154 Chronica der Marck Brandenburg/
ward jhr Hauptman/ Friederich von Locken/ von denen zu Luͤbeck berichtet/ wie das ein gros gewerbe in Schonland were zur zeit des Heringfanges. Darumb ſchiffte er mit ſtarckem Kriegßvolck hinein/ vberfiel die Kauffleute/ ſo zu keiner Wehr geſchickt waren/ vnd nam fit alle gefangen/ wie er fie zuſammen antraff/ Schweder/ Holſteiner vnd Dennemaͤrcker/ ſchickte fie für ſich hin auff Luͤbeck zu/ daß man ſie in verwahrung brechte/ vnd folgete er mit feinem Kriegßvolck nach. Nach dem vergolten jhm die von Lubeck feinen gehabten vleis vnd trew ſtadlich vnd trewlich/ vnd lieſſen jhm widerumb von ſich zu dem feinen. Als aber darnach das Spiels noch kein ende werden wolte/ ſchickte der Keyſer vor feine Perſon Graff Gunthern von Schwartzburg/ vnd Marggraff Ludewig einen Edelman/ Henningum von Buch gen Luͤbeck/ mit befehl/ daß fie erſtlich den ſachen nachdenken ſolten/ wie man ſie auff billige vnd friedliche wege vnd conditionen richten vnd vertragen mochte: Wo aber ſolches nicht fein kundte/ fo ſolten fie die Bürger mit gewalt ſchuͤtzen. Krantzius.
Im tauſend drey hundert vnd neun vnd viertzigſten Jahr nach Chriſti geburt/ ward Carolus IIII. fo zunor Wenceslaus genennet war/ Johannis des Koniges in Bes hemen Sohn/ zum Keyſer erwehlet, kurt vor dem tod des Keyſers Ludouici. Dagegen erwehlte der Pfaltzgraffe am Nein/ Marggraff Ludewig zu Brandenburg, vnd Hertzog Erich in vnter Sachſen/ Graff Guͤnthern von Schwartzburg/ welcher nicht lange hernach/ zu Franckfurt am Maͤyn/ durch gifft getodtet worden. Dieweil aber Wenceslaus (oder Earolas IM.) welcher in Sachſen/ noch in Behemen für des Marggraffen Ludouici gewalt ſicher ziehen kundte/ ſchickte er feine freunde an jhn/ vnd begerete ſich mit jhm zubeſprechen. Alſo ward ein ohrt dazu beſtimmet zu Eyſenach in Duͤringen/ da ſie beyde allein in einem gemach in der Dominicaner Mönche Cloſter/ mit einander redeten vnd handelten/ in die ſechs ſtunden/ vnd niemand wiſſen kundte/ was fie fuͤrhetten. Aber der außgang weiſete es aus. Denn Marggraff Ludewig erkennete Carolum für den Keyſer/ vnd nam von jhm zu Lehen das Hertzogthumb Baͤyern vnd Kerndten/ ſampt der
Marggraffſchafft Brandenburg. Carolus aber vergab jhm die gewalt vnnd den hohn/ daß jhm(udouicus fein Gemahel Margaretam entfuͤhret hatte(wie zuuor gedacht) vnd lies fie jhm behalten.
Im ſelben Jahr hat Marggraff Ludewig der Elter/ mit feinem Bruder Stephano Fibulato/ Hertzoge in Baͤhern/ die Stad Franckfurt befreyet/ daß fie durch die gantze Marck Brandenburg Zollfrey ſein ſolte. Juſtus.
WMarggraff Ludewig der Römer/ Churfuͤrſt zu
Brandenburg⸗ ĩ A nun Marggraff Lud
wig der Elter/ Keyſer Ludwigs Sohn/ des kriegens vnd vnluſts müde worden/ hat er feinem Stieff bruder ) Ludouico Romano/ oder dem Roͤmer/ die Chur vbergeben/ vnd iſt in die öraff ſchafft Tyrol gezogen. Zu mercken.
Auentinus vnd Juſtus melden Ludewig der Elter habe ſeinem Stieffbruder Ludouico Romano nur das land vbergeben/ vnd habe jhm den Titel des Ertzcammerers des Roͤmiſchen Reichs vnd die Chur/ vorbehalten. Aber das ſolches in der warheit keinen grund habe bezengen alle Diplomata, vnd Pri
uile gia,