Das dritte Bud, 241

Den ſieben vnd zwantzigſten dieſes Monats/ gebote Hertzog Hans feinem Adel im Glogawiſchen auff/ vnd nam auff den Maͤrckiſchen Krieg Knechte an.

Deſſelbigen tages haben die Gruͤnberger mit denen von Croſſen/ ſo in jhr Land ge­fallen/ geſchlagen/ vnd haben die Croßniſchen das Feld verlohren/ alſo/ das jhrer ſechtzig erſchlagen/ vnd anderthalb hundert find gefangen worden.

Deß letzten dieſes Monats/ waren im Staͤdtlein Beuten bey Glogaw zuſamen/ Herr Johannes/ Biſchoff von Varadin/ vnd Hertzog Friderich zur Lignitzpflegeten guͤtliche handlung zwiſchen Hertzog Hanſen vnd dem Marggraffen/ richteten aber nichts aus Doch ward ein anſtand biß auff Galli gemacht. Vnter dem ward dẽ belager­ten im Schloß ein ſicherer ein vnd außgang geſtattet/ doch mit dem gedinge/ wo fern jnnerhalb beſtimpter zeit der fried nicht vollzogen wurde/ daß fie ſich in das Schloß wi, derumb einſtellen/ vnd der belagerung endſchafft erwarten ſolten. Alſo hoͤrete die bela­gerung nach zehen Wochen widerumb auff/ vnd der Marggraff zog wider abe.

Den ſieben vnd zwantzigſten tag Auguſti/ beſchloß Hertzog Hanß/ als jhn das vo­rige gluͤck muhtig gemacht/ bey ſich dem vertrage zu wider/ den Krieg fort zuſetzen/ gebote feinem Adel auff gen der Freyſtadt/ ließ jm auffs newe huldigen/ vnnd gieng mit jhrer vielen fo jhm wegen deß Marggraffen verdächtig waren/ vbel vmb/ etlithe aber ließ er zu gnaden kommen.

AM tage Johannis enthaͤuptung/ nam er Zullich ein/ vnd kurtz hernach Schwi­bus/ Stadt vnd Schloß.

Den acht vnd zwantzigſten tag deß Herbſtmonats/ ehe noch der anſtand verſſoſ­ſen/ gebot er den ſeinigen zum anzuge auff/ gen der Neipſtadt. Glogaw ſchickte jhm zu viertzig Reuter/ vnd hundert Fußknechte. Brachte alſo eine groſſe anzahl Soͤldener zu ſammen/ zog an der Oder hinab/ belagerte vnd gewahn das Schloß Beutnitz/ ſo die Bö­hemen beſetzt hatten/ rückte darauff vor Croſſen/ verderbete die Vorſtadte/ vnd zog fort.

Den fuͤnfften Weynmonat/ welcher war der Sontag nach Michaelis/ kam er mit ſeinem Kriegßhauffen vor Franckfurt an der Oder/ welche Stadt Marggraff Johan­nes/ deß Chur furſten Sohn/ zuuor befaßt hatte/ vnd noch ſelber dar innen lag. Da ſiehl der Marggraff heraus/ vnd that mit Hertzog Hanſen an der Brücken ein vngluͤckhaff­tiges treffen. Denn die Marggraͤffiſchen wurden wider in die Stadt gejaget/ vnd jhrer bey vierdehalb hundert gefangen/ welche zur Sprottam ins Gefengnuͤß geworffen wor­den. Es verbrandte auch damals Hertzog Hans die Vorſtaͤdte vor Franckfurd/ auch die Holtzhauffen/ ſampt der langen Brücken vber der Vder/ trieb der Fran kſurtiſchen Vihe hinweg/ vnnd brandſchatzte hin vnd wider Flecken vnd Dorffer. Die Stadt Franckfurd gelobte für die gefangenen/ vnd ſagte zu/ ſie mit vierzehen tauſend Ducaten von Hertzog Hanſen zuloͤſen/ oder fie auff Martini zu Sprottaw widerumb einzu­

ellen.

f Im Weinmonat ward der gefangene Bifchoff von Hauelberg/ von der Sprot­taw nach Freyſtadt geſchickt/ vnd allda gefenglich gehalten.

Es beſchaͤdigte aber auch Hertzog Hans im heimzuge Neppen vnnd Droſſen im Ster nebergiſchen Lande/ da fie denn(wie man ſaget) mit heiſſem brey von der Stad­mawer getrieben. Am tage S. Martini Epiſcopi ſtelleten ſich die ſelbigen/ ſo vor Franck­furd von Hertzog Hanſen Kriegßvolck waren gefangen genommen/ dem vertrage nach zu Sprottam ein/ welche hin vnd wider in Gefengnuͤſſen geleget wurden. Etliche aber loͤſeten ſich ſelbſt/ vnd für die andern erlegte die Stadt Franckfurd/ im Mertzmonat fol­gendes jares/ acht tauſend Ducaten/ vnd machten fie alſo ledig vnd frey. Cur. Iuſt.& c.

In dieſem j4 77. Jahr/ am tage Simonis vnd Inda/ ward Herr Er neſtus/ Her­tzog zu Sachſen/ mit groſſer pomp zu Magdeburg eingefuͤhret/ vnnd zum Ertzbiſchoff angenommen/ in gegenwart feines Vaters Erneſti/ Chur fuͤrſten zu Sachſen/ Wilhelmi Hertzogen zu Sachſen/ Marggraffen Johannis zu Brandenburg/ Biſchoffs Arnoldi zu Brand. etc. VVern. Pom. alte Sachſ. Chron.|

ij Folget

——— 22—

, r

8