356 Chronica der Marck Brandenburg/
weiter mit jhmm zu reden hette. Hat darauff geſagt: Fuͤrchte dich nicht/ denn ich wil dir kein leid thun/ ich habe dein lange gewartet/ biß du mir zu handen kommen biſt: vnd du biſt eben der/ dem ich anzeigen wil/ was ich thue/ vnd was ich der Welt verkuͤndigen ſol. Gott hat vnſer drey außgeſand in die Welt/ daß wir der Welt verkuͤndigen ſollen dieſe folgende dinge. J. Das die Wucherer von jhrem Wucher abſtehen/ vnnd das Getreyde nicht fo thewer verkaͤuffen. 2. Daß ſich die Leute enthalten von jrem grewlichen fluchen vnd ſchweren/ damit fie Gott im Himmel laͤſtern. z. Daß ſich die jugend ſonderlich deß fluchens enthalte. 4 Das auch die gewaltigen/ vnd Spinhuͤte dauon abſtehen. Auch hats geſagt/ es were eine ſolche groſſe Peſtilentz verhanden/ das der vierdte Menſch nicht wurde lebendig bleiben. Item/ es würde nach dieſer zeit ein voll vnd reich jahr kommen/ aber wenig wurden deſſelben gebrauchen. Weiter hats geſagt/ der Mann ſolte ſolches nachſagen/ vnd nicht verſchweigen/ hat jhm daneben gedrewet/ wenn ers verſchweigen wurde/ ſolte ihm wehe vnd bange werden/ vnnd wenn er ſchon vber hundert meilen von dannen were/ wolte es nicht ferne von jhm ſeyn. Wurde ers aber au fbreiten/ ſo wuͤrde jhm kein arges widerfahren. Auch hats geſagt/ es wolte jhm wol ein zeichen geben/ aber es dürffte nicht. Doch hats jym ſouiel geſagt/ das es ei Engel were. Fincelius.
Item in die ſem jahr iſt das kleine Jeruſalem/ oder das heilige Grab/ welches auff halbem wege/ zwiſchen der Stadt Koͤnigßberg in der Newen Marck vnnd zwiſchen dem Dorff Bernekaw geſtanden/ auff anſtifftung D. Petri Prætorij Pfarherrn vnd Su perintendenten zu Koͤnigh berg/ zerſtoret/ eingeriſſen aus dem Kirchhoff ein Garten/ vnd von den ſteinen die Particular Schule/ in der Stadt erweitert vnnd auffgebawet worden. Marchia& Breuiarſum Autoris.
Im tauſent fuͤnff hundert acht vnnd funffzigſten jahr/ des Donnerſtages nach S. Dorothen/ ſtarb zum Berlin der fuͤrtreffliche Juriſt, D. Johannes Weinleb/ C. F. G. zu Brandenburg Cantzler. An deſſen ſtatt kam D. Lampertus Diſtelmeye/ von Leipzig aus Meyſſen buͤrtig. Hildenſemus.
In dieſem jahr iſt auff n Reichßtage zu Franckfurt am Meyn Ertzhertzog Ferdinand in Oſterreich zum Käͤyſer erwehlet vnd gekroͤnet worden/ nach dem fein Bruder Kaͤyſer Carl der fünffte/ den Churfuͤrſten def Reichß Scepter vnd Kron widerumb zu jhren Handen ſtellen vnd vberantworten laſſen. Bey dieſer wahl iſt auch Marggraffe Joachim der ander/ Churfuͤrſt zu Brandenburg/ eie. geweſen/ vnnd hat vom new erwehlten vnd gekroͤhnten Nöͤmiſchen Kaͤyſer/ auff den ſechzehenden tag deß Mertzmonats die Lehen in eigner Perſon empfangen. VVinæzenbergius, Reineccius.
Als auch ferner daſelbſt gerahtſchlaget ward/ wie man die groſſe ſpaltung in der Religion auff heben mochte/ halff ſeine C. FJ. G. dieſelbe ſache mit allem fleiß befördern. VVinzenbh. Re mnec.
Den ſechſten Auguſti ward ein Comet geſehen/ vnd ſtund am Himmel/ biß auff S. Bartholomai tag. VVinzenb
Den ſechß vnd zwantzigſten tag deß Chriſtmonats/ hielt der Durchlaͤuchtige vnd Hochgeborne Fuͤrſt vnd Herr/ Herr Georg Friderich/ Marggraff zu Brandenburg ett. Hochzeit mit Framlein Eli ſabeth/ Marggraffen Johanſen zu Cuͤſtrin/ ete Tochter. luſtus, Crentzheir mius, Reine ccius,& c.
Zumercken.