6 * \

ns Chronica der Marck Brandenburg/ ten/ find die Bürger von Frand furt hinaus gefallen/ vnd haben fie im Dorff Zetſche­naw/ ein vierthenl weges von Franckfurt/ vberfallen vnd geſchlagen.

Darnach ſind die Franckfurtiſchen bey nachtſchlaffender zeit kommen/ haben den Biſchofflichen Sitz zu Goritz vmbringet den vnruhigen Biſchoff gefangen genommen/ den Thumb zu Goͤritz zerſtoͤret/ vnd den Biſchoff ein jarlang gefenglich gehalten. Wile­wol aber der Biſchoff endlich auff einen vertrag außgelaſſen worden/ fo hat er doch her­nach weniger/ als zuuor/ konnen zu frieden ſein: Sondern hat endlich die ſache beim Roͤmiſchen Stuel anhengig gemacht/ vnd bey dem Bapſt lohannes XXII. fo viel zu we­ge bracht/ daß die Stad Franckfurt/ mit jhrem Fuͤrſten, Marggraff Ludwigen, der ſich jhrer getrewlich angenommen/ vnd andern jhren achærenten, im Bann gethan worden darin fie in die acht vnd zwantzig Jahr haben fein muͤſſen. Mitlerweie iſt zu Franckfurt wider Meß gehalten/ noch Predigt gehoͤret/ noch Sarrament gehandelt vnd gebrauchet worden: Sondern alles Kirchengeprenge vnd alle Chriſtliche Ceremo­nien vnd vbungen haben die acht vnd zwantzig Jahr vber muſſen feyren. Von dieſem ein­fall der Polen/ Eitehawen vnd Reuſſen in die Marck Brandenburg/ ſehreibet Juſtut/ Caſpar Schaͤtz in hiſtoria rerum pruſsicarum, Krantzius, Curæus,&c.

Im tauſend drey hundert vnd ſieben vnd zwantzigſten jar/ Mitwochs nach Mars gareten/ hat Landgraff Friederich in Duͤringen der Stad Nawen Priuilegia, ſreyhei­ten vnd gute gewonheiten confirmiret vnd beſtettiget. Marchia Autoris,

Im tauſend drey hundert acht vnd zwantzigſten Jar/ am neunden tage des Mey­monate/ iſt geſtorben Fraw Judith(ſonſten Jutta genand) Marggraff Otten des Langen Tochter/ Rudoſpht des erſten/ Churfuͤrſten in Sachſen Gemahel/ begraben zu Wittenberg im Cloſter. Juſtus/ Fabricius/ ete.

Im ſelben Jahr iſt zu Rom jung worden Hertzog Ludwig in Bayern Keyſer Ludwigs des fuͤnfften Sohn/ welcher hernach Marggraff vnd Churfuͤrſt zu Branden­burg worden iſt. Vnd weil er zu Rom jung worden, hat er den nahmen dauon bekomen/ daß er allzeit Iadouicus Remaaus, oder Ludwig der Romer/ iſt genennet worden. Krent­heimius/ Bucholcerus.

Hieronymus Henninges in Genealogijs, Fabricius in El. Sax, Spangenrbergiĩus im Adelſpiegel/ vnd andere ſchreiben, daß Key er Ludwig in dieſem Jahr/ auff den fuͤnff vnd zwantzigſten tag Februarij das Marggraffthumb zu alten Landßberg gegeben habe Rudolpho dem erſten/ Hertzoge vnd Churfuͤrſten in Sachſen.

Im vorgedachten tauſend drey hundert vnnd acht vnnd zwantzigſten Jahr/ hat Marggraff Ludwig von Brandenburg/ Chu fuͤrſt/ Lenzen vnd Domhtze/mit dem lan­de an beyden ſeiten der Elbe/ Mitwochs vor Lætare, vor ſiebendehalb tauſend Bran­denburgiſche Marck ſilbers/ Graff Heinrichen/ Niclauſen/ Otten/ vnd wider Graff Ytten von Schwerin/ vnd jhren rechten Erben verfaßt/ in beſter form vnd maß/ wie die feine vorfahren/ die Marggraffen zu Brandenburg/ beſeſſen vnnd ſnnen gehabt/ doch auff ein wider löſen. Hat auch im ſelben Jahr acht rück Geldes/ oder einkonmens jarlicher hebung/ von acht ſtücken landes/ gelegen in Prempzelin/ zu des heiligen Geiz fies Altar der Kirchen zu Eengen ewiglich zubehalten vbergeben/ wie der Brief/ ſo dar­über gegeben/ vnd zu Arneburg iſt datiret worden/ außweiſet.

Item/ in dem Jahr/ bald nach der Geburt der heiligen Jungfrawen Marien/ haben Ludouicus vnd Stephanus/ beyde Marggraffen zu Brandenburg derer von Nawen freyheyten vnnd gerechtigkeiten confirmiret. Marchia Autoris.

Im tauſend drey hundert neun vnd zwantzigſten Jahr/ hat Marggraff Ludwig der Elter der Stad Frankfurt an der Oder aus gnaden nachgegeben/ daß die Bürger ohn einigen Zoll/ beyde zu Land vnd zu Waſſer/ möchten handeln vnd wandeln Juſtus in der Franckfurtiſchen Chronicken. z

n