di gantze welt hetten und nemen ſchaden an unſer Selen. Ewer Lieb laſſe ſich niemants von der wahrheitt des Evangelii abweiſen noch laitten, Ich beſorge, unnd wais, das di Leuthe die E. L. wol kennet, auch dick gegen mir geret haben?), das E. L. Ir weiſe ader fein weiſer“)(umb derers verſtands willen zu ſchreiben) nit gefalle, ſie abfuren mochten, andt wer durch gute wort ader durch hefftige trawe***). Wiewol ich E. L. des ehrlichen manlichen gemuts halte, das ſie ſich vor trawen nicht furchten, und darumb das Recht iſt unterlaſſen auch ſchmeichelwort und groſſe Verheiſſunge nit alwegen glauben. Auch gottes ehre und di warheit meher achten, dan was die wellt geben magk, Ydoch hab ich es nit unterlaſſen mugen E. L. antzuzeigen und zu war— nen, als dem ich von Herzen guts gonn. Es were mir auch ein groß hertzleid daß den ich ſo ſer gegen aller welt gerumbt, dahin trachten ſolte das er meher zeitlich ſachen ader ſchrecken und rache anſehe, unnd darumb die warheit verlaſſen ſolte, wie ich dan E. L. gantz nit zweivel ſich dahin nicht bewegen laſſen werde. E. L. durffen auch nit groſſe Furcht intreiben laſſen, dann got Lob, ſo E. L. bey dem Evangelio pleibt und das in Irem Lande handlen leſt, iſt der noch ſo vil die der ſachen anhangen das menſchlich davon zu redden ſich unbillichs gewalts wol ufftzuhal— ten iſt, die auch Ir Leib unnd gut bey E. L. ſetzen werden, wie— wol vielmeher Got in dieſſem fal antzuſehen iſt, dan alle menſch— liche Hilff, und beſſer were ſo Gots wille were, umb der war— heit willen zu leiden, dan umb der unwarheit willen zu hir— ſchen und ewiglich verdampt zu ſein, Mir iſt auch angetzeigt, wie das E. L. in ein verpflichtunge gedrungen ſei, dieſſem han— del mit antzuhangen und bey der Romiſchen Kirchen zu bleiben, wan ſich E. L. allein verpflicht dem lutteriſchem handel ader wie das genent mag werden nit antzuhangen, da iſt nit vil ane gelegenn, dan wir alle an den Perſonen und Namen nit hangen noch hafften, Das aber E. L. das Evangelion lauter und rhein nit predigen laſſen ſollte und den Iren nit vergonnen predigen zu laſſen, Wirdt ſich E. L. nit verpflicht haben, Sie konnen s auch
*) Herzog Georg, Erzbiſchof Albrecht, König Ferdinand u. ſ. w.
**) Ihr Unterweiſer.
***) Drohen.