152 Khronica der Marck Brandenburg/
Nach dieſem iſt Straußberg(wie Juſtus ſchreibet) von den Hertzogen in Pommern eingenommen worden/ die ſie auch biß inß ander Jahr vnter ſich behalten has ben.
Im folgendem tauſend drey hundert ſieben vnnd viertzigſten Jahr/ zog Marggraff(Ludwig von Brandenburg/ Churfuͤrſt gen Luͤbeck/ da er ſuchten jhn die Graffen zu Holſtein/ Johannes vnd Henricus/ vnd zeigten jhm an die langwirige vnruhe vnd vnfrieden im Königreich Dennemarck/ daß es hoch nutz vnd noht were/ daß jhm einmahl zur ruhe vnd friede geholffen wuͤrde. Denn von der zeit an/ daß Graffen Gerhards des Groſſen Soͤhne jhres Vaters tod herlich gerochen hetten/ weren alle hendel des Könige reichs/ vber groſſer mühe vnd arbeit/ vberaus jrrig vnd verwuͤſtet worden. Der Marggraff hoͤrete ſolches von den Graffen guͤtig an/ vnd brachte die fachen dahin/ daß Hertzog Woldemar zu Schleßwick/ neben gedachten Graffen/ ſich bemuͤhen/ vnnd vleis thun ſolte/ damit dieſelbe ſache auff friedliche vorſchlege möchte vorgenommen/ vnd ins Werck geſetzt werden. Darauff erboten ſich die Graffen jhres vleiſſes, vnd ſetzten Konig Woldemarn wider Inf Königreich/ vnd gab jhm der Hertzog zu Schleßwick ſeine Tochter zu der Ehe/ damit alles vnwillens vergeſſen würde/ vnd alle vneinigkeit auffgehalten. Krantzius lib. 9. Saxoniæ cap. 16.& lib. 8. VVand. cap. 20.
In dem Jar iſt die hefftige vnd groſſe Peſtilentz entſtanden/ welche biß ins fünffs te Jahr gewaͤret/ vnd den vierden theil der Menſchen(wie mans dafür gehalten) hinweg genommen hat. Spangenbergius ſchreibet/ daß er in einem Barfuͤſſer Cloſter eine alte verzeichnis gefunden/ darin geſchrieben geweſen/ daß in dreyen Jahren allein an der Peſtilenz hundert vnd vier vnd zwanzig tauſend/ vier hundert vnd vier vnd dreiſſig Barfůſſer Moͤnche ſollen geſtorben fein. Daraus kan nun ein jeglicher leichtlich die rechnung machen/ wie viel Leyen vnd gemeine Perſonen dazumahl werden vmbgekommen Fein. Weil aber die Juden beſchuldiget wurden/ als ſolten fie die Brunnen vergifftet/ vnd ſolch ſterben damit angerichtet haben/ wurden fie allenthaiben verfolget/ verbrand/ vnd heuffig vmbgebracht. Pomarius vnd Spangenbergius.
Well auch vmb dieſe zeit die Geißler in Deutſchland vmbher gezogen/ die vnter einem ſchein greſſer andacht vnd buſſe/ ſich ſelbſt biß auffs Blut gegeiſſelt, vnd groſſen zulauff vnd beyfall bekommen/ hat man von ſolchen jtzterzelten geſchichten folgende verßlein gemacht/ die alſo lauten:
Peſtis regnauit, plebis quoque millia ſtrauit: In ſolitus populus flagellat fe ſeminudus: Contremuit tellus, populuſque crematur Hebræus.
Das iſt zu Deutſch: Die Peſtilentz regierte gſchwind/ lam hin viel tauſend Menſchen Kind. Die Geißler ſah man nackend gehn/ Sich ſelber peitzſchen mocht man ſehn. Die Erde gantz erbebt zu hand/ Der Juden wurden viel verbrand. Vmb dieſe zeit hat man vber der Stad Prentzlaw/ in der Mitternacht des Feſts S. Thom Apoſtoli ein Creutz am Himmel geſehen/ vierzig Schuh lang, Himmelblawer farben. Dadurch iſt ohn zweiffel dem Marggraffen Ludouico ſein vngluͤck vnnd langwiriger Krieg mit dem vermeinten Marggraffen Woldemaro angedeutet wor
den. Von dem vermeinten Marggraffen Woldemaro/ vnnd deſſen langwirigem vnd groſſem Krieg wider Marggraff Ludwigen/ Keyſers Ludouici des fuͤnfften Sohn.