Chronica der Marck Brandenburg/ Grindlicher vertrag zwiſchen den Marggraſſen zu

Brandenburg/ vnd den Hertzogen in Pommern.

Mach dem zwiſchen den Marggraffen von Brandenburg vnnd CEM den Hertz egen in Ponnnern ein langer vnwille geweſen/ vnd ſich die Parten aller­ding nicht haben konnen vergleichen/ iſt letzlich in dieſem jahr/ auff dem Neichßtage zu Speyer/ denn Konig Ferd’nandus/ im Namen vnnd an ſtatt feines Herrn Bruders/ Käyſers Caroli def fuͤnfften/ gehalten, der abſcheid gemacht vnd gegeben worden/ daß fie an einem gelegenen ort in der Marck ſolten zuſammen kommen, vnnd miteinander ei­nen endlichen vnd gründlichen vertrag machen vnd aufrichten. Sind demnach beyde Hard auff den vier nd zwantzigſten tag Auguſti/ zu Grimnitz(Welches ein Schloß oder igthaus iſt/ dem Churfürſten zu Brandenburg zugehörig) zuſammen kommen/ m Hertzog Erichen von Branaſchweig/ vnd Hertzog Albrechten von Mechelburg. man aber nun lange wort gewechſelt/ hat man endlich dieſe vereinigung gemacht/ wie ſolget. J. Solte der Marggraff/ vnd feine Nachkommen/ in keinem wege den Her­zogen in Pommern hinderlich ſeyn/ ſo fie wurden die Lehen von Kaͤyſ. Maieſtaͤt bege­ren/ vnd mit im Reichß Raht jhre gewoͤnliche ſeſsion halten. 2. Solte der Marggraff zugleich nit an der Fahnen greiſfen/ wenn Roͤmiſche Kaͤyſ. Maieſt at den Hertzogen von Pommern die Lehen würde verleihen/ zum zeichen vnd warer verſicherung/ das er auch die geſanbte Hand an das Hertzog thumb Pommern hahe/ vnd haben ſolle. 3. Solten allzeit deß Margg. Raͤhte vnd egaten/ mit/ neben vnd dabey ſeyn/ wenn die Vntertha­nen in Pommern jhren Landes für ten würden die huldung thun, auff das jhnen die Stande des Pominerlandes/ im Jamen deß Marggraffen zugleich mit angelobten/ daß fie den Marggraffen/ nach abgang deß maͤnnlichen Stammes der Hertzogen in Pom­mern/ fur hren Herrn wolten annenien/ erkennen vnd halten. 4. Solte Hertzog Ge­org in Pommern/ fuͤr die Mitgabe Frawen Margarethen/ Frjderici 11. Churfuͤrſten vnd Maraggraffen zu Brandenburg/ etc, Tochter/ vnd Hertzoges Bugißlai Gemahls/ vnd für die bewegliche Güter g0000 Gulden geben/ vnnd Fraͤwlein Margaretham/ Herrn Joachim des erſten/ Churfuͤrſten zu Brandenburg/ et tochter/ zuſambt 20000. Gulden Brautſchatz/ zur Ehe nemen. Alſo vnd auff dieſe weiſe ſolte ewiger fried vnnd freundſchafft jwiſchen beyden Parten/ den Marggraffen zu Brandenburg/ vnnd den Hertzogen in Pommern/ gemacht vnd ſanciret ſeyn. Dleſer vertrag{ft den Ständen in Pommern/ auff den 24. tag deß Weinmonats/ nit allein vorgeleſen/ ſondern von denen auch approbiret vnd vnterſchrieben worden. Es hat jhn auch Kaͤhſer Carl hernach confir miret vnnd beſtetiget: Chytræus, Leutin­

gerus,& c. D* jahr wurden vier Co­meten geſehen/ die jhre Schwaͤntze an die vier ende der Welt theileten/ der eine gegen Morgen/ der ander gegen Mit­tag/ der dritte gegen Abend/ vnd der vier­de gegen Mitternacht. Winzenb. Auch war in dieſem jahr ein vn­fruchtbarer Sommer/ darauff eine fie benjaͤrige Thewrung folgete. Pomarius/ Leutingerus:

Von