| ­

150 Chronica der Marck Brandenburg

Als in dieſem Jahr der winter vergangen/ vnd die Sonne war im zeichen des Widers/ endſtund ein Comet in eines Schwerds geſtalt/ deme vor dreyen Jahren nicht vngleich/ nur das feine ſtell vnd lauff anders waren. Denn er ſieng an am ende der Wa­ge/ dazu derſelbigen zelt ſtund Spica Virginis, vnd gieng alle vier vnd zwantzig ſtunden fort fuͤnff Grad/ biß er kam inf zeichen des Steinbocks, da verſchwand er. Palmerius/ Nicephorus Gregoras/ Crentzheimius/ ete.

Darauff folgete im tauſend drey hundert vnd ein vnd viertzigſten Jahr/ ein graw­ſamer kalter Winter. Pomarius.; ĩ Im tauſend drey hundert zwey vnd viertzigſten Jahr(in welchem S. Juo/ ein Juriſt/ vom Bapſt Benedicto XII. vnter der heiligen zall geſezt) iſt S. Marienkirch in der Stad Straußberg/ welche ſtziger zeit allem zum Gottesdienſt erhalten wird/ re­nouiret vnd gewelbet worden. Marchia C Breuſarium Autoris.

In dieſem tauſend drey hundert vnd zwey vnd viertzigſten Jar/ auff den zehenden tag Februarij/ hat jjm Marggraff Ludwig der elter/ Chur fürſt zu Brandenburg/ ehelich laſſen beylegen Frawlein Margaretam/ mit dem zunahmen Maunltaſch/ wegen jhres ſcheußlichen groſſen Mauls/ Hertzog Heinrichs in Kerndten vnd Steyermarck/ Graffen zu Tyroll/ etc, Tochter. Die ſelbe war zwar zuuor ehelich verſprochen vnd zugeſaget dem Marggraffen im Mehrlande/ Konig Johannis in Behemen Sohn: Aber fit hat hn hernach nicht wollen haben/ ſondern hat Marggraff/ Ludwigen lieber genommen/ vnnd jhm zugebracht alles jhres Vaters Güter vnd Landſchafften. Marchia Autoris,.

Krantzius in Sax. lib. 9. cap. 16. ſchreibet hieuon alſo. Es farb(ſpricht er) vmb dieſe zeit Marggraff(udwigen fein erſtes Gemahel/ welche des Koͤniges von Den­nemarck Tochter war. Darumb gedachte er nach einem andern Gemahel ſich vmbzuſe­hen. Nun war vorhanden Margareta des Hertzogen aus Steyermarck einige Tochter/ ein ſehr ſchones Menſch, welche ſchon verehliget war worden Wenceßlao, Königs Jo­hannis von Behemen Sohne, dem ſie aber ſchuld gab/ daß er eheliche Pflicht nicht ley­ſten koͤndte, vnd mit heimlichen Brieffen bey dem Keyſer handelte/ er wolte fie ſhrem Herrn entführen laſſen vnd feinem Sohn Ludouico vereheligen: Sintemahl jhr auch die Kirche erleuben muſte/ daß fie ſich/ Darumb das fie gern eine Mutter fein wolte/ von jhm moͤchte ſcheiden. Alſo gefiel es dem Keyſer wol/ daß ſo ein edles vnnd reiches Fraͤwlein/ fo zur Mitgifft ein Hertzogthumb hette/ zu feinem Sohne luſt vnd geneig­ligkeit hette. Wie aber ſolcher ſachen der Sohn berichtet ward/ hatte er des keinen ge­fallen/ ſondern ſagte: Es ſtunde keinem Chriſtlichen Fuͤrſten zu einem andern fein Weib zuemfuͤhren. Als jhm aber der Vater das wider ſpiel hielt/ vnd die Juriſten auch erkand­ten/ daß es ein zimlich ding were/ gab er feinen willen auch dazu/ vnnd entfuͤhrete das Fraͤwlein, daß fie denn willig geſchehen lies/ ſintemahl ſie auff andere wege/ nach dem ſie auch auff der Kirchen erkendnis/ bey jhrem Herrn/ da er ſie nicht hette laſſen wol­len/ hette müſſen bleiben/ von jhm nicht were zuſcheiden geweſt. Aber zu einer ſolchen that zurechen/ ward auffgebracht gantz Behemen/ Vngern vnd Franckreich/ vnd ent­ſtund draus ein groſſer Krieg/ aus dergleichen vrſachen/ wie ſich fuͤr Troia hatte zuge­tragen/ vmb eines entfuͤreten Weibes willen. Es traffen beyde theil zuſammen/ vnd ges ſchahe eine groſſe Schlacht. Ludouicus aber that das ſeine/ vnd legte keine vnehre ein. Doch war dieſes des Krieges außgang/ daß Wenceßlaus dem Ludouico fein Gemaheſ bleiben lies/ wiewol der Bapſt/ als der dem Keyſerlichen Geſchlecht alzeit zuwider war/ jhren fuͤr witz mit vielen Brieffen ſtraffete. Alſo behielt(udouicus feine Greten. Hacte­nus Krantzius am gedachten ohrte. Lib. 8. VVandaliæ cap. 19, ſetzet er faſt gieiche wort/ wie der guͤnſtige Leſer ſelbſt auffſuchen vnd beſehen kan.

Eben in dem Jahr/ den ſechſten tag vor S. Laurentij/ haben die zu trewen Brie­gen ſhre Priuilegium, wegen der Holtzung von Marggraff(udwigen dem eltern/ Chur­fuͤrſten zu Brandenburg etc, bekommen. Marchia Autoris.

Im tauſend drey hundert drey vnd viertzigſten Jahr/ den neunden tag des Mey­

monats/