342 Chronica der Marck Brandenburg/
Engel/ mein geliebter Großvater/ neben dem Stadtſchreiber/ Herr Merten Zimmers man. Der Schoppenſtuel ſtarb ohn einen gar aus. Wohnhafftige Bürger ſturben vber hundert. Gott der Allmechtige ſey jhnen alle gnaͤdig vnd barmhertzig/ vnd vers leyhe jhnen eine froͤliche Aufferſtehung am juͤngſten Tage/ Mnen. NMarchia& Breuiarium Autoris.
Man ſahe aber im anfang dieſer Peſtilent/ auff den ein vnd zwantzigſten tag Septembris/ in der Nacht vmb zwöͤlff vhr/ gegen Mitternachtwerts/ ein ſchrecklich C haſma/ welches ſich ließ anſehen/ als wenn eine groſſe Stadt gebrand hette. Pomarius.
Im tauſent fünff hundert vnd funffzigſten jahr nach Chriſti Geburt nam der Durchlaͤuchtige vnd Hochgeborne Fuͤrſt vnd Herr/ Herr Georg Friderich Marggraff von Brandenburg/ ete. Das Fuͤrſtenthumb Sagan in Schleſien ein, darzu auch die Biberſteiniſchen Herrſchafften/ fo hm vom Koͤnige Ferdinando in Boͤhemen vmb eine Summa geldes verſatzt waren/ vnd gab der Stadt Sagan die Pfarrkirche wider. Curæus.
Deß Sonnabends nach der Himmelfarth deß HErrn Chriſti/ welcher war der ſiebenzehende tag def Meymonats/ ſtarb Herr Johan Albrecht/ Ertzbiſthoff zu Magdeburg/ vnd Marggraff zu Brandenburg. Darauff iſt Marggraff Friderich von Bramdenburg/ Herrn Joachimi deß andern/ Churfuͤrſten/ ett Sohn/ wider zum Ertzbiſchoff zu Magdeburg/ vnd Biſchoff zu Halberſtadt angenommen worden.( Andere ſetzen das folgende jahr. Etliche auch das) 5 4 8.)
Am Donnerſtage nach S. Viti/ welcher damals geweſen der neunzehende tag Junij/ haben etliche vom Adel nicht fern von Trebin diß Geſicht am Himmel geſehen/ wie folget. Neben der Sonnen if erſtlich ein Berg auffgeſtiegen/ darauff ein Hirſch geſtanden/ darnach zwey Heer gegen einander/ alſo/ daß die Sonne dazwiſchen geweſen/ vnd haben geſcharmützelt/ vnd hat der kleine hauffen dem groſſen weichen/ vnnd den Ruͤcken bieten muͤſſen. Darnach find widerumb zwey groſſe Heer kommen/ die auch auffeinander getroffen/ daß es anzuſehen geweſen/ als were Blut vom Hummel herunter getreufft/ vnnd als weren jhrer viel/ wie in einer Schlacht/ vmbgefallen/ wie todte Leute. Folgendes im abzuge hat man geſehen wie der Troß auffgebrochen/ vnnd iſt darauf die Sonne mitten von einander in zwey getheilet worden/ als wurde fie von einander gerieſſen. Fincelius lib. 1.
Kurtz vor der Erndte war in der Marcken/ zum Berlin/ Bernaw/ Spandaw/ Straußberg/ Freyenwalde/ Newſtadt/ Eberßwalde/ Angermünde/ ete. olche Thewrung/ das man das vnreiffe Korn in Backofen ſengen, duͤrren vnd trucknen muſte/ vnnd nach? mals zur ſpeiſe gebrauchen. Caſpar Stolshagius in einem Tractetlein.
Es war auch gros Peſtilentziſch ſterben allenthalben/ vnd ſturben zum Berlin vber drey tauſent/ zů Köͤnighberg in die neunzehen hundert/ zur Newſtadt Eberßwalde fuͤnff hundert vnd fünf Perſonen. Wie viel zu Straußberg damals geſtorben/ ſtehet kurtz vorher. Marchia& Breuiarium Autoris.
Potſtamm iſt diß jahr gantz außgebrand. Ibidem.
Marggraff Albrecht von Brandenburg/ der erſte Hertzog in Preuſſen/ ete. nam in dieſem jahr zur Ehe Fraͤwlein Annam Mariam/ geborne Herzogin zu Braun’ ſchweig/ Hertzog Erichs des aͤltern Tochter. Juſtus:
Es ward aber auff die ſe Fuͤrſtliche Hochzeit gemeltes Herrn Margg. Tochter/ Fraͤwlein Anna Sophia/ Hertzog Johan Albrechten in Mechelburg verlobet. Breuiarſum Autoris.
Den vierzehenden tag deß Herbſtmonats(etliche ſetzen den j4. tag deß Chriſt monats) iſt geſtorben Herr Georgius von Blumenthal/ Biſchoff zu Lebus/ nach dem er biß ins ſieben vnd zwantzigſte Jahr regieret. Iuſtus, Chytræus.
Herr