. N

D,— 6 6

**

78 Khronica der Marck Brandenburg/

Aber Keyſer Heinrich that ernſten befehl/ daß jhn der Marggraff frey ledig vnd loß geben muſte/ vnd nam er jhn ein zeitlang am Keyſerlichen hoffe vnd ſatzte jhn dar­nach wider in ſein ampt/ die Graffſchafft Staden/ von wegen Marggraffen Hein­richs/ des jungen Marggraffen Vdens hinderlaſſenen Sohns/ zuuer walten. Solches werete nu nicht gar lange/ da nam Marggraff Rudolff feinen jungen vettern/ Marg­graff Heinrichen/ vnd wolte jhn mit gewalt in die regierung der Graffſchafft Sta­den ſetzen. Zog derhalben aus mit einem groſſen Heer. Da ſolches Herrn Friederichen verkundſchafft ward/ flohe er bey der nacht dauon/ vnd kam zu Hertzog Luthern von Sachſen/ gab deme eine ſtadliche verehrunge von Golde/ vnnd bat jhn/ daß er jhn wolte bey ſeiner verwaltung erhalten. Mitlerweile nam Marggraff Rudolff Staden ein/ vnd beherſchete dieſelbe Graffſchafft/ an ſtadt feines jungen Vettern/ feines ges e Krantz us in Metropol/ Spangebergius in der Quer furtiſchen Chroni­en/ ete.

Im tauſend ein hundert drey vnd zwantzigſten Jahr iſt geſtorben Marggraff „Tito zu Soltwedel/ dis nahmens der neunde/ Alberti Vrſi Vater/ vnnd liegt im Cloſter zu Ballenſted begraben. Henninges. Etliche ſetzen daß 7. Jahr.

Im folgenden Jahr(in welchem die Pommern endlich zum Chriſt lichen glau­ben/ dauon ſie zweymahl wider abgefallen waren/ durch Herrn Ottonem/ den Bi­ſchoff zu Bamberg/ bekehret worden) ward Albrecht der Beer/ mit dem zunahmen Magnus vnd Puſcher/ oder der Groſſe vnd ſchoͤne/ zum Marggraffen zu Soltwe­del/ nach feines Vaters Ottonis IX. abſterben/ vom Keyſer Heinrichen dem fuͤnff­ten inueſtiret. Henninges vnd Juſtus.

5

—

A* tage Marie reinigung war eine Finſternis des SVondes. Am 11 tage des Auguſtmonats aber war auch eine an der Sonnen. Vrſpergen­ſis/ Mercator.

Vmb dieſe zeit(ſchreibt Juſtus) ſol die newe Marck von den Pommeriſchen Fuͤrſten/ Wartis lao dem erſten vnd Ratiboro/ Gebruͤdern/ fein regieret worden.

Im tauſend ein hundert vier vnd zwantzigſten Jahr iſt geweſen ein ſehr harter winter/ vnd ein vngeſtuͤmer fruͤling/ darauff eine groſſe thewrung/ vnnd ein groſſes ſterbẽ gefolget/ daß faſt der dritte theil der Menſchen dadurch auffgangen. Crentzheim.

Im tauſend ein hundert ſechs vnd zwantzigſten Jahr/ iſt Marggraff Albrecht der Beer mit Keyſer Lothario in Behemen gezogen/ Marggraff Otten im Mehrlan­de zu hͤlffe/ wider Hertzog Vlrichen in Behemen. Aber da iſts jhm nicht gar glücklich gangen. Denn da iſt nicht allein Marggraff Otto im Mehrlande/ vnd graff Hartung in Nordalbingia/ vmbkommen: Sondern Marggraff Albrecht zu Soltwedel iſt auch mit einem andern Graffen/ Ludwig genand/ gefangen worden. Fabricius lib. de Elect. Sax. Kranzius lib. 6. cap. 2. 6

ben