— 224—
Von den Hospitaln. Die Vorſteher beider Hospital zum heiligen Geiſt und zu ſanct Jorgen ſollen den Hospitaln ire ein khumen auch mit fleiſſe einpringen, vnd untter ine den Armen alſo austeiln, das ſunderlich die krenkſten, die nicht außgehen konnen, nicht noth leiden. Auch ſollen ſie in den Hospitaln bes uelhen, das, wo die kranken ſunderlich ſchwach, das nach der Caplan einem geſchickt, der ſie treſten vnd beichten mocht; ſollen auch ihrer Schulde wegen mhanen, vnd ſollen dem Rath jerli— chen Rechnung thun.
Nachdem dan itzo vil Betler, Man, Weib vnd Kinder alhie vff der Gaſſen vmbgehend geſehen werden, die eins teils ſtark vormugendt, eins teils auch vnbekanth, vnd von allen Ortten zulauffen, ſoll der Rath auff diſelben allen uff der gaſſen, vor den Kirchen vnd Schloſſe laſſen ſehenn, vnd den ſtarcken oder vermugenden das Petteln vorpleten, vnd zue arbeiten beuelhen. Wo ſie das vorachten, ſollen ſie die auß der Stad weiſen. Vnd mochte der Rath eins alle Petler an ein ort beſcheiden vnd die beſichtigen laſſen: welcher dann ſogar gebrechlich oder alt, das dem ein mercklich Zeichen eins gebrechs gegeben, welches er an dem hut oder Schleier tragen und weiſen ſollte; dabei dan die andern, ſo da betlen vnd das Zeichen nicht haben, leicht zu khennen vnd außzuweiſen ſein.
Auch ſollen die Vorſteher des Hospitals des heiligen Geiſts jerlich dreyßig gulden von Hanſen Blanckenfelde, ſo lang er die eintauſent Gulden, von welcher Zins ſieben armen Leuth jerlich in der Blanckenfelde Convent behaltten ſollen werden, nicht abs legt, empfahen, vnd dauon die ſiben armen Leuth in der Blan— ckenfelde ſtifft vntterhaltten, vnd fo weit ine moglich damitt rei chen; vnd wo ſie nicht genug datzu hettenn, indeß, bis die an— dern Zweintzig gullden aus dem gemeinen Kaſten wider abgeloſet, zue bußen, vnd ſehen das die Krancken nicht noth leyden. Wan aber die Vorſteher von dieſen dreyſſig gulden Rechnung thun, ſoll Hans Blanckenfeld oder die ſeines geſchlechts ſein, dabei ſitzen, die mit an horen. Wurde aber Hans Blanckenfeld die eintauſent gulden ablegen, ſoll der Rath ſampt den Caſtenherrn zue Berlin die wiederumb umb einen Zins austhun; damit der Zins ferner zur armen Notturfft mochte gekart werden. Actum Coln an der