Das Erſte Buch, 15 haben der Gotthen mehr denn zwantzig tauſend erſchlagen. Damit aber der Wenden vnnd Gotthen einfall in dieſen Landen deſto beſſer möchte geſtewret werden/ haben fie/ nach dem Exempel Druſi Germamci, zwo Grentzbeſatzungen vnd Marggraffthuͤme auffgerichtet. Die eine Grentzbeſatzung gegen die Sorben war auff Landßberg an der Salah: Welcher Marck Wapen waren zween blawe ſtrich abwerts im guͤlden felde des Schildes. Die ander Grentzbeſatzung war zu Landßberg in der Marck/ drey Meilen von Berlin: Vnnd derſelben Wapen war ein ſchwartzer Hahn/ mit guͤlden Beinen vnd Schnabel/ im roten felde.
Nach beſtallung ſolcher Marggraffthüͤme haben fie mittel vnnd wege geſucht/ wie dieſelbe mit Volck möchten belegt vnnd vertheidiget werden. Zu letzt haben fie ſich/ ſampt aller jhrer Ritterſchafft/ dieſer meinung vereiniget/ vnnd beſchloſſen/ daß man aus allen jhren Landen eine anzall Volcks auſſchieſſen vnd verſamlen ſolte/ die mit jhren Weibern/ Kindern vnd Viehe ſolten an die euſſerſte oͤrter des Landes zu Sach ſen ziehen/ ſolches bewohnen/ vnd jhrer feinde anlauff wehren vnnd vorhůͤten. Nach dem dieſer anſchlag alſo geendiget vnnd beſchloſſen/ hat König Richimer in Francken achtzehen tauſend Mann/ mit jhren Weibern vnnd Kindern/ an dieſelbe gegend geſchickt/ vnnd darüber feinen andern Sohn/ mit nahmen Sunno, zu einem Herrn vnd Hauptman geſetzt: Denen nachmals eine groſſe anzall Deutſchen/ Sachſen vnnd Duͤringen(wie denn zuuor von jhnen war abgeredet vnd verſprochen worden) zugezogen. Vnnd alſo find die Francken in dieſen Landen der Mittelmarck kommen/ vnnd haben darin ein zeitlang regieret. JZacharias Riuander in der Duͤringiſchen Chronicken/ Cyriacus Spangenbergius in der Querfurtiſchen/ Enzes lius in der Altmaͤrckiſchen/ Trittheimius,& c..||
Als aber Sunno im hundert vnd ſechſten Jahr(etliche haben das Jo. Jahr) mit feinem hauffen in der Marck ankommen/ hat er ſich alßbalt nut dem Wendiſchen Koͤnige Alarico, der feines Vaters Viſislai II. tod rechen wolte/ ſchlagen muͤſſen/ da denn auff beyden theilen nicht wenig geblieben. Spangenbergius, Funccius, Albinus in Progymnaſmatibus vnnd in Commentario nouo de Miſnia, Hieronymus Henninges in Genealogijs&c. en
Nach Sunnonis des erſten abſterben iſt das Land vnd regiment an feinen Sohn Clodomir kommen/ welcher denn ſolche Landſchafft vnd gegend nicht wenig erweitert.
Clodomiri Sohn iſt geweſen Sunno, diß nahmens der ander/ welcher dem Vater im Regiment gefolget. Dieſer als er zum Regiment kommen/ hat er auch das Land mit Stedten wollen ſchmüͤcken vnd zieren. Hat derhalben im hundert vnd ſechs vnnd viertzigſten Jahr nach Chriſti geburt/ zur gedecht nus feines Vaterlandes/ vnnd aus liebe feiner vor fahren der Francken/ eine Stad an der Oder gebamwet/ eben an dem or da die Francken in einer groſſen Schlacht hindurch geſatzt/ vnnd die Wenden geſchlagen hatten/ vnd hat dieſelbe Stad genennet Franckfurt/ Welches ſo viel iſt vnnd heiſſet/ als der Francken furt. So hat er auch an der Bſtſee gebawet die Stad Sunda/ vnd ſie von ſeinem Nahmen alſo genennet. Trittheimius, Iuſtus, Surius in theatre vrbium, Munſterus,& c-..;
Hat demnach die Stad Franckfurt biß auffs gegenwertige 595. Jahr geſtanden tauſend vier hundert vnd funffzig Jahr. 595.
1465. 1450.
Von der Deutſchen verbuͤndniſſen ond Heerzuͤgen wider die Romer. B i Im