd dreiſſigſten Jar/ in einem Brieffe gegen die Pommerijche Faͤrſten erboten/ daß er jhnen die Lehen co. fir miren wolte/ daran ſich aber dennoch der Marggraff/ als der ſein Land vnnd Gebiet gerne erweitert hette/ nicht hat kehren wollen/ vnangeſehen/ daß der Keyſer ſein Vater were. Hat demnach ein groſſes Kriegßheer aus Beyern vnd Maͤrckern zuſammen ge­bracht/ vnd iſt damit in Pommern gezogen. Hertzog Barnim in Pommern hat ſich zur gegenwehr geſetzet/ den feinen auch auff geboten/ vnnd iſt damit dem Marggraffen bes gegnet/ im tauſend drey hundert vnd vier vnd dreiſsigſten Jahr. Da der Marggraff verſtendiget worden/ daß Hertzog Barnim auch geruͤſt daher kame/ hat er ſeine Abge­ſandten zu jhm geſchickt/ vnd jhm laſſen zuentbieten/ er ſolte einen ſonderlichen ohrt er­wehlen/ da wolte er(der Marggraff) zu jhm kommen/ vnd mit jhm ſelber perſonlich vom friede vnd andern wichtigen ſachen/ fo jhnen beyden angiengen/ handeln vnd vn­terredung halten. Waß iſt geſchehen· Da beyde Herrn zuſammen kommen/ haben ſie zwar per ſoͤnlich mit einander vnterredung gehalten/ aber in keinem wege vbereinkommen koͤnnen/ ſondern find im zorn von einander geſchieden. Darauff iſts zum ſtreit vnd zur offentlichen Feldſchlacht gerahten/ am Kremmiſchen Thamme/ da es am meiſten vber die Maͤrcker gangen/ deren in die vier hundert(wie etliche Pommeriſche Annales mel­den) aus dem Sattel gehoben/ vad zum theil gefangen genommen/ zum theil auch vmb­bracht worden find, Valentinus von Eickſtett/ Henninges/ ete.

Eben in dem tauſend drey hundert vnd vier vnd dreiſſigſten ajr/ am tage Sanct Luer des Euangeliſten/ fiel ein ſolcher groſſer vnnd ſchwerer Schnee/ daß er auch die Baͤwme zerris durch niderdrucken der Zweyge. Buntingius, Fabricius, Fulſtejnius lib. 10. cap. 1.

Im tauſend drey hundert fuͤnff vnd dreiſſigſtenen Jahr/ in ockaua purification is Mariz, das iſt/ am zehenden tage Februariſ/ hat Marggraff Ludwig/ Churfuͤrſt zu Brandenburg/ den Straußbergiſchen drey Wiſpel Rocken(tres coros ſiliginis, ſtehet im Originali) vnd vier vnd zwantzig Brandenbuͤrgiſche Schillinge(ſolidos) aus der Muͤhlen/ fo im gehege liegt/ jaͤrlichen einzumanen/ vnd dem Prieſter/ der von dem Al­tar Exulum opffern vnd Meß halten ſolte/ zuͤberantworten/ verkaufft vnd eingereumet/ geſchehen zu Spandow. Breuarium Autoris.

Im ſelben Jahr/ zu den zeiten Ludouici des erſten/ Biſchoffs zu Brandenburg/ haben die Bürger zum Berlin vnd zu Coͤln Herrn Nicolaum/ Probſt von Bernaw/ in ſhrer Pfarrkirchen erſchlagen. Nach dem nun Biſchoff ludwig ſolchen begangenen 13

nich­