— 168—

an E. L. nit begeren, Wo dan E. L. etwas chriſtlicher newerunge

in Irem Lande anfahen, oder anfahen laſſen würde, und ſie wi

der E. L. ſagen würden, E. L. hielte Ir verpflichtunge nicht, het E. L. zu ſagen, Ich hengke nichts am Lutter, ſondern laſſe das Evangelion predigen und handler das hab ich mich nit verpflicht,

dem nit zu glauben und nit zu volgen. So müßten fie E. L. wol deshalb unangefochten laſſen, Zudem das noch meher iſt, das

E. L. bey verlierunge Irer Sele das nit ſchultig zu halten iſt, da ſie gelobt, das widder Got were. Wie dan das wider got were, So E. L. ſich verpflicht bey der Romiſchen kirchen zu pleiben, da ſie das leret, das wider Got uffenbar iſt, wie E. L. wol erkent weis und mir geſagt hat, Iſt hierumb meine trewe ermanunge hochſte bith und flehen E. L. wolle ſich weder durch traw ſchrecken laſſen, Noch durch Liebkoſen abwenden laſſen ader durch liſt mit antziehen E. L. verpflichtunge abfuren laſſen, Noch vil weniger durch verheiſſunge ader wolluſt dieſſer welt dahin laſſen leiten, Das ſie von dem das E. L. hiebvor vor warheit gehallten ablaſſen, Und Iren Underthanen die warheitt des lau— tern reynen ungefelſchten Evangelii entziehen und verpieten laſſen. Indem wolle E. L. ſonderlich bedenckenn, wie hefftig Chriſtus ſagt, das alle Sunde vergeben werde ußgeſcheiden die Sunde in heiligen geiſt, wilchs dan warlich nichts anderſt iſt, dan der er— kanten warheit zu widerſprechen, Item das Chriſtus ſpricht, wehe— euch ſchrifftgelarten und Phariſeer Ir wollet nit hinein und die hinnein wollen, die laſt Ir nit hinnein. Item das Chriſtus ſpricht, wer mich bekennt fur den Mentſchen, den will Ich be— kennen fur meinem Vatter, wer mein verleucknet den wil Ich wieder verleucknen u. ſ. w. Dieſe Spruch alle wollen E. L. wol bedencken unnd erwegen, und als ein weyſer fromer Furſt in der warheit des Evangelii beſtehen unnd ſich nit abwenden laſſenn, Auch indem das gut ehrlich geſchrey, das ſie bey Iderman des; halben hat erwegen bedencken und nit verſchuͤdden, Das wirdet E. L. zum erſten an Irer Sele zu allem Nutzen kommen, dar— nach zu Irem Regement vil guts ſchaffen, Auch wirdet Gott der allmechtige E. L. Ir Leben friſten Ir Regement erhalten Sigk ehre und gluck geben, wie dann ſein Almechtigkeit allen frommen

Konigen Furſten und Potentaten Sigk und Gluck geben und