Das dritte Buch. 270

gefunden worden/ die andern ſtůcke aber zerſtrewet/ etliche weit von der Stadt/ auch etli­che inwendig der Mawren: Die denn der Burgermeiſter daſelbſt zu Bernaw vnd etli­che Rahts verwandten auffgehaben/ vnnd verwahret haben.

Dieweil aber einer/ mit namen Paul Frohm/ ein Keſſelbuͤſſer zu Bernaw/ in einem Gaͤßlein/ Hagen genandt/ nahe gegen der Maweren/ dahinter die groſſen Stuͤcke der Monſtrantzen im Graben gefunden worden /wohnhafftig/ fo balde der Diebſtal vnnd Kirchenbruch erſchollen/ entwichen/ vnd weil er auch ſonſt eines verdaͤchtigen leichtfer­tigen lebens geweſen/ vnd man auch das Creutz/ ſo auff der Monſtrantzen geſtanden/ on­fen bey jhm vnd in feiner hand geſehen(weil ers einem Thorwaͤchter vnd Wagner das ſelbſt gezeiget/ vnnd es jhm vor einen Wagen hat geben wollen) iſt er dadurch vers dacht vnd beruͤchtiget worden.

Wiewol nu gedachter Kirchenbrecher Paul Frohm/ ſo bald das geruͤchte def began­genen Kirchbrechens vnnd Diebſtals außgerieſſen/ geflogen/ vnnd ſich der Stadt Ber­naw etliche Monatlang enthalten fo iſt jhm dennoch vnmuͤglich geweſen/ als er hernach zum offtern bekandt/ ſich der Stadt lenger zu euſſern vnd zu enthalten, ſondern fein ei­gen gewiſſen/ welches ein ſtettfreſſender Wurm iſt/ hat jhn alſo gedruckt genaget vnnd gefreſſen/ daß er endlich gen Bernaw widerumb hat kommen muſſen/ damit er ſeinen verdienten lohn/ wegen feiner begangenen mißhandlung empfangen Möchte, Iſt dem­nach am Sontage/ welches damals der ander tag deß Monats Junij geweſen,/ auff den Abend gar ſpaͤt in Sanct Georgij Hoſpital vor Bernaw eingekehret/ vnangeſehen/ das jhm den vorigen Abend zu Boͤtzaw vnd Liebenwalde von etlichen angezeiget worden/ wie ein boß gerücht vber jhn gienge/ daß er die Hoſtien ſampt der Monſtrantzen ſolte ge­ſtolen haben/ vnd wo er ſich deſſen ſchuͤldig wüßte/ daß er ſich der Stadt enthalten, vnd dieſelbe mit dem Rücken anſehen ſolte. Deß Montages darnach iſt er in die Stadt gangen/ da jm denn die Stadtdiener bald auff den dienſt gewartet/ jhm auff heiſſen fuß­ſe nachgefolget biß in ſein Hauß/ ond jhn gefaͤnglich angenommen vnd eingezogen Da das geſchehen,/ hat er alsbalde frey Öffentlich vnd vngemartert bekandt/ daß er Def Mit­wochs nach Liechtmeſſen in die Kirch zu Knoblauch geſtiegen/ vnd mit einem Lothey fen das Eibor um auffgebrochen/ vnd daraus zwo conſecrirte Hoſtien in einem meſſingen Buͤchßlein/ vnd eine kuͤpfferne verguͤldete Monſtrantzen geſtolen vnd weggetragen het­te. Als er aber auff diß ſein eigen bekendtnuͤß weiter gefraget worden/ wo er denn die conſecrirte Hoſtien gelaſſen/ Iſt auff das mal feine antwort geweſen/ er hette beyde Ho­ſtien zu ſich genommen/ vnd hette fie vernuͤtztt. Dabey es denn die von Bernaw das mals haben wenden laſſen. Doch haben ſie ſolches Herrn Hieronymo/ dem Biſchoff zu Brandenburg/ als dem rechten Ober herrn/ deß Dorffs Knoblauch/ vnnd warhaffti. gen Ordinario/ anzeigen laſſen/ mit erbietung/ daß fie dem Biſchoffe/ oder feinen Ans walden/ gegen Paul Frohmen/ vmb der boͤſen begangenen that halben/ rechts verhelffen wolten. ᷣ

Diß erbieten deß Rahts zu Bernaw hat Heinrich von Betſchitz/ des Stiffts zu Brandenburg Haͤuptman/ u danck angenommen/ vnnd iſt bald hernach/ den neundten tag Junij/ kommen/ vnd hat auff alle vorermelte vnd andere geſchehene indicia, con­fe siones vnd dergleichen/ von Paul Frohmen wiſſen wollen/ wo er die Hoſtien gelaſ­ſen/ ſintemal jhm nicht zu gleuben ſtunde/ daß er die heiligen Hoſtien zu feiner ſündlichen vernltzung geſtolen heite. Da man jhn nu darauff mit dem Scharffrichter bedrewet/ hat Paul Frohm von ſtundan mit klaren vornemlichen worten außgeſagt/ vnd nicht al­lein in der pein/ ſondern auch vielmals hernach ſrey vnd ledig/ in gegenwart des Heupt­mans/ Bůrgermeiſters vnd Rahtmannen zu Bernaw bekandt/ wie er in die Kirch zu Knoblauch geſtiegen/ die Hoſtien vnd Monſtrantze heraus geſtolen/ vnd die eine Hoſti­en zu ſich im Munde genommen vnd vernuͤtzet/ die ander aber habe er balde den ſolgen­den Donnerſtag Salomon Juͤden zu Spandaw/ vmb neun Maͤrcliſcher groſchen

P ij verkaufft/